ورتالىق كوممۋنيكاييالار قىزمەتٸندە قر ەنەرگەتيكا مينيسترٸ ماعزۇم مىرزاعاليەۆپەن ٶتكەن بريفينگتە شىعىس قازاقستانداعى ەكٸ بٸردەي سۋ ەلەكتر ستانسانىڭ نەگە ساتىلىمعا شىعارىلعانى تۋرالى ساۋال قويىلدى, دەپ حابارلايدى قازاقپارات.
مينيستر ماعزۇم مىرزاعاليەۆ بۇل ينۆەستيتسييالىق جوبانىڭ قازاقستانعا نە بەرەتٸن قىساشا بىلاي دەپ تٷسٸندٸردٸ:
«جالپى بٸز ٶز جۇمىسىمىزدا ەردايىم ەلدە جاعىمدى ينۆەستيتيتسيالىق كليمات قالىپتاستىرىپ, شەتەل ينۆەستيتسيياسىن تارتۋعا تىرىسامىز. بۇل ٶتە ماڭىزدى. اراب ينۆەستورلارىمەن شقو-عى 2 سۋ ەلەكتر ستانساسىنىڭ 74,99 پايىز اكتسيياسىن ساتۋ بويىنشا جٷرگٸزٸپ جاتقان كەلٸسسٶزدەر نە ٷشٸن قولعا الىندى. نەگە بٸز ول نىسانداردى ساتقىمىز كەلەدٸ?
بٸرٸنشٸدەن, ٸرٸ اراب كومپانييالارىن گەس-تەردەن بٶلەك قازاقستاننىڭ جالى ەنەرگەتيكا سالاسىنا ينۆەستيتسييا سالعىزۋ ٷشٸن تارتىپ وتىرمىز. اراب كومپانييالارىمەن 6 ملرد دوللاردان استام ينۆەستيتسييا ەكەلۋ مەسەلەسٸن تالقىلاپ جاتىرمىز. بۇل بٸزدٸڭ ەلگە, ەنەرگەتيكا سالاسىنا كەرەك جاقسى ينۆەستيتسييالار», - دەدٸ مينيستر.
ايتۋىنشا, مەملەكەت باقىلاۋىندا قالاتىن 25 پايىزدان سەل اساتىن اكتسييا پاكەتٸ سالاداعى احۋالدى رەتتەپ وتىرۋعا ەبدەن جەتكٸلٸكتٸ.
«74,99 پايىز اكتسيياسى ساتىلادى دەگەنگە كەلسەك, ٶز قۇزىرىمىزدا 25 پايىزدان استام اكتسيياسىن قالدىرعىمىز كەلەدٸ. وسى ارقىلى «بۇعاتتاۋ قۇقىعىن» بەرەتٸن اكتسييا پاكەتٸ مەملەكەتتٸڭ قولىندا بولادى.
ٷشٸنشٸدەن, گەس-تەر تۋرالى ايتقاندا, ينۆەستورلارمەن سول نىسانداردىڭ قۋاتىن ارتتىرۋ باعىتىندا كەلٸسۋ ٶتە ماڭىزدى. ياعني, قازٸر بۇل ەكٸ ستانسانىڭ جالپى قۋاتى 1گۆت-تان سەل اسادى. بٸراق شٷلبٸنٸڭ بويىندا جاڭا گەس كاسكادىن سالۋ مٷمكٸندٸگٸ بار. بۇل ستانسانىڭ قۋاتىنا تاعى 500-600 مۆت قوسۋعا مٷمكٸندٸك بەرەدٸ», - دەدٸ ماعزۇم مىرزاعاليەۆ.
