قازاقستان بوكس فەدەراتسيياسىنىڭ باپكەرلٸك مەسەلەلەر جٶنٸندەگٸ ۆيتسە-پرەزيدەنتٸ, مەملەكەتتٸك جاتتىقتىرۋشى باقتييار ارتاەۆ بوكسشىلاردىڭ توكيو وليمپياداسىنداعى سەتسٸزدٸكتەرٸ ٷشٸن كەشٸرٸم سۇرادى, دەپ حابارلايدى قازاقپارات.
«ەرينە, توكيو وليمپياداسىندا ٶتە سەتسٸز بولعان كٶرسەتكٸشٸمٸز ٷشٸن كەشٸرٸم سۇرايمىز. الداعى ۋاقىتتا ساراپتاما, جٷيەلٸ جۇمىس جاسالىپ, كەلەسٸ وليمپيادا ويىندارىندا ٶزٸمٸزدٸڭ بۇرىنعى كٶرسەتكٸشتەرٸمٸزگە قايتا ورالىپ, جوعارى نەتيجە كٶرسەتەمٸز دەپ سەندٸرگٸم كەلەدٸ. قولداۋلارىڭىزعا كٶپ راحمەت. ەرٸ قاراي جٷيەلٸ جۇمىس جاساپ, سپورتتىق نەتيجەلەرٸمٸزدٸ كٶتەرەمٸز. ەشقانداي سۇراق جوق, راحمەت ايتقىم كەلەدٸ», - دەدٸ باقتييار ارتاەۆ قازاقستان ۇلتتىق وليمپيادا كوميتەتٸ باس اسسامبلەياسىنىڭ وتىرىسىندا.
ايتا كەتەيٸك, اتالمىش شارادا پرەمەر-مينيستردٸڭ ورىنباسارى ەرالى توعجانوۆ مەدەنيەت جەنە سپورت مينيسترلٸگٸنە سپورت باپكەرلەرٸنٸڭ ايلىعىن كٶتەرۋ تۋرالى تاپسىرما بەردٸ.
«ۇلتتىق وليمپيادا كوميتەتٸ مەدەنيەت جەنە سپورت مينيسترلٸگٸمەن, بٸلٸم جەنە عىلىم مينيسترلٸگٸمەن بٸرلەسٸپ, جوعارى وقۋ ورىندارىندا جاڭا بٸلٸم باعدارلامالارىن دايىنداۋعا اتسالىسۋى كەرەك. سونداي-اق, مينيسترلٸككە باپكەرلەردٸ قولداۋ, ونىڭ ٸشٸندە ەڭبەكاقىسىن كٶتەرۋ بويىنشا ۇسىنىس دايىنداۋ كەرەك. تٶرتٸنشٸدەن, الداعى بەيجٸڭ قالاسىندا ٶتەتٸن قىسقى وليمپيادا ويىندارىندا سپورتشىلارىمىزدىڭ تابىستى ٶنەر كٶرسەتۋٸن قامتاماسىز ەتۋ قاجەت. بۇل مەسەلەنٸ جۋىقتا ٷكٸمەتتە تالقىلاعانبىز. فەدەراتسييا باسشىلارىمەن بۇل جٶنٸندە جەكە كەزدەسۋ ٶتكٸزەمٸز», - دەدٸ ۆيتسە-پرەمەر.
