elements.envato.com
"ارسەلورميتتال تەمٸرتاۋ" كومپانيياسى 10 ماۋسىمداعى اپات كەزٸندە قازا تاپقان مەتاللۋرگتەردٸڭ وتباسىنا ون جىلدىق جالاقى تٶلەدٸ, - دەپ حابارلايدى Tengrinews.kz.
سونداي-اق, كومپانييا زارداپ شەككەندەردٸڭ بالالارىنىڭ وقۋ اقىسىن تٶلەۋگە, وتباسىلارىنا باسپانا الۋعا كٶمەكتەسۋگە مٸندەتتەمە الدى.
"ەشقانداي ماتەريالدىق قولداۋ وتباسىلاردىڭ قايعىسىن جۇباتا المايدى. سوعان قاراماستان, كومپانييا وتباسىلارعا بارلىق قاجەتتٸ قولداۋدى كٶرسەتەتٸنٸنە جەكە ٶزٸم سەندٸرەمٸن", - دەدٸ "ارسەلورميتتال تەمٸرتاۋ" اق باس ديرەكتورى بيدجۋ ناير.
ەر وتباسىنا ون جىلدىق جالاقىدان بٶلەك, كومپانييا ەربٸر بالاعا 18 جاسقا دەيٸن نەمەسە جوعارى بٸلٸم العان جاعدايدا 23 جاسقا دەيٸن اي سايىنعى ساقتاندىرۋ تٶلەمٸن تٶلەيدٸ. قاجەت بولعان جاعدايدا قازا تاپقانداردىڭ وتباسىلارىنا باسپانا الۋعا كٶمەكتەسەدٸ نەمەسە بٸرجولعى ٶتەماقى تٶلەيدٸ. ٷيدٸ جٶندەۋگە قاراجات بەرەدٸ نەمەسە يپوتەكالىق تٶلەمدەردٸڭ بەلگٸلٸ بٸر بٶلٸگٸن تٶلەپ بەرەدٸ. سەرٸكتەستٸك كەسٸپورىندارىندا ەيەلدەرٸ مەن بالالارىن جۇمىسقا ورنالاستىرۋعا جەردەمدەسەدٸ. ەيەلدەرٸ مەن بالالارىنا ساناتورييلەر مەن بالالار لاگەرلەرٸنە جىل سايىن جولدامالار بەرەدٸ.
ەسكە سالايىق, 10 ماۋسىمدا مەتاللۋرگييالىق زاۋىتتا "قۇرىلىسمەت" جشس-نٸڭ ("ارسەلورميتتال تەمٸرتاۋدىڭ" ەنشٸلەس كەسٸپورنى) سوعۋ-پرەستەۋ تسەحىنداعى تەرمييالىق پەشتٸ دەمونتاجداۋ كەزٸندە پەشتٸڭ شاتىرى وپىرىلعان بولاتىن. ٷيٸندٸ استىندا بەس جۇمىسشى بولعان. تٶرتەۋٸ قازا تاۋىپ, بٸرەۋٸ امان قالعان ەدٸ.
