قوستاناي وبلىسىندا بٸر كٷندە ەكٸ بالا تەرەزەدەن قۇلاپ كەتتٸ, دەپ حابارلايدى "ۇلت اقپارات".
اقپاراتتى وبلىستىق تجد باسپاسٶز قىزمەتٸ تاراتتى. وقيعا 31 تامىز كٷنٸ بولعان.
«ساعات 13:30 شاماسىندا ارقالىق قالاسىندا ماياسوۆ كٶشەسٸندەگٸ تۇرعىن ٷيدٸڭ بەسٸنشٸ قاباتىنان 2015 جىلى تۋعان قىز قۇلاپ كەتتٸ. ول تەرەزەگە شىعىپ, موسكيت تورىن ۇستاپ تۇرعان. بۇل ۋاقىتتا بالانىڭ اتا-اناسى كٶرشٸ بٶلمەدە جٷردٸ. العان جاراقات سالدارىنان بالا قالالىق اۋرۋحانانىڭ جانساقتاۋ بٶلٸمٸندە كٶز جۇمدى» دەلٸنگەن تجد اقپاراتىندا.
وسى كٷنٸ جٸتٸقارا قالاسىنداعى شاعىن اۋدانداردىڭ بٸرٸنشٸ 6-قاباتتان 2007 جىلى تۋعان جاسٶسپٸرٸم قۇلاپ كەتكەن.
ول تٷرلٸ دەنە جاراقاتىمەن قالالىق اۋرۋحاناعا جاتقىزىلدى.
