ارۋجان ساين دەنەسٸنەن ينەلەر تابىلعان قىز جايلى ايتىپ بەردٸ. ونىڭ ايتۋىنشا, وقيعا وڭتٷستٸك قازاقستان وبلىسىندا بولعان. ارۋجان ساين بۇل تۋرالى Facebook جەلٸسٸندەگٸ پاراقشاسىندا جازدى, - دەپ حابارلايدى Tengrinews.kz تٸلشٸسٸ.
"(...) 2016 جىلدىڭ باسىندا بٸزدٸڭ قورعا اينا ەسٸمدٸ قىزدىڭ ەكەسٸ حابارلاستى. اينا 2011 جىلى تۋىلعان. ەكەسٸ قىزىنىڭ ٶڭەشٸ كٷيٸپ قالۋىنا بايلانىستى ونى شەتەلدە ەمدەۋگە جٸبەرۋدٸ سۇراعان. قورداعى تەرتٸپكە سەيكەس, بٸز بالانىڭ اتا-اناسىنان الىنعان مەديتسينالىق قۇجاتتاردىڭ بارلىعىن تٷرلٸ كلينيكالارعا جولدادىق, ولاردىڭ ٸشٸندە يندييانىڭ "فورتيس" "مەديندييا" كلينيكالار جەلٸسٸنە دە جولدادىق.
مەديتسينالىق جازبالاردى العان "مەديندييا" كلينيكاسىنىڭ قىزمەتكەرلەرٸ قىزدىڭ جاعدايىنا تاڭعالدى. بٸز قازاقستاندىق دەرٸگەرلەردەن دە كەڭەس الدىق, ولار دا شەتەلدٸك ەرٸپتەستەرٸ شىعارعان قورىتىندىنى راستادى. قۇجاتتارعا قاراپ, قىزدىڭ دەنساۋلىعىنا اۋىر زييان كەلٸپ جاتقانىن جەنە ونىڭ ٶلٸمگە ەكەلۋٸ مٷمكٸن ەكەنٸن ايتتى", - دەپ جازدى ساين.
"قىزدىڭ دەنساۋلىعى جايلى حرونولوگييالىق مەلٸمەتتە بىلاي جازىلعان:
- 2012 جىلدىڭ ماۋسىمىندا (قىز بٸر جاستا) - اۋىر باس-مي جاراقاتى. قىزدىڭ ٶزٸ قۇلاپ كەتكەنٸ ايتىلادى.
- 2013 جىلدىڭ قاڭتارىندا (قىز بٸر جارىم جاستا) - دەنەسٸنەن ينەلەر تابىلدى. قىزدىڭ مۇنداي جاستا ٶز-ٶزٸنە ينە تىعۋى مٷمكٸن ەمەس.
- 2013 جىلدىڭ مامىرىندا (قىز ەلٸ 2 جاسقا تولعان جوق) ٶڭەشٸ كٷيٸپ كەتكەن. اينانىڭ ٶڭەشٸنەن باستاپ اسقازانىنا دەيٸن كٷيٸپ كەتكەن. اۋزى مەن مۇرنى دا كٷيٸپ قالعان. سول سەتتەن باستاپ قىز ٶز بەتٸنشە تاماق جەي المايدى. تەك سۇيىق تاعامدى ارنايى اپپارات ارقىلى جەيدٸ. (...), - دەپ جازدى ارۋجان ساين.
سونداي-اق, ونىڭ ايتۋىنشا, ولار وسى جاعداي جايلى باس پروكۋراتۋراعا حات جولداپ, قانداي دا بٸر شارالاردى قولدانۋدى سۇراپ وتىر.
"ەلٸ كٷنگە دەيٸن قىزدىڭ جاعدايى جايلى مەلٸمەت جوق - تٸرٸ ما, جوق پا بٸلمەيمٸز. ەكەسٸ تەلەفون نٶمٸرٸن اۋىستىرىپ تاستاعان سيياقتى. قالاي كٶمەكتەسەرٸمٸزدٸ بٸلمەي وتىرمىز. مۇنىمەن قاجەتتٸ جەنە مٸندەتتٸ ادامدار اينالىسۋى كەرەك!", - دەپ جازدى قوعامدىق قوردىڭ جەتەكشٸسٸ.
مۇنىمەن قوسا, ارۋجان ساين بالالارعا قاتىستى كەلٸپ تٷسكەن شاعىمدار مەن ٶتٸنٸشتەردٸ قاراستىرۋعا شاقىردى.
