جٷكتٸ شامادان تىس تيەپ جٷرەتٸن كٶلٸكتەرگە قاتىستى ايىپپۇل سالۋ تيٸمسٸز شەشٸم بولىپ تۇر. بۇل تۋرالى مەجٸلٸستە زاڭنامالىق اكتٸلەرگە كٶلٸك مەسەلەلەرٸ بويىنشا ٶزگەرٸستەر ەنگٸزۋ تۋرالى زاڭ جوباسىن تانىستىرۋ كەزٸندە قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك كاماليەۆ ايتتى, دەپ حابارلايدى قازاقپارات.
تالقىلاۋ بارىسىندا جٷكتٸ شامادان تىس ارتىق تيەپ, جولدى بۇزاتىن كٶلٸكتەردٸ شەكتەۋ مەسەلەسٸ تۋرالى سۇراىق قويىلدى.
ٶز كەزەگٸندە ۆيتسە-مينيستر بەرٸك كاماليەۆ اۆتوجولداردا شامادان ارتىق جٷكتٸ كٶبٸنە قىتايلىق كٶلٸكتەر تيەپ الاتىنىن راستادى.
«قىتايلىق جٷك كٶلٸكتەرٸ 40 تونناعا دەيٸن ينەرتتٸ ماتەريالداردى تاسىمالداۋعا قاۋقارلى. ولار اۆتوجولعا ٶتە جوعارى جٷكتەمە تٷسٸرەدٸ. بٸزدە كٶلٸكتٸك باقىلاۋ ينسپەكتورلارى بار, ارتىق جٷك تيەگەندەردٸ توقتاتادى. الايدا بۇل جٷك كٶلٸگٸن تٸزگٸندەگەن جٷرگٸزۋشٸلەر ينسپەكتوردى ەلەمەي, ارى قاراي جٷرە بەرەتٸن جاعدايلار دا كەزدەسٸپ جاتىر. بۇل كٶلٸكتەر قالانىڭ ٸشٸندەگٸ جولداردى دا بۇزىپ جٷرگەنٸ بەلگٸلٸ. سوندىقتان ايىپپۇلدار سەكٸلدٸ ٸس-شارالار تيٸمسٸز ەكەنٸن كٶرسەتٸپ وتىر», - دەدٸ ۆيتسە-مينيستر.
سونىمەن قاتار ول كٶلٸكتٸك باقىلاۋداعى سىبايلاس جەمقورلىق جاعدايلارى دا بار ەكەنٸن ايتتى.
«سوندىقتان ەلەمدٸك تەجٸريبە ينسپەكتورلاردىڭ بولماۋىن ەسكەرٸپ وتىر. ينسپەكتورلار جٷرگٸزۋشٸلەرمەن بايلانىستا بولماۋى كەرەك» - دەدٸ بەرٸك كاماليەۆ.
