ەرلان قارين قازترك'عا باسشى بولىپ كەلگەندە قۋانىپ, كٶبٸڭٸز قۇتتىقتاپ, ۇسىنىستارىڭىزدى جازدىڭىزدار. ەندٸ تىنىشتالا بەرگەن كەزدە مەن دە ويىمدى جازۋدى جٶن كٶردٸم. قانشا دەگەنمەن, كٷن سايىن كەمٸندە 2-3 ساعات "بالاپان" ارناسى قوسىلىپ تۇراتىن ٷيدٸڭ يەسٸمٸن عوي.
ەڭگٸمە "بالاپان" تۋرالى...
"بالاپاندا" بٸرنەرسەنٸ قايتالاي بەرەدٸ دەگەن تٷسٸنٸك بار. بۇل بٸر باعدارلامالار تٸزبەگٸن كٷنٸنە ٷش رەت قايتالاعاننان تۋعان پٸكٸر ەمەس. بۇل بٸر مۋلتفيلمدٸ بەس جىل قايتالاعاننان تۋعان پٸكٸر. ودان دا بۇرىن بٸر ايدا بٸر مۋلتفيلمنٸڭ بٸر سەرياسىن التى مەرتە, ەر كٷنٸ ٷش رەتتەن, ون سەگٸز رەت كٶرسەتكەننەن تۋعان پٸكٸر. ودان دا سوراقىسى, بٸر مۋلتفيلمنٸڭ بٷگٸن سەگٸزٸنشٸ سەرياسى كٶرسەتٸلسە, ەرتەڭ ون ٷشٸنشٸ, ارعى كٷنٸ تٶرتٸنشٸ سەرياسى كٶرسەتٸلە بەرەدٸ. بۇل قۇبىلىستىڭ سىرىن تٷسٸنۋ قيىن ەندٸ...
"بالاپاندا" ٷزٸلمەي كەلە جاتقان بٸر باعدارلاما بار. "ەدەمٸ-اي" دەگەن. قارشاداي قىزدار سەندەنٸپ كيٸنٸپ, ٶزدەرٸنشە ويقاستاپ ەرٸ-بەرٸ جٷرەدٸ. بۇل ۋاقىتىلى تٷسٸرٸلٸپ, جاڭادان كٶرسەتٸلٸپ وتىراتىن "ەركە" باعدارلاما. بٸر عانا سۇراق: وسىدان نە پايدا ال?
"سيسسي" دەگەن بٸر مۋلتسەريالدى كٶرٸپ وتىرسام, بٸر بويجەتكەندٸ بٸر جاس جٸگٸت قۇشاقتاپ, يكەمدەپ جاتىر ەندٸ. سٶيتسە, بٸر قىز جٷگٸرٸپ كەلٸپ "توقتا, سەن ونى سٷيمەيسٸڭ عوي" دەيدٸ. (15.02.2017 جىلدىڭ تاڭىندا كٶرسەتٸلگەن سەرياسىنان).
"بالاپاننىڭ" تٸلٸن قولعا الماي بولمايدى. "بولادى ما?", "كٶرەدٸ مە?" دەگەن سٶزدەردٸڭ دەندەپ ەنۋٸنە ٷلەس قوسىپ جاتىر. قايتا اۋىرسىنعاندا "مەنٸڭ قولىم" دەمەي, "قولىم-اي" دەگەندەي, كەيبٸر جاقسى اۋدارما ٷلگٸلەرٸ كەزدەسەتٸن بولىپ جٷر كەيٸنگٸ كەزدە. جاتتىعۋ جاسايتىن قىز دا "بەس!", "التى", "جەتٸ" دەپ, ەكپٸندەرٸن دۇرىس قويىپ سانايدى. بۇرىن بٸرەۋٸ "الت", "جەت" دەپ, ەكپٸندٸ بٸرٸنشٸ بۋىنعا تٷسٸرٸپ تۇرۋشى ەدٸ. كەيٸپكەرلەر بٸر قۋانىش بولسا "يە!" دەپ ايقايلايتىندارى جامان ەندٸ. جالپى, ايتا بەرسە, بۇل ۇزاق ەڭگٸمە. شاما كەلسە, بولاشاقتا بالالار جازۋشىلارى, قازاق تٸلٸن شىن بٸلەتٸن ماماندار "بالاپاننىڭ" رەداكتسيياسىندا وتىرسا ەكەن دەپ تٸلەيمٸن.
(كٶپ دٷنيە اۋستورسينگە بەرٸلٸپ, ونى بۇرىنعى ۋچاستكوۆىي, ەلەكتريكتەر (بٷگٸندە جەكەمەنشٸك ستۋدييالارى بار, ەڭ باستىسى جوعارى جاقتاعىلاردىڭ باجاسى, بالدىزى, كلاسستاسى دەگەندەي) الىپ اپ, قۇرتقان دا شىعار, كٸم بٸلەدٸ).
"شىتىرماندى" جٷرگٸزەتٸن تالعار دەگەن بالا-جٸگٸتكە دەن ريزامىن. قازاقى جٸگٸت ناعىز. مايىسپايدى, ٶتٸرٸك كٷلمەيدٸ. سول سەكٸلدٸ, "ون ساۋساق" بولسا كەرەك, بٸر باعدارلامانى جٷرگٸزەتٸن تولىقتاۋ كەلگەن بالانى دا تەۋٸر كٶرەمٸن. جٸگٸتتٸڭ جٸگٸت سيياقتى بولعانى دۇرىس قوي. بالالار سولارعا قاراپ, ەلٸكتەيتٸن شىعار, بٸز بەرٸن بايقاي بەرمەيمٸز. ال ەندٸ بالا كٶرگەن مۋلتفيلمٸن, تەلەديداردى سٶندٸرگەن سوڭ دا ۇزاق ۋاقىت ويلاپ جٷرەتٸنٸ اپ-انىق نەرسە. قييالى مەن تانىمىنىڭ دامۋىنا, مٸنەزٸنٸڭ قالىپتاسۋىنا تٸكەلەي ەسەر ەتەدٸ.
"بالاپان" - ەندٸ ون-ون بەس جىلدان كەيٸن مەكتەپ بٸتٸرٸپ, ٷلكەن ٶمٸرگە ارالاساتىن بۋىندى تەربيەلەپ جاتقان ارنا. دەل بٷگٸننەن باستاپ, وسى ارنا دۇرىستالا باستاسا, ينۆەستيتسييانىڭ كٶكەسٸ سول بولار ەدٸ. ون-ون بەس جىل دەگەن تەز ٶتەتٸن ۋاقىت. (ون جىل بۇرىن 2007 جىل ەدٸ, ودان بەرٸ سونشالىقتى كٶپ ۋاقىت ٶتتٸ مە?)
دۇرىس ادام - دۇرىس مەملەكەتتٸڭ نەگٸزگٸ العىشارتى ەكەنٸ بەلگٸلٸ... كٶپ ايتىلاتىن بٸر سٶزدٸ ايتا سالايىن:
بٸر جىل ٶمٸرٸڭدٸ ويلاساڭ, ەگٸن سال; ون جىل ٶمٸرٸڭدٸ ويلاساڭ, اعاش ەك; جٷز جىلدان كەيٸنگٸ ٶمٸرٸڭدٸ ويلاساڭ, ۇرپاعىڭا دۇرىس تەربيە بەر.
جاڭا باسشىنىڭ ٸسٸنە بەرەكە تٸلەيمٸن.
قۇرمەتپەن ويىن جازعان ادامدى "شىن جاناشىرى" دەپ بٸلگەي!..
ارمان ەلمەنبەتتٸڭ فەيسبۋكتاعى جازباسىنان
