قوستاناي وبلىسىنىڭ ەكٸمٸ ارحيمەد مۇحامبەتوۆ شوقان ۋەليحانوۆتىڭ تۋعان جەرٸن ناقتى انىقتاۋ بويىنشا تاپسىرما بەردٸ, دەپ حابارلايدى "ۇلت اقپارات".
ازاماتتاردى قابىلداۋدىڭ ۇلتتىق كٷنٸ اياسىندا قوستاناي وبلىسىنىڭ ەكٸمٸ ارحيمەد مۇحامبەتوۆ ازاماتتاردى جەكە مەسەلەلەرٸمەن قابىلدادى. كەيبٸر داۋلى مەسەلەلەر سوتتىڭ شەشٸمٸن كٷتٸپ وتىرسا, كەيبٸرٸ كەزدەسۋ ورنىندا شەشٸلٸپ جاتتى. ولاردىڭ دەنٸ – ەلەۋمەتتٸك مەسەلەلەر. ٶڭٸر ەكٸمٸ ٶتٸنٸشتەردٸڭ ەربٸرەۋٸن جٸتٸ قاداعالاپ, جاۋاپتى ورگانداردىڭ وڭ شەشۋٸنە تاپسىرمالار جٷكتەدٸ. سولاردىڭ بٸرٸ بەلگٸلٸ ەتنوگراف-عالىم شوقان ۋەليحانوۆتىڭ ناقتى تۋعان جەرٸنە قاتىستى قويىلدى. ەۋليەكٶل اۋداندىق ارداگەرلەر كەڭەسٸنٸڭ تٶراعاسى ەكٸمبەك قابدەنوۆتٸڭ سٶزٸنشە, بٷگٸندە شوقان ۋەليحانوۆتىڭ تۋعان جەرٸنە بايلانىستى ەكٸۇداي پٸكٸر قالىپتاسقان.
«1985 جىلى شوقاننىڭ 150 جىلدىعى تويلاندى. سول جىلى ەلكەي مارعۇلاننىڭ زەرتتەۋ جيناقتارى ارقىلى ناقتى تۋعان جەرٸ قۇسمۇرىن اۋىلى ەكەنٸ دەلەلدەندٸ. بٸزدٸڭ قۇسمۇرىن اۋىلىندا شوقاننىڭ كٸندٸگٸن كەسكەن دەرمەن دەگەن ەجەيدٸڭ ۇرپاقتارى تۇرادى. ولار دا قۇسمۇرىندا تۋعانىن راستايدى. بٸراق كەيٸنگٸ جىلدارى بٸر وبلىستىڭ ەكٸ اۋدانى شوقاننىڭ تۋعان جەرٸنە تالاسىپ جٷر. قازٸر كٷنتيمەس اۋىلىندا ٶمٸرگە كەلدٸ دەپ جازىلادى. ەندٸ وسى مەسەلەنٸ مەملەكەتتٸك دەرەجەدە كٶتەرۋدٸ ۇسىنامىز», - دەيدٸ اقساقال.
ال وبلىستىق مەدەنيەت باسقارماسىنىڭ باسشىسى ەرلان قالماقوۆ ايتقانداي, 1994 جىلى عالىم ماناش قوزىباەۆ ارحيۆ قۇجاتتارى ارقىلى كٷنتيمەس اۋىلى ەكەنٸن دەلەلدەگەن.
«تاريحشىنىڭ مەلٸمەتٸنە سٷيەنسەك, قۇسمۇرىن بولىسى بولعانىمەن, قۇسمۇرىن بەكەتٸ كەيٸننەن قۇرىلعان. شىڭعىس ۋەليحانوۆ كٷنتيمەستە اعا سۇلتان بولىپ تۇرعان كەزدە شوقان دٷنيەگە كەلگەن. بىلتىر «كيەلٸ قازاقستان» جوباسى بويىنشا ەلوردالىق كوميسسييا عالىمنىڭ تۋعان جەرٸن كٷنتيمەس دەپ بەكٸتٸپ بەردٸ», - دەيدٸ ەرلان قالماقوۆ.
وبلىس ەكٸمٸ ەلوردادان كوميسسييا شاقىرىپ, بۇل مەسەلەنٸ تاعى بٸر زەرتتەۋدٸ ۇسىندى. ەندٸ شوقان ۋەليحانوۆتىڭ تۋعان جەرٸن ناقتى انىقتاۋ بويىنشا جۇمىستارمەن وبلىستىق مەدەنيەت باسقارماسى اينالىسادى. ەكٸمبەك قابدەنوۆتٸڭ ٶتٸنٸشٸ «كيەلٸ قازاقستان» جوباسىنىڭ ارنايى كوميسسيياسىنا, تاريح ينستيتۋىنا جٸبەرٸلەدٸ.
