ەل-فارابي اتىنداعى قازاق ۇلتتىق ۋنيۆەرسيتەتٸنٸڭ عالىمدارى ارحەولوگ ەرٸ پروفەسسور ەبدەش تٶلەۋباەۆتىڭ جەتەكشٸلٸگٸمەن شىعىس قازاقستان وبلىسى تارباعاتاي اۋدانىنداعى ەلەكە سازىنان ساق قوعامىنىڭ بيلەۋشٸسٸنە تيەسٸلٸ ات-ەبزەلدەرٸن تاپتى, دەپ حابارلايدى "ۇلت اقپارات".
زەرتتەۋ جۇمىستارىنىڭ نەتيجەسٸندە تابىلعان 850 التىن بۇيىمنىڭ بارلىعى سالتاناتتى ات شەرۋٸنە ارنالعان. عالىمداردىڭ باعامداۋىنشا, قازىنا ورتا ساق دەۋٸرٸنە تيەسٸلٸ. شامامەن بٸزدٸڭ زامانىمىزعا دەيٸنگٸ V-IV عاسىرلاردىڭ ەنشٸسٸندەگٸ جەدٸگەرلەر.
«قازىنانى قورعاننىڭ ٶزٸنەن تاپقان جوقپىز. بۇل كٶسەمنٸڭ زيراتى قۇلشىلىق ورنى ەكەنٸنەن حابار بەرەدٸ. كٶسەم قايتىس بولعان سوڭ وسى اۋماق كيەلٸ ورىن دەپ سانالىپ, وعان كەلگەن حالىق اتا-بابا رۋحىنا سىيىنعان. ساقتار مەن كەيٸنگٸ تٷرٸك تايپالارىندا وسىنداي دەستٷر بولعان. سوعان بايلانىستى بٸز مۇندا ەل بيلەگەن كٶسەم جەرلەندٸ دەگەن تۇجىرىم جاسادىق», - دەدٸ ەبدەش تٶلەۋباەۆ.
تابىلعان ارتەفاكتٸلەردەن ساق قوعامى باي مەن كەدەي دەپ توپقا بٶلٸنگەنٸن اڭعارۋعا بولادى. عالىمداردىڭ پٸكٸرٸنشە, ٷلكەن قۇلاقتى جولبارىس-پانتەرا ٷلگٸسٸندە جاسالعان القا ەرەكشە قىزىعۋشىلىق تۋدىرادى. ميفولوگييالىق جانۋاردىڭ اياعىنا ٸلٸنگەن قوڭىراۋ دا بار. سونداي-اق عالىمداردى ەكٸ شىنجىر سىمداعى اقىق تاستارى بار القا قىزىقتىردى.
«ەجەلگٸ شەبەرلەر بٸرٸن-بٸرٸ قايتالاماعانى كٶرٸنٸپ تۇر. ەربٸر شەبەردٸڭ ٶزٸندٸك قولتاڭباسى بايقالادى. بارلىق تابىلعان زات مۇقييات جاسالعان. ات-ەبزەلدەرٸنٸڭ دەنٸ جۇقا فولگادان ەزٸرلەنگەن. التىننان تىعىزدالىپ جاسالعان ات-ەبزەلدەرٸن بۇعان دەيٸن كەزدەستٸرگەن جوقپىن», - دەدٸ ەبدەش تٶلەۋباەۆ.
تاعى بٸر ەرەكشە دٷنيەنٸڭ بٸرٸ – مىسىق تۇقىمداستارعا جاتاتىن ميفولوگييالىق قۇلاقتى جىرتقىش اڭ بەينەلەنگەن القا. ايتا كەتەيٸك, تارباعاتاي جەرٸن مەكەندەگەن ساقتاردىڭ بۇل قولٶنەرلەرٸ بٸزدٸڭ دەۋٸرٸمٸزگە دەيٸنگٸ V- IV عاسىرلارعا تيەسٸلٸ. تابىلعان جەدٸگەرلەردٸڭ ەرەكشەلٸگٸ – ساپاسى مەن بٸر-بٸرٸنە ۇقسامايتىندىعىندا جاتىر.
سونداي-اق ارحەولوگ قورعاننان 50 مەتر جەردە قولا مەن التىن قۇياتىن ۇستاحانا تابىلعانىن اتاپ ٶتتٸ. ەبدەش تٶلەۋباەۆتىڭ ايتۋىنشا, تابىلعان جەدٸگەرلەر – بۇل زەرتتەۋ جۇمىستارىنىڭ باستاپقى نەتيجەسٸ عانا. ٶيتكەنٸ ارحەولوگتاردىڭ الداعى ۋاقىتتا اتقاراتىن جۇمىستارى جەتەرلٸك. تاياۋ ارادا ولار 4 كٸشٸ قورعاندى زەرتتەۋگە كٸرٸسەدٸ.
