مۇحتار ەۋەزوۆ: باقسىلىق - ەسكٸ دٸننٸڭ سارقىتى
باقسىلىق - ەسكٸ دٸننٸڭ سارقىتى. بۇرىنعى كەزدەگٸ باقسى, كٶمەسكٸ بولجايتىن سەۋەگەيلٸگٸنە قاراپ, ٶز دٸنٸنٸڭ پايعامبار ەۋليەسٸ سيياقتى بولعان. ول كەزدە جاقسى بولجام ايتسا, "اسپان سيياتقتى جاسىرىن ەلشٸلەر" ارقىلى جالعاسادى; تٸل الادى دەگەن سەنٸم بولعان. بەرٸ كەلگەندە دە ەل سول ەلشٸنٸڭ بەرٸن بەكەر دەي الماعان. بٸراق بۇرىنعى نانىم بويىنشا, ول ەلشٸ قادٸرلٸ, قاسيەتتٸ سيپاتقا يە بولسا, بەرٸ كەلٸپ مۇسىلمانشىلىق جەڭگەن سوڭ قاراڭعىلىق, جاماندىق بەلگٸسٸن بٸلدٸرەتٸن جيرەنٸشتٸ زاتتار بولىپ, جىن دەپ اتالعان. بارلىق باقسىلىق جولىنا قايشى كەلەتٸن, ادامشىلىققا قاس تابيعاتتان شىعاتىن سيياقتى بولعان. سول سەبەپتٸ, باقسىنىڭ بارلىعىنىڭ تٷپ يەسٸ شايتان, پەرٸ سيياقتىلار دەپ, بۇرىنعى دٸننەن قالعان نانىمنىڭ بارلىعىن بەرگٸ مۇسىلمانشىلىق زامانىنداعى جامانشىلىق يەلەرٸنە اپارىپ قوساقتاپ قويعان.
***
بەرٸرەك كەلگەن زاماندا كٶپ باقسىلار: "جىننىڭ ٸشٸندە تازاسى بار, مۇسىلمان جىن, كەپٸر جىندارى بار", - دەپ ەكٸگە ايىرىپ كەلٸپ, مۇسىلمان جىنعا سىيىنامىز دەپ, بارلىق پايعامبار, ەۋليەلەر, ارۋاقتاردى شاقىرىپ, سارىن ايتاتىن بولعان. بۇل باقسىلىق نەگٸزٸ ەلسٸرەپ قۇلاۋعا اينالعان سوڭ جاڭا زامان اعىمىنا بوي ۇسىنىپ, مۇسىلماندىققا اۋىل-ٷي قونىپ, بٸتٸم جاساماق بولعانى. مۇنى باقسىلىقتىڭ جوعالار الدىنداعى ازعىنداعان كەزٸ دەپ ەسەپتەۋ كەرەك.
م.ەۋەزوۆتىڭ "دٸنمەن بايلانىستى ٶلەڭدەر" اتتى ماقالاسىنان.
شىعارمالار جيناعى, 16 توم, الماتى, 1985ع 43-46 بب.
PS: كيەلٸ رۋحتاردى, اتا-بابا ارۋاقتارىن "جىن" دەپ كەلمسٸتۋ بٷگٸن عانا باستالماپتى. باقسىلار ٶلٸلەر مەن تٸرٸلەر اراسىنداعى دەنەكەرلەر ەدٸ. ەگەر راسىندا بٸزدٸڭ اتا-بابامىز "جىن" بولسا, بٸز ٶزٸمٸز دە سول "جىننىڭ ۇرپاقتارى" بولىپ شىقپايمىز با?
ارمان ەۋبەكٸردٸڭ فەيسبۋكتەگٸ جازباسىنان
