جاقىندا كٶرنەكتٸ اقىن, قازاقستان جازۋشىلار وداعى پاۆلودار وبلىستىق فيليالىنىڭ ديرەكتورى, باياناۋىل اۋدانىنىڭ قۇرمەتتٸ ازاماتى, "الاش" ەدەبي سىيلىعىنىڭ يەگەرٸ ارمان قانيدٸڭ 65 جاسقا تولدى. الپىستىڭ اسقارىنا شىققان اقىن اعامىزدى مەرەيلٸ جاسىمەن قۇتتىقتاي وتىرىپ, بٸر توپ ٶلەڭٸن وقىرمان نازارىنا ۇسىنۋدى جٶن كٶردٸك.
* * *
جازمىش دەگەن بۇلجىمايتىن زاڭدىلىق,
ٶزگەرمەس زاڭ – تۋعان جاننىڭ ٶلمەگٸ.
جەر ٷستٸنەن جوق ٸزدەيمٸز قاڭعىرىپ,
جايلى ورىنعا جايعاسقانشا كٶردەگٸ…
جانارىمدا بۇلدىرايدى بار ەلەم,
قۇس جولىنىڭ ارعى جاعى تۇماندى…
ايداي بولىپ تۇرسا شىندىق تابار ەم,
ەركٸمگە ايان بولۋى ونىڭ كٷمەندٸ…
دەرۋٸشتەر دە تاباندارىن تاۋىسقان
ٸزدەگەنٸن تاپپاي ٶتەر تٸرلٸكتەن.
تەك تٸلدەسەر دەلدٷرٸشتەۋ دانىشپان
بۇل دٷنيەدە و دٷنيەلٸك شىندىقپەن…
* * *
جاراتقاننىڭ جٷزٸنە ىنتىق مۇڭلىقپىن,
عايىپ جاقتان زەر سالادى ول بٸراق.
مەنٸڭ جىرىم سٶزٸ ەمەس-اۋ شىندىقتىڭ,
سونىڭ عاجاپ تٷسٸندەگٸ ساندىراق…
كٶك ەزۋلەر سايٶرلەسە كٶپٸرٸپ,
اتالى سٶز ٶلەدٸ ەكەن زورلىقتان…
ال شىندىققا جۋىي الماس ٶتٸرٸك,
تٷسٸندە دە اق سٶيلەيدٸ ول سوندىقتان.
پەرٸشتەلەر اق بەسٸگٸن تەربەسە,
كٸم بۇزادى ۇيقىداعى بۇل كٷيٸن?
ونىڭ تٷسٸن جىرلاي بەرەم ەندەشە,
ول ويانسا, سٶزٸن سٶيلەۋ تىم قيىن…
* * *
اقىندار دا جاسامايدى مەڭگٸلٸك,
ماڭدايىندا جازۋى بار اللانىڭ.
مەنٸڭ ٷنٸم – فەنيدەگٸ جاڭعىرىق,
سەنٸڭ دە ٷنٸڭ – جاھانداعى جالعان ٷن!..
باق-دەۋلەتتٸ بايانسىز دەپ تانىر كٸم?!
باتار كٷندە كەتپەس ٷشٸن ەسەمٸز…
قۇنسىز بەرگەن سىيىن پۇلداپ تەڭٸردٸڭ,
بازارشىلاپ قىزعىلت تٸرلٸك كەشەمٸز…
سەن سەكٸلدٸ مەن دە ەلەسكە الداندىم,
ەندٸ اقتىق ٷمٸتٸممەن كٷنەلتەم.
بٸزدەي بەيباق پەرزەنتٸمەن جالعاننىڭ
تٸلدەسە مە ۇلى اقيقات كٷنٸ ەرتەڭ?..
* * *
مەن شىندىقتىڭ تٷر-سيپاتىن تانيمىن,
سەن دە سوعان زەر سالۋعا قامدانشى.
اقيقات بار ماقامىندا قاريدىڭ,
ال تويداعى ەندەر كەيدە الدامشى…
تٸرلٸگٸمٸز ەلدە جالعان, ەلدە شىن,
ەۋەلدەن-اق تەڭٸر بٸزدٸڭ جانعا يە.
جىر جولىنا سٷرەلەردٸڭ سەۋلەسٸن
تٷسٸرگەن تەك مەشھٷر سىندى ەۋليە.
كٸم سٷيەمەك اقىرزامان اقىنىن,
جازا باسسا ەۋليەلەر ٸزٸنەن?
اقىرەتتٸك اقيقاتقا اقىرىن
كەتٸپ بارام ۇستارانىڭ جٷزٸمەن!
* * *
قىلشىلداعان ۇستارانىڭ جٷزٸمەن
كەتٸپ بارام اقىرەتكە اقىرىن.
تٸرلٸك!..
ارسىز كٷلكٸڭمەن دە قىزىق ەڭ,
الداندىرعان جالعان دٷنيە اقىنىن.
كٷنەكار بوپ قۇردىمدارعا قۇلاسام,
بٸرگە قۇرىر بٸزدٸ ٸزدەگەن جوقشىلار…
«بۇل ٶمٸردٸڭ مەنٸ نە?» – دەپ سۇراساڭ,
بٸلە المادىم,
جاۋابى ونىڭ جوق شىعار…
سىرلاسسا دا ٶلٸلەرمەن, تٸرٸمەن,
تٷك تٷسٸنبەي ٶتەر ارمان قاني بۇل.
ەندٸ ٶزٸڭنٸڭ جٷرەگٸڭنٸڭ تٷبٸنەن
شىندىقتى ٸزدەپ,
اقيقاتتى تاني بٸل!
* * *
ادام اتا جەگەن جاننات جەمٸسٸن,
تاتىپ كٶرۋ جەردە جٷرگەن ماعان جات…
پەرٸشتەلەر تٷسە مە وتقا مەن ٷشٸن,
وتتان سەنٸ قۇتقارا ما ادامزات?..
ەر ٸسٸڭدٸ ار-يمانىڭ باعالار,
قۇز ٷستٸنەن كٷن قارايدى قۇزعىن كٶز.
كٶكٸرەكتە ەكٸ سٶز بار, ال ولار:
قاسيەتتٸ سٷرەلەر مەن بٸزدٸڭ سٶز...
جاڭىلىسساق وپا تاپپاي جالعاننان,
قۇزعىن كٷنگە جەم بولارمىز وسىلاي.
فەنيدە ەكٸ جولاۋشى بار ساندالعان,
بٸرٸ – مەنمٸن, بٸرٸ – سەنسٸڭ, دوسىم-اي!..
* * *
سەنٸڭ دە ەندٸ كٶرگەن كٷنٸڭ – سۇمدىق كٷن,
سورعا بولا تاپقان بٸزدٸ شەشەمٸز!..
ەتەگٸنەن ۇستاپ سايقال تٸرلٸكتٸڭ,
دەل كٸندٸككە دەيٸن كٷنە كەشەمٸز…
اپتاپتاردا تاڭداي كەۋٸپ قاتالار
توپان سۋداي بٸزدٸ ٷيٸرەر بٸر ەلەس...
بولاشاعىڭ و دٷنيەگە اپارار
بەيوپا جول,
ودان باسقا تٷك ەمەس!
جىنويناقتا قوتان جىنمەن دوستاستىق,
ەكەۋمٸز دە جۇماققا ەندٸ بٶتەنبٸز.
تەك, بۇل سٶزدٸ ايتقان ەدٸ-اۋ ەسۋاستىق,
سوعان سەنگەن بٸز دە ەسۋاس ەكەنبٸز!..
* * *
قازا جەنە تويدا – قازاق بالاسى,
جايشىلىقتا سٶز ٸزدەيدٸ بازاردان…
جانازادا كەي سورلىنىڭ ساناسى
اس ٷيگە اۋىپ,
يٸس تارتار قازاننان…
قارالى ٷيدە قارا سورپا كٶپ قالار,
كەرەكۋدە كافە دە بار لايىقتى…
ەۋەلٸ جۇرت مويىلدىنى بەتكە الار,
ەۋەستٸكپەن ۇستاپ تابىت قايىقتى…
ورالعان سوڭ مارقۇمدى ەسكە اپ دوس, قۇرداس,
بٸرٸ جوقتاپ, بٸرٸ ماقتاپ كٷلەدٸ…
بٸراق ەلگٸ تابىت قايىق بوس تۇرماس,
ٶلمەستەي بوپ جٷرگەن ەندٸ كٸم ەدٸ?..
* * *
كەرەكۋ-اي, سەيٸلدٸ مە سايرانىڭ,
كەڭكەلەستەر سالعاندا ايقاي-سٷرەڭدٸ?
كەشە عانا ٷنٸ ٷزٸلگەن مايرانىڭ
ٷيٸن بۇزىپ,
كٶرٸن ٸزدەپ جٷر ەندٸ!..
ازابى كٶپ, اجالى جوق اقىن بٸر
ۇرانداسا,
ٷيتەنتەكتەر شەت قالماق.
ٶلەڭ جازعىش, داراقىلاۋ قاتىن جٷر,
قاس دارىندى «بالاڭ ٶلسٸن!» – دەپ قارعاپ.
قىرشىن كەتكەن ۇلىمدى ەرتەڭ قۇشامىن,
شەتٸنەمەس بوقتىشاقتىڭ قاتارى.
قالامىمدى سابى كٷمٸس, ۇشى التىن
بىلعامايمىن,
كەت, الباستى, كەت ەرٸ!!!
* * *
جۋاس تٷيە جاقسى ەكەن… – دەپ,
جٷندەيتٸن,
بٸزدٸڭ قازاق اڭعال مٸنەز ەل ەدٸ…
توپاستارعا اقىنداردى كٷندەيتٸن
قازٸرەت بوپ كٶرٸنگٸم-اق كەلەدٸ.
دٸنسٸز توبىر بەلكٸم مەنٸ قومسىنباس,
كٶكٸرەگٸمنەن كٶشسٸن ەندٸ ٶلەڭدەر!
حان الدىندا يٸلمەيتٸن ٶرشٸل باس,
پٸر الدىندا قول قۋسىرىپ سەلەم بەر!
تەك ەۋەلدەن تەگەۋٸرٸنٸمدٸ تانيدى ەل,
تەنتەك باسقا قالاي تاعام سەلدەنٸ?!
ارعى تەگٸم – جاياۋ مۇسا, مەدي ەر,
مىقتى بولساڭ, جۋاسىتىپ ال مەنٸ!!!
* * *
بۇل فەنيدە بار دەيسٸڭ بە كەرەمەت,
تەكتٸ جىردان ٶزگە ەشتەڭە سەزبەدٸم…
اۋىستىردىم قازٸر ەلۋ كەبەنەك,
كيەم ەرتەڭ ٷش-اق ورام بٶز كەبٸن.
قاراي-قاراي سايتانداردىڭ سىيقىنا,
جاۋىر بولعان كٶزٸم تٷك تە كٶرە الماس.
ساعىمدانعان سانام ەلٸ ۇيقىدا,
«فەني تٸرلٸك تٷس تەرٸزدٸ» دەگەن راس.
ال ارۋاقتار و دٷنيەدە جٷر وياۋ,
ولار مەنٸ ەسٸركەۋمەن ەسكە الار.
تٸرلٸگٸمدە سانامدى ويات, قۇداي-اۋ,
ٶلگەننەن سوڭ ويانعانى كەش بولار…
* * *
جالعىزدىقپەن عۇمىر كەشكەن اق قايىڭ,
جاس تامىرىڭ بۇلتتاردان نەر سۇراي ما?
اق تٶسٸڭ تۇر سٶل بٶلۋگە داپ-دايىن,
تەك, كٷنەلٸ بولا المايمىن قۇدايعا…
كٶلەڭكەڭنٸڭ سىرىن كٶڭٸل سەزەدٸ,
ەيتسە دە مەن ساعان كٸنە تاقپايىن.
ايپارا كٷن يمانىمنىڭ كٶزٸ ەدٸ,
كٶلەگەيلەي بەرمەشٸ ونى, اق قايىڭ.
ۇعىسپاساق ٶكٸنٸشپەن ٶتەرمٸز,
ايالاعان اردى قالاي اتتايىن?
قوسىلمايتىن قوس جالعىزبىز ەكەۋمٸز,
ەي, اق قايىڭ, جالعىزٸلٸك اق قايىڭ…
* * *
دٷنيەدە قاتال ەرٸ تاكاپپار,
كەيدە داڭق ٸزدەيمٸز عوي ەلٸ بٸز.
ٸزٸمٸزبەن ٸلەسەدٸ لاقاپتار,
اتاقتاردان كٷڭگٸرتتەنسە ارىمىز.
قاناعاتىم ىندىنىمدى قۇلىپتار,
قۇرىپ كەتسٸن ىنساپسىزدىڭ تٸرلٸگٸ!
جىن-سايتاننىڭ قاۋىمىنا كٸرٸپتار
تويىمسىزداۋ جان مەن تەننٸڭ بٸرلٸگٸ.
جاۋ تەرەكتٸڭ جاپىراعىنداي جٷرەگٸم,
ەندٸ سەن دە استام ويدان ارىلشى.
مەن پاتشايىم ماحابباتتىڭ قۇلى ەدٸم,
سايقال ويعا بولا المايمىن ەمٸرشٸ!
* * *
(بۇل ٶزٸمە ايتقان سٶزٸم ٶزٸمنٸڭ)
– ٶلەڭ قالسىن اقىن ارمان قانيدان!
ماحابباتىڭ اناسى ەدٸ سەزٸمنٸڭ,
اقىلىڭنىڭ جولداسى ەدٸ ار-يمان.
قارا كٶزٸڭ اق قاعازدى قييا الماي,
قالتىراسا ساۋساقتارىڭ قالامسىز,
قيىن بولار جان تاپسىرۋ ۇيالماي,
جەنە كٶردە كٸرپٸك ٸلۋ الاڭسىز…
ٷمٸت ارتپا, قارييا كٷن دە الدامشى!..
جىر ٶمٸردٸڭ بەس شۋماعىن قايىردىڭ,
ەندٸ, اقىنىم, اق ساپارعا قامدانشى.
–ٷگٸتتەمە, ەلدەقاشان دايىنمىن!..
* * *
كٸلت بۇرىلدى ۇلى ۋاقىت اعىسى,
جەردەن كٶككە اتىلدى ەنە جاسىندار!
ٶتكەن شاققا زاۋلاپ ٶمٸر جارىسى,
كەرٸ اعادى مىڭجىلدىقتار, عاسىرلار!
قايتا كٶكتەپ كٷلگە اينالعان جاپىراق,
ٶز قالپىنا كەلمەك ەندٸ بەرٸ دە.
كٶردەن سىرتقا لاقتىرىلىپ توپىراق,
جان ورالار ارۋاقتاردىڭ تەنٸنە!
سەۋلەلەنٸپ جاراتقاننىڭ سەلەمٸ,
كەلەدٸ ەنە ٶز جارىعىن كەشٸپ كٷن.
كٶكتەن تٷسكەن اياتتاردىڭ ەۋەنٸ
قايتا ەۋەلەر كٷمبەزٸنەن مەشٸتتٸڭ!
پەرٸشتەلەر قۇس جولىمەن اعىلىپ,
پەرٸلەر دە اللا ەسٸمٸن ارداقتار!
كەبٸندەرٸ اپپاق نۇرعا مالىنىپ,
قابٸرٸنەن شىقتى, ەنەكەي, ارۋاقتار!
جەر بٶلەندٸ راحمان نۇرلى نٶسەرگە,
جاننات جاقتان كەمپٸرقوساق كەرٸلدٸ!
كٶرٸندٸ, ەنە, قىردان ەكە-شەشەم دە,
قىرشىن ۇلىم راۋانىم دا كٶرٸندٸ!
كٶزٸمە ولار باسىلدى عوي وتتاي بٸر!
ايرىلماي-اق ايمالايىن قارعامدى,
اي-ھا-اي, ۇلى اقىرزامان توقتاي تۇر,
توقتاي تۇر دا,
قالپىڭدا وسى قال مەڭگٸ!!!
مٸنەجات
ساۋالدار كٶپ, جاۋاپتارىن ٸزدەڭٸز,
سانامىزدا ٶرت شىعارار كەيبٸر وي.
توپىراقتان جاراتىلساق سٸز بەن بٸز,
شايتان وتتان جاراتىلعان, – دەيدٸ عوي.
جۇلدىزدى اسپان جانارىڭدا دٶڭگەلەر,
كٶكجيەگٸڭ كٶمٸلگەندە ٸڭٸرگە.
جاراتقانعا قۇلدىق ۇرعان پەندەلەر
پٸرادار عوي, جانناتقا ەنەر تٷبٸندە!
اقىرەتكە وي جەتەدٸ, كٶز جەتسە,
جولدا كەلەم ٷمٸتٸمدٸ جەتەلەپ.
و باستا ەگەر شايتان بٸزگە سەجدە ەتسە,
سٸرە, ٶرتەنٸپ كٷلگە اينالىپ كەتەر ەك!..
***
ەۋەل باستان ادامزاتقا قاسكٷنەم
جىن-پەرٸلەر كٷپٸر تٸرلٸك كەشەدٸ!
بٸراق ولار بولماپتى عوي ماسكٷنەم,
زيناقور دا بولعان ەمەس, – دەسەدٸ...
عيباداتپەن ەربٸر كٷندٸ قارسى الىپ,
پەرٸشتەدەن كەم تٷسپەگەن اتاعى!
تەك مالعۇننىڭ مەنمەندٸگٸ سونشالىق,
كٶزٸنە ٸلمەي قويعان ادام اتانى!
...ەي, كەۋدەمسوق, ادامعا سٶز ايتاردا
ساباڭا تٷس, سوندا عانا سىيلىسىڭ.
پەندە تٷگٸل سور بوپ تيگەن شايتانعا
تەكاپپارلىق سەنٸ وڭدىرار دەيمٸسٸڭ?!
***
تٷسٸمە ەنگەن پەرٸشتەدەي سان قىزدان
تەك بٸرەۋٸ كٶز الدىمدا تۇرادى!
شاراسىزدان اقىنعا ٶلەڭ جازعىزعان,
سٸرە, سونىڭ كٷن ديدارى كٸنەلٸ...
حوردىڭ بارلىق قىزدارىنا بەرگٸسٸز,
اي كەلبەتتٸ ەيەلزاتى بٸر ٶزٸ!
ار-يمانى كەمٸل ادام سەنگٸسٸز,
پەيٸلٸ پەك جەنە دە ەيبەت مٸنەزٸ!
بەينە سونىڭ جانارىنان تاڭ اتقان,
سٶيلەگەندە ۇقسايدى ەكەن ٷنٸ ەنگە.
ھاقتىڭ ٶزٸ سۇلۋ قىلىپ جاراتقان
قىزدى سٷيدٸم!..
ايت, كەنەكەي, كٸنەم نە!..
***
نامازشامدا يمانىمدى ۇلىقتار,
نەپسٸ قۇرعىر قالعان ەكەن قۇلىپسىز...
بٸراق پەندە اتاۋلىدا ٷمٸت بار,
اقىرەتتە شايتان عانا ٷمٸتسٸز.
قارا الباستى قارعىپ ٶتٸپ جولىمنان,
يىقتاعى ۇيالدى ەكٸ پەرٸشتە.
شايتان ورعىپ وڭىمنان دا سولىمنان,
اقيدامدى شىعارماقشى تەرٸسكە.
دەرمەنسٸزبٸز جابىلسا امال دەپتەرٸ,
جاندى قينار قابٸردەگٸ سۇراقتار.
ھاققا ەيتسە دە جالبارىنعان سەتتەرٸ
شىن جىلاپ ەك,
بٸزگە ەندەشە جۇماق بار!..
***
جەتٸمدەر جٷر جان دٷنيەسٸ جارالى,
اناسىنىڭ رۋحى ەلەستەپ كٶزٸنە.
ال ەسەرسوق قازا ٷستٸندە قارالى
قارا پيار جاساماقشى ٶزٸنە!
سۇمدىق ٸسٸ جٷرەگٸڭدٸ سىزداتقان,
يمانسىزعا يبالى سٶز ايتار كٸم?!
– الاس, الاس!
بەزٸپ كەتٸپ بٸز جاقتان,
ەتەگٸنە ەنسٸن ەندٸ شايتاننىڭ!
ەيتسە دە ادام ەزەزٸلٸ از دەمە,
وزبىرلىعىن كٶرگەنٸڭدە سابىر ەت.
جەنە بٸرەۋ عايبات سٶزدٸ جازدى ەنە,
سول ايۋانعا ايتپاي-اق قوي لاعىنەت...
***
ۇلدى بولدىم, تٶگٸلدٸ دە كٶكتەن نۇر,
شاڭىراعىمنان اق بۇرقاق ەن شاشىلدى!
كٸرپٸگٸمنەن ٷزٸلگەن جاس – مٶپ-مٶلدٸر,
دٶڭگەلەنگەن دٷنيە – قىزىل-جاسىلدى...
سىڭعىر-سىڭعىر ەتكەن كٷمٸس قوڭىراۋ,
سىن ساعاتتا ٷنٸ ٷزٸلٸپ كٸلت تىندى...
تٶردە ويناعان ٶمٸر, ٶمٸر, ٶمٸر-اۋ,
بوساعادا ٶلٸم بارىن ۇقتىردى.
ۇلدى بولعام, جاۋ تەرەكتەي جالعىز ۇل...
جاي وتىنان جٶن بە ەندٸ قۇن سۇراۋ?..
كٸرپٸگٸمنەن ٷزٸلگەن جاس – قان قىزىل,
دٶڭگەلەنگەن دٷنيە رەڭٸ سۇپ-سۇر-اۋ...
***
جالاقورلار باسىنا ٷيگەن پەلەنٸ
پەندەلەردٸ اللا عانا اياماق!
ال باقيدا جاتىر بارزاح ەلەمٸ,
ارۋاقتاردىڭ رۋح-شاريفىن ايالاپ.
اقىرزامان جەتسە ەكە-شەشەم مەن
ۇلىم راۋان تٸرٸلەدٸ, سەنەمٸن!
سٸرە, دۇرىس, قازٸر بىلاي دەسەم مەن:
–بٸر كٶرسەمشٸ ارۋاقتاردىڭ ەلەمٸن!
بٸراق بارزاح بۇل فەنيدەن قاشىق پا?..
بار ەلەمگە ەمٸر ەتەر تەڭٸر تەك.
سونى ۇعىنىپ ٶزٸمە ايتتىم:
–اسىقپا,
ەلٸ دە ويلان, سابىر, سابىر, سابىر...– دەپ.
***
جٷرەگٸڭە يماندىلىق بٸتپەسە,
تٸرلٸكتەگٸ بارلىق كٷنٸڭ بەكەر-اۋ.
ەزٸرەيٸل كەپ: «اللا اتىمەن شىق» – دەسە,
جان ەرٸكسٸز شىعادى دا كەتەدٸ-اۋ.
اقتىق سەتتە نە دەمەكسٸڭ تەڭٸرگە,
جەنە دە وعان نە ايتادى باسقالار?
مەيٸتٸڭدٸ قالدىرعان سوڭ قابٸرگە,
اقىرەتتٸڭ سۇراقتارى باستالار.
وسىنى ويلاپ جاراتقانعا سىيىنىپ,
تٷن ٸشٸندە تەسپٸ تارتىپ وتىرام.
تٷبٸ كٶرگە ٸزگٸ امالدار قۇيىلىپ,
قۇتقارادى بٸزدٸ توزاق وتىنان...
***
اللا اسا مەيٸرٸمدٸ, راحىمدى,
تەك قانا وعان سەرٸك قوسساڭ كەشپەيدٸ.
كەليما ايتساق دەم شىعاردا اقىرعى,
جانناتقا جول اشاتىنى راس,– دەيدٸ.
تەڭٸر بەرٸن ەستيدٸ ەرٸ كٶرەدٸ,
كەي شاقتارى تۇرام جالعىز يٸلٸپ.
بالا كەزدە دوس-جاراندار كٶپ ەدٸ,
قاتارىمىز قالعان ەكەن سۇيىلىپ.
قيىن جولدا كەيدە ٶزٸمدٸ قينادىم,
جاۋتاڭ قاعىپ ٸلەسپەگەن جولداسقا.
دەدٸ بٸرەۋ: سەرٸك بولسا يمانىڭ,
جاراتقان ھاق – جالعىزعا جار!
سول راس پا?
***
بەيناماز ەم, سەجدەگە ەندٸ باس ۇردىم,
سۇرقييا ەلەس تۇرا قاشتى ەسٸكتەن.
بەلكٸم, قاندى جاراسىنا عاسىردىڭ
ەم ٸزدەسەم, تابارمىن-اۋ مەشٸتتەن!
ساحابالار جايلى ەڭگٸمە ساپىرار,
ابىز قارتتار سارقىلىپتى عالامدا.
سالافيلەر, ۋاحابيلەر, سوپىلار,
بۇل مەشٸتتە بٸر ورىن بار ماعان دا!
ون بەسٸمدە بەت قاراتپاس جالىنمەن
جانىپ ٶشتٸم ۇلت مٷددەسٸ ٷشٸن تەك!
ەندٸ اللانىڭ ٶزٸن ٸزدەپ جانىممەن
مەشٸتكە ەنسەم,
مەنٸ كٸمدەر تٷسٸنبەك?!
***
پەرٸشتەلەر زەر ساپ ماعان سٷيٸنە,
پەرٸ الدىمنان ٶتە شىقتى كٶلبەڭدەپ.
ماڭدايىمدى بۇردىم قۇداي ٷيٸنە,
ھاققا تەجٸم ەتكەنٸندە جەر مەن كٶك.
كەڭسەلەردەن ٶرگەن قۋلىق-سۇمدىقتى
نامازحاندار كەرٸ قۋار مەنسٸزدە.
ەيتسە دە ولار ايتا الماسا شىندىقتى,
كٸلت بۇرىلىپ كەتەرمٸن-اۋ ەلسٸزگە!
تاس ٷڭگٸردە كٷنەلتەرمٸن الاڭسىز,
كٶكتە سامعار بۇلتپەن بٸرگە كٶشكەن وي.
ايىپتاما ەلدەن بەزسەم امالسىز,
ەۋليە دە سٶيتٸپ تٸرلٸك كەشكەن عوي...
***
ۇيقىسىنان وياتىپ اپ ەلەمدٸ,
مەشٸتتەردەن اسپانعا ۇشتى ازان ەن.
ٶزٸمە-ٶزٸم جيھاد جاساپ مەن ەندٸ,
بارلىق پەلە-جالالاردان تازارام!
قۋ نەپسٸمدٸ بۇعالىقتاي العانىم
قانداي جاقسى,
قايىرلى ٸستەر بۇيىرسىن!
جانناتتاعى نۇرى راسۋل اللانىڭ
قايرىلىپ كەپ وي-ساناما قۇيىلسىن!
وڭاشادا ٶز-ٶزٸممەن تٸلدەسەم,
بەلكٸم, دٸلمەن سەزٸنەرمٸن عايىپتى.
سٶيتٸپ, مەن دە سەبي سىندى كٷن كەشەم,
تەك ماقتاۋدىڭ بەرٸ اللاعا لايىقتى!
***
ٶمٸر, شٸركٸن, جەبە سىندى زۋلاعان,
ٶكٸنٸش كٶپ, بەرٸن دە ٶزٸڭ باعالا!
تەڭدەسٸ جوق, تۋىلماعان, تۋماعان
سەنٸ قايدان تابام, اللا تاعالا?..
كٸل جٷيرٸكپەن باق سىناسىپ كٶرٸپ ەم,
ورعا ەكەلٸپ جىعادى ەكەن جارىس بۇل.
ەندٸ اشۋعا ۇشىراعاننىڭ جولى مەن
اداسقاندار جولىنان دا قالىس قىل!
وي-cەزٸمٸم كەيدە ەرٸكسٸز سەندەلدٸ.
سەنەن ٶزگە باستار مەنٸ كٸم العا?
نىعمەتٸڭە بٶلەشٸ ەندٸ پەندەڭدٸ,
لە يلەھە يللاللا!
ارمان قاني – اقىن, جۋرناليست, قوعام قايراتكەرٸ, قازاقستان جازۋشىلار وداعى باسقارماسىنىڭ جەنە قازاقستان جۋرناليستەر وداعىنىڭ مٷشەسٸ, «نەۆادا-Cەمەي», «ازات» قوزعالىستارىنىڭ, «قازاق تٸلٸ» قوعامىنىڭ ارداگەرٸ, «ۇلت تاعدىرى» وبلىستىق فيليالىنىڭ ٷيلەستٸرۋشٸسٸ, 1954 جىلى, 22-اقپاندا پاۆلودار قالاسىندا تۋعان.
ارمان باقتانۇلى كەڭەستٸك كەزەڭدە, ۇلتشىل جاسٶسپٸرٸمدەردٸڭ «جاس ۇلان» ۇيىمىن قۇرىپ, وتارشىلدىققا قارسى ٸس-ەرەكەتتەردٸ جٷزەگە اسىرعانى ٷشٸن مەكتەپ پەن كومسومول قاتارىنان شىعارىلعان, ساياسي قۋدالاۋعا ۇشىراپ, بٸلٸم الۋ جەنە جارييالانۋ قۇقىقتارى شەكتەلگەن. ورتا مەكتەپتٸ دە (1976 ج.), جوعارى وقۋ ورنىن دا (پمۋ-دىڭ فيلولوگييا فاكۋلتەتٸ, 1995 ج.) ٶز قۇربى-قۇرداستارىنان كٶپ كەيٸن, سىرتتاي وقىپ تامامداعان.
ا. قاني – كٶپتەگەن مٷشەيرالاردىڭ جەڭٸمپازى, جٷلدەگەرٸ, «قازاقستاننىڭ ەڭبەك سٸڭٸرگەن قايراتكەرٸ», «پاۆلودار وبلىسىنا سٸڭٸرگەن ەڭبەگٸ ٷشٸن», «پاۆلودار قالاسىنىڭ قۇرمەتتٸ ازاماتى», «باياناۋىل اۋدانىنىڭ قۇرمەتتٸ ازاماتى» اتاقتارى, حالىقارالىق «الاش» ەدەبي سىيلىعى, رەسەي لەرمونتوۆ كوميتەتٸنٸڭ قايسىن قۇليەۆ مەدالى, «قازاقستان رەسپۋبليكاسىنىڭ تەۋەلسٸزدٸگٸنە – 20 جىل», «قازاقستان رەسپۋبليكاسىنىڭ تەۋەلسٸزدٸگٸنە – 25 جىل», «پاۆلودار وبلىسىنا – 75 جىل», «نەۆادا-سەمەي» قوزعالىسىنا – 25 جىل», «جەلتوقسان وقيعاسىنا 30 جىل», «قازاق حاندىعىنا – 550 جىل» مەرەكەلٸك مەدالدارى مەن «تٸل جاناشىرى» قۇرمەت بەلگٸسٸنٸڭ يەگەرٸ.
قازٸرگٸ كەزدە قازاقستان جازۋشىلار وداعى پاۆلودار وبلىستىق فيليالىنىڭ ديرەكتورى, «قازاق تٸلٸ» قوعامى وبلىستىق فيليالى «ەرتٸس ديدارى» گازەتٸنٸڭ رەداكتورى بولىپ ٸستەيدٸ.
شىعارمالارى: «ار الدىندا» (پاۆلودار, «ەكو» – 2001 ج.), «قىزىل تٷنەكتەگٸ اق بۇرقاق», «تامشىلار» (پاۆلودار, «ەكو» – 2004 ج.) «شىندىقپەن بەتپە-بەت» (الماتى, «قازاقپارات» – 2006 ج.), «جۇلدىزدى تۇمان» (پاۆلودار, «كەرەكۋ» – 2008), «سەن جەنە مەن» (استانا, «فوليانت» – 2012), «ٷيلەسٸم–گارمونييا» (پاۆلودار, «Brand print» – 2014), «باياناۋىل جىرلارى» (پاۆلودار, «Brand print» – 2014), «قاراشىعىمداعى بەينەلەر» (پاۆلودار, «ەكو» – 2019 ج.).
ۇلت پورتالى
