Armiialyq halyqaralyq oiyndardyń «Teńiz kýbogy» konkýrsynda Qazaqstannyń áskeri teńizshileri korabldi saqtap qalý úshin áreket etýde birinshi orynǵa ie boldy, - dep habarlaidy Qorǵanys ministrliginiń baspasóz qyzmeti.
Iran korabliniń ekipajy da bizdiń jaýyngerlermen teń tústi. «Suńqar ańshylyǵy» konkýrsynyń birinshi kezeńi úsh jattyǵýynyń qorytyndysy boiynsha Qazaqstan komandasy úzdik nátije kórsetti. Upai sany jaǵynan Resei de bizdiń komandamen birge birinshi orynda tur.
Armeniiada ótip jatqan «Beibitshilik jaýyngeri» konkýrsyna qatysýshylar «Kásipqoi» kezeńiniń eki jattyǵýyn oryndady. Qazaqstan komandasynyń ókili aǵa serjant Darhan Aslan barlyǵyn artta qaldyryp, kedergiler jolaǵynan 6 minýt 17 sekýndta ótti.
Úsh jarystyń qorytyndysy boiynsha Resei kósh bastap tur, ekinshi orynda Qazaqstan áskeri qyzmetshileri keledi.
«Elbrýs sheńberi» konkýrsynda birinshi kezeńniń qorytyndysy boiynsha Resei komandasy birinshi orynda, Qazaqstan ekinshi orynda, al úshinshi oryn Ózbekstanǵa buiyrdy. Birinshi kezeń barysynda qatysýshylar jasandy taý bederine órmeleýden bastap taýdaǵy kedergiler jolaǵynan ótý jáne oq atýdy oryndaý siiaqty bes túrli arnaiy tapsyrmany oryndady.
Sonymen qatar, Armiialyq halyqaralyq oiyndardyń basqa konkýrstary boiynsha da jarystar jalǵasýda. Saiys sharyqtaý shegine jetip, ár komandanyń jeńiske degen umtylysy artyp keledi.
