ارمەنييادان ماشينا ەكەلۋ بارىسىنداعى الاياقتىق ەرەكەت فاكتٸلەرٸ بويىنشا تەرگەۋ جٷرگٸزٸلٸپ جاتىر. بۇل جايىندا قازاقستان پرەزيدەنتٸ قاسىم-جومارت توقاەۆ informburo.kz اقپاراتتىق-ساراپتامالىق پورتالىنا بەرگەن ەكسكليۋزيۆتٸ سۇحباتىندا ايتتى, دەپ حابارلايدى قازاقپارات.
«پروبلەما ەلٸ كٷنگە دەيٸن ٶزەكتٸ بولىپ تۇرعانىمەن كەلٸسەمٸن. ادام جولىن تاۋىپ, كٶرشٸ ەلدەردەن اۆتوموبيلدٸ كٶپتەپ الىپ كەلدٸ. مەنٸڭ تاپسىرماممەن باس پروكۋراتۋرا وسى احۋالعا قۇقىقتىق باعالاۋ جٷرگٸزدٸ. بٸرقاتار مەملەكەتتٸك قۇرىلىمنىڭ قىزمەتٸنە نارازىلىق بار. بۇعان قوسا, جەكەلەگەن تۇلعالار زاڭنامانى بۇزا وتىرىپ جەنە ادامداردى الداپ, مۇنان زاڭسىز بيزنەس قۇرىپ العان. ارمەنييادان ماشينا ەكەلۋ بارىسىنداعى الاياقتىق ەرەكەت فاكتٸلەرٸ بويىنشا تەرگەۋ جٷرگٸزٸلٸپ جاتىر», - دەدٸ مەملەكەت باسشىسى.
قر پرەزيدەنتٸنٸڭ اتاپ ٶتۋٸنشە, ەاەو بويىنشا قازاقستاننىڭ كەيبٸر سەرٸكتەستەرٸمەن ٶزارا ٸس-قيمىلدا دا بٸرقاتار مەسەلە بار. قازٸرگٸ ۋاقىتتا ولارمەن الداعى ۋاقىتتا مۇنداي پروبلەمالاردىڭ قايتالانۋىنا جول بەرمەۋ ٷشٸن جۇمىس جٷرگٸزٸلٸپ جاتىر.
«ٷكٸمەتكە قازاقستاندىق كٶلٸك يەلەرٸنٸڭ مٷددەلەرٸن ەسكەرە وتىرىپ, ارمەنييادان ەكەلٸنگەن اۆتوماشينالاردى پايدالانۋدى رەتكە كەلتٸرۋ بويىنشا قوسىمشا ۇيىمداستىرۋشىلىق شارالاردى ەزٸرلەۋ تاپسىرىلدى», - دەدٸ قاسىم-جومارت توقاەۆ.
