Qostanai oblysynda bir kúnde eki bala terezeden qulap ketti, dep habarlaidy "Ult aqparat".
Aqparatty oblystyq TJD baspasóz qyzmeti taratty. Oqiǵa 31 tamyz kúni bolǵan.
«Saǵat 13:30 shamasynda Arqalyq qalasynda Maiasov kóshesindegi turǵyn úidiń besinshi qabatynan 2015 jyly týǵan qyz qulap ketti. Ol terezege shyǵyp, moskit toryn ustap turǵan. Bul ýaqytta balanyń ata-anasy kórshi bólmede júrdi. Alǵan jaraqat saldarynan bala qalalyq aýrýhananyń jansaqtaý bóliminde kóz jumdy» delingen TJD aqparatynda.
Osy kúni Jitiqara qalasyndaǵy shaǵyn aýdandardyń birinshi 6-qabattan 2007 jyly týǵan jasóspirim qulap ketken.
Ol túrli dene jaraqatymen qalalyq aýrýhanaǵa jatqyzyldy.
