2016 جىلعى نوبەل سىيلىعىن اقش اقىنى John Ashbery, سيرييا اقىنى Adonis نەمەسە كٶرەي اقىنى Ko Un – وسى اقىنداردىڭ بٸرەۋٸنە بەرۋٸ مٷمكٸن.
John Ashbery-گە نوبەل سىيلىعىن شيرك عاسىر بۇرىن بەرسە دە, بولار ەدٸ. ونىڭ «His Self-Portrait in a Convex Mirror» شىعارماسى ٶتكەن عاسىردىڭ 70 جىلدارىندا جارىق كٶرگەن. اتالعان پوەما اعىلشىن تٸلدە پوەزييانى پوستمودەرنيستٸك دەۋٸردٸڭ تانىم بيٸگٸنە كٶتەرٸپ قانا قويماي دەستٷردٸ جاڭارتقان شىعارما رەتٸندە قارالادى. پوەزييا ەلەمٸندەگٸ كەيٸنگٸگە تيگٸزگەن ىقپالى تۇرعىسىنان «The Waste Land» جەتپەسە دە, جەتە قابىل شىعارما. ودان داماڭىزدىسى John Ashbery باتىس دٷنيەسٸندە بەلگٸلٸ جاقتان ايتقاندا بٷگٸنگٸ كٶزٸ تٸرٸ جالعىز كللاسيك اقىن دەۋگە بولادى (كٷنٸ كەشە عانا ٶمٸردەن وزعان فرانتسۋز اقىنى Yves Bonnefoy وعان سەرٸك بولاتىن.) وعان ەندٸ نوبەل سىيلىعىن بەرمەسە, كەش بولادى. نولەب سىيلىعى باتىس پوەزيياسىنداعى بٸر دەۋٸردٸ ٶز تاريحىنان جوعالتىپ الۋى مٷمكٸن.
Adonis ٶلەڭدەرٸندە فرانتسۋز بەن اراب پوەزيياسىنىڭ ستيلى باسىم دەپ قارايدى. وعان سوفلىق پوەزييانىڭ ەلەمەنتتەرٸن قوسىڭىز. «مىڭ بٸر تٷننٸڭ» ٶزٸ ٷلكەن قييال مەن تۇنىپ تۇرعان پوەزييا ەكەنٸن ەسكەرسەك, اراب تٸلدٸ پوەزييانىڭ نوبەل سىيلىعىن ەنشٸلەۋٸنە تولىق مٷمكٸندٸك بار. ونىڭ ٷستٸنە اراب ەدەبيەتٸندە پالەستينالىق اقىن Mahmoud Darwish ٶمٸردەن ٶتكەن سوڭ, Adonis-تىڭ الدىن ورايتىنداي ٷمٸتكەر ەلٸ شىعا قويعان جوق.
كٶرەي اقىنى Ko Un ٶتە كٶپ جازعان قالامگەر. وعان نوبەل شىعىس مەدەنيەتٸ مەن بۋددا ٸلٸمٸنٸڭ يسٸ بار, قىتاي پوەزيياسىنىڭ دەستٷرٸنەن سەل باسقاشاراق, سوعان قاراماستان باتىستىق ٶركەنيەتتٸڭ بولمىسىن بويىنا سەتتٸ سٸڭٸرە العان بٸر ۇلتتىڭ بٷگٸنٸ مەن ەرتەڭٸنە قۇرمەت كٶرستەۋ نەگٸزٸندە بەرٸلۋٸ مٷمكٸن.
جيىپ كەلگەندە بيىل اقىندار نوبەل سىيلعىن الادى دەگەن ويدامىن. الماي جاتسا, وعان بولا رەنجٸپ تە كەتپەيمٸز. سەبەبٸ سىيلىق وسى اقىنداردىڭ ٶزٸنەن قادٸرلٸ ەمەس. وسىلار امان بولسىن.
ارداق نۇرعازىنىڭ فەيسبۋكتەگٸ جازباسىنان
