ارمييالىق حالىقارالىق ويىنداردىڭ «تەڭٸز كۋبوگى» كونكۋرسىندا قازاقستاننىڭ ەسكەري تەڭٸزشٸلەرٸ كورابلدٸ ساقتاپ قالۋ ٷشٸن ەرەكەت ەتۋدە بٸرٸنشٸ ورىنعا يە بولدى, - دەپ حابارلايدى قورعانىس مينيسترلٸگٸنٸڭ باسپاسٶز قىزمەتٸ.
يران كورابلٸنٸڭ ەكيپاجى دا بٸزدٸڭ جاۋىنگەرلەرمەن تەڭ تٷستٸ. «سۇڭقار اڭشىلىعى» كونكۋرسىنىڭ بٸرٸنشٸ كەزەڭٸ ٷش جاتتىعۋىنىڭ قورىتىندىسى بويىنشا قازاقستان كومانداسى ٷزدٸك نەتيجە كٶرسەتتٸ. ۇپاي سانى جاعىنان رەسەي دە بٸزدٸڭ كوماندامەن بٸرگە بٸرٸنشٸ ورىندا تۇر.
ارمەنييادا ٶتٸپ جاتقان «بەيبٸتشٸلٸك جاۋىنگەرٸ» كونكۋرسىنا قاتىسۋشىلار «كەسٸپقوي» كەزەڭٸنٸڭ ەكٸ جاتتىعۋىن ورىندادى. قازاقستان كومانداسىنىڭ ٶكٸلٸ اعا سەرجانت دارحان اسلان بارلىعىن ارتتا قالدىرىپ, كەدەرگٸلەر جولاعىنان 6 مينۋت 17 سەكۋندتا ٶتتٸ.
ٷش جارىستىڭ قورىتىندىسى بويىنشا رەسەي كٶش باستاپ تۇر, ەكٸنشٸ ورىندا قازاقستان ەسكەري قىزمەتشٸلەرٸ كەلەدٸ.
«ەلبرۋس شەڭبەرٸ» كونكۋرسىندا بٸرٸنشٸ كەزەڭنٸڭ قورىتىندىسى بويىنشا رەسەي كومانداسى بٸرٸنشٸ ورىندا, قازاقستان ەكٸنشٸ ورىندا, ال ٷشٸنشٸ ورىن ٶزبەكستانعا بۇيىردى. بٸرٸنشٸ كەزەڭ بارىسىندا قاتىسۋشىلار جاساندى تاۋ بەدەرٸنە ٶرمەلەۋدەن باستاپ تاۋداعى كەدەرگٸلەر جولاعىنان ٶتۋ جەنە وق اتۋدى ورىنداۋ سيياقتى بەس تٷرلٸ ارنايى تاپسىرمانى ورىندادى.
سونىمەن قاتار, ارمييالىق حالىقارالىق ويىنداردىڭ باسقا كونكۋرستارى بويىنشا دا جارىستار جالعاسۋدا. سايىس شارىقتاۋ شەگٸنە جەتٸپ, ەر كوماندانىڭ جەڭٸسكە دەگەن ۇمتىلىسى ارتىپ كەلەدٸ.
