ارمەنييانىڭ پرەمەر-مينيسترٸ نيكول پاشينيان سوعىستى توقتاتۋ تۋرالى قۇجاتقا قول قويعانىن جارييالاعاننان كەيٸن ارمەنييا ٷكٸمەتٸ عيماراتىنىڭ الدىنا حالىق جينالدى. بۇل تۋرالى ارمەنپرەسس اگەنتٸگٸ حابارلادى.
رەسپۋبليكا الاڭىندا سيگنال بەرگەن كٶلٸكتەر ٶتٸپ جاتىر. ٷكٸمەت عيماراتىنىڭ الدىنداعى جاعداي ۋشىعىپ تۇر.
ٷكٸمەت عيماراتىنا ونداعان ادام باسىپ كٸردٸ. پوليتسييا قىزمەتكەرلەرٸ ادامداردى عيماراتتان شىعۋعا كٶندٸرۋدە.
پرەمەر-مينيستر قابىلدانعان شەشٸم وعان تىم قيىن بولعانىن, بۇل شەشٸم ەسكەري جاعدايدى تەرەڭ تالداۋ نەتيجەسٸندە, جاعدايدى جاقسى بٸلەتٸن ادامداردى باعالاۋ نەتيجەسٸندە قابىلدانعانىن اتاپ ٶتتٸ.
ٷكٸمەت ٷيٸ الدىنا جينالعان ادامدار ارمەنييا, رەسەي جەنە ەزەربايجان باسشىلارىنىڭ مەلٸمدەمەسٸنٸڭ مەتٸنٸ ەلٸ جارييالانباعانىنا قاراماستان, شەشٸممەن كەلٸسپەيتٸنٸن بٸلدٸرۋدە.
"جەرلەرٸمٸزدٸ بەرمەيمٸز" دەپ ۇرانداتقان توپ ازاماتتاردى ٶزدەرٸنٸڭ جاعىنا قوسىلۋعا شاقىرعان. وپپوزيتسييا پاشينياننىڭ وتستاۆكاعا كەتۋٸن تالاپ ەتتٸ.
"نوۆوستي ارمەنيي" سايتىنىڭ جازۋىنشا, ٷكٸمەت عيماراتى ورنالاسقان كٶشەلەردٸ پوليتسييا قورشاعان.
ٷش مەملەكەتتٸڭ باسشىلارى قول قويعان كەلٸسٸمگە سەيكەس, ارمەنييا 20 قاراشاعا دەيٸن "اگدام اۋدانى مەن ەزەربايجان رەسپۋبليكاسىنىڭ گازاح اۋدانىندا ارميان تارابى باقىلاۋدا ۇستاعان اۋماقتاردى" ەزەربايجان جاعىنا قايتارۋى تيٸس. بٸراق تاۋلى قاراباقپەن بايلانىسىن ٷزبەۋ ٷشٸن لاچين دەلٸزٸن (ەنٸ 5 كم) ساقتاپ قالادى. الايدا دەلٸز شۋشا قالاسىنان ٶتپەيدٸ. اۋماققا رەسەيلٸك بٸتٸمگەر ساربازدار ەكەلٸنەدٸ.
وسىعان دەيٸن ەزەربايجان ەسكەرٸنٸڭ تاۋلى قاراباقتاعى بٸرقاتار اۋماقتى باقىلاۋعا العانى, ٶزٸن رەسپۋبليكا جارييالاعان تاۋلى قاراباق ورتالىعى ستەپاناكەرتكە جاقىنداپ قالعانى جايلى حابار تاراعان ەدٸ.
تاۋلى قاراباق رەسمي تٷردە ەزەربايجان اۋماعى سانالادى, بٸراق بۇل ايماقتا ەتنيكالىق ارمياندار تۇرادى. تاۋلى قاراباقتاعى ارميانداردى ەرەۆان قولداپ وتىر. ەزەربايجان مەن ارمەنييا تاۋلى قاراباق ايماعى ٷشٸن 1988 جىلدان بەرٸ قاقتىعىسىپ كەلەدٸ. 1988-94 جىلدارى اراسىنداعى سوعىستا 30 مىڭداي ادام قايتىس بولدى. 1994 جىلى ەكٸ ەل قاقتىعىستى توقتاتۋ تۋرالى كەلٸسٸمگە قول قويعان. سول ۋاقىتتان بەرٸ تاۋلى قاراباق ەتنيكالىق ارميانداردىڭ باقىلاۋىندا. تاۋلى قاراباق ايماعى 1991 جىلى تەۋەلسٸزدٸك جارييالاپ العان. بٸراق ولاردى ارمەنييادان باسقا ەشبٸر ەل مويىندامادى.
بيىل 27 قىركٷيەكتە تاۋلى قاراباق ٷشٸن قاقتىعىس قايتا باستالىپ, مىڭداعان ادام قايتىس بولدى. ولاردىڭ اراسىندا بەيبٸت تۇرعىندار دا بار. ەكٸ تاراپ ٷش رەت اتىستى توقتاتۋ تۋرالى كەلٸسٸمگە كەلگەنٸمەن, بۇل كەلٸسٸم ساقتالمادى.
تاۋلى قاراباقتىڭ دە-فاكتو ٷكٸمەتٸ قىركٷيەكتەن بەرٸ 1221 ەسكەري قايتىس بولعانىن مەلٸمدەدٸ. ەزەربايجان سوعىستان قانشا سارباز قازا تاپقانىن ايتپاي وتىر.
ەسكە سالساق, تاۋلى قاراباقتا اتىستى توقتاتۋ تۋرالى مەلٸمدەمەگە قول قويىلعان بولاتىن.
