ارمەنييادا سوڭعى ەكٸ تەۋلٸكتە كوروناۆيرۋستى جۇقتىرعاندار سانى كٷرت ارتىپ, 64-كە جەتتٸ, دەپ حابارلايدى قازاقپارات.
پرەمەر-مينيستر نيكول پاشينياننىڭ ايتۋىنا قاراعاندا, ناۋقاستار سانىنىڭ ارتۋى ۆيرۋستى جۇقتىرعاندارمەن بايلانىستا بولعان جەنە بٸرگە وقشاۋلانىپ جاتقان ادامداردى تەستتەن ٶتكٸزۋمەن بايلانىستى.
وسى كٷنگە دەيٸن ارمەنييادا كوروناۆيرۋس جۇقتىرۋدىڭ 64 وقيعاسى انىقتالدى.
«17 ناۋرىز كٷنٸ ساعات 12:00-دەگٸ (نۇر-سۇلتان ۋاقىتىمەن ساعات 14:00) جاعداي بويىنشا, تەستٸلەۋدەن كەيٸن ۆيرۋستى جۇقتىرۋدىڭ جاڭادان 12 وقيعاسى تٸركەلدٸ. ونىڭ التاۋى ەچميادزين قالاسىندا بولسا, قالعان التاۋى ەركۆەندەگٸ كەسٸپورىن جۇمىسشىلارى. بارلىق ناۋقاس باستاپقىدا وقشاۋلانعان. قازٸرگٸ ۋاقىتتا بٸزدە 64 جاعداي تٸركەلدٸ, ونىڭ بٸرەۋٸ جازىلىپ كەتتٸ», - دەدٸ ارمەنييا دەنساۋلىق ساقتاۋ مينيسترلٸگٸنٸڭ باسپاسٶز قىزمەتٸنەن.
سونداي-اق, تٶتەنشە جاعداي رەجيمٸ جاعدايىندا جۇمىس ٸستەيتٸن كومەنداتۋرانىڭ باسشىسى, ۆيتسە-پرەمەر تيگران اۆينيان 17 ناۋرىزدان باستاپ ارمەنيياعا كٸرۋگە تىيىم سالىناتىن ەلدەردٸ اتادى. بۇل ەلدەردەن كەلگەن ارمەنييا ازاماتتارى مٸندەتتٸ تٷردە ەكٸ اپتالىق كارانتيننەن ٶتۋٸ كەرەك. بۇل مەملەكەتتەرگە قىتاي, يران, وڭتٷستٸك كورەيا, جاپونييا, يتالييا, يسپانييا, فرانتسييا, گەرمانييا, شۆەيتسارييا, دانييا, اۆسترييا, بەلگييا, نورۆەگييا, شۆەتسييا, نيدەرلاندى, ۇلىبريتانييا كٸرەدٸ.
ەسكە سالايىق, ارمەنييادا كوروناۆيرۋس جۇقتىرعان العاشقى جاعداي 1 ناۋرىزدا تٸركەلدٸ. ەكٸ اپتالىق كارانتيننەن كەيٸن ناۋقاس اۋرۋحانادان جازىلىپ شىققان.
ەل ٷكٸمەتٸ 16 ناۋرىز بەن 14 سەۋٸر ارالىعىندا تٶتەنشە جاعداي ەنگٸزدٸ.
