قر يندۋسترييا جەنە ينفراقۇرىلىمدىق دامۋ مينيسترلٸگٸ جۇمىسشىلاردى قىسقارتپاۋ تۋرالى ٸرٸ كومپانييالارمەن كەلٸسسٶز جٷرگٸزدٸ, دەپ حابارلايدى "ۇلت اقپارات".
بۇل تۋرالى مينيستردٸڭ مٸندەتٸن اتقارۋشى قايىربەك ٶسكەنباەۆ ايتىپ بەردٸ.
«حالىقتى جۇمىسپەن قامتۋدا بٸزدٸڭ سالا بويىنشا ٶڭٸرگە قارايتىن 700 مىڭداي ادام جۇمىس ٸستەيدٸ. ٷكٸمەت تاپسىرماسىمەن «ارسەلور ميتالل», «قازتسينك», «قازاقمىس» سىندى ٸرٸ كومپانييالارمەن كەلٸسٸمشارتقا وتىردىق, جۇمىسكەرلەر سانىن قىسقارتۋعا تىيىم سالىنعان. مٷمكٸن جارتى كٷنگە جٸبەرەتٸن شىعار, بٸراق ەشكٸمدٸ تولىق قىسقارتپايدى», - دەدٸ ق. ٶسكەنباەۆ ورتالىق كوممۋنيكاتسييالار قىزمەتٸندە ٶتكەن بريفينگتە.
ونىڭ ايتۋىنشا, جول سالاسىندا 200 مىڭعا جۋىق ادام جۇمىس ٸستەيدٸ. بەرٸلگەن تاپسىرما بويىنشا, ولار 100 پايىز قازاقستاندىق ٶنٸمدٸ پايدالانۋى تيٸس جەنە ەشكٸم جۇمىستان قىسقارماۋى كەرەك.
«ەسٸرەسە داعدارىس كٶلٸك سالاسىنا ەڭ كٶپ ىقپال ەتتٸ. ەۋە, تەمٸرجول, اۆتوكٶلٸك بارلىعىنىڭ قوزعالىسى توقتاپ قالدى. بٸراق بٸز «قازاقستان تەمٸر جولى», «ەير استانا», «سكات» سىندى كومپانييالارمەن كەلٸستٸك. تەمٸرجول سالاسىندا - 125 مىڭ ادام, اۆياتسييادا - 20 مىڭنان استام ادام جۇمىس ٸستەيدٸ. مۇندا دا ەشكٸم قىسقارتىلمايدى. بارلىعى ٶز ورنىندا قالادى», - دەدٸ ۆەدومستۆو ٶكٸلٸ.
مينيسترلٸككە قارايتىن تاعى ٷلكەن سالا - قۇرىلىستا 600 مىڭنان استام ادام جۇمىس ٸستەيدٸ.
«قازٸر ٷكٸمەت قۇرىلىس مەسەلەسٸنە كٶپ كٶڭٸل بٶلٸپ وتىر. سەبەبٸ, قۇرىلىس - ەڭ كٶپ جۇمىستى قامتيتىن سالا. وعان قوسىمشا قاراجات بٶلٸپ, قوسىمشا جۇمىس ورىندارىن اشۋ مەسەلەسٸن العا قويىپ وتىرمىز», - دەدٸ قايىربەك ٶسكەنباەۆ.
