قازاقستان رەسپۋبليكاسى ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ورمان شارۋاشىلىعى جەنە جانۋارلار دٷنيەسٸ كوميتەتٸ "اشىق نقا" سايتىندا "جەك دۋاداققا ساياتشىلىق قۇرۋ تۋرالى" ٷكٸمەت قاۋلىسىنىڭ جوباسىن جارييالادى, دەپ حابارلايدى Sputnik اگەنتتٸگٸ.
قۇجاتقا سەيكەس 2021 جىلدىڭ 1 قىركٷيەگٸ مەن 15 قاراشاسى ارالىعىندا مىنا تۇلعالارعا ٶز يتەلگٸلەرٸمەن جەك دۋاداققا ساياتشىلىق قۇرۋعا رۇقسات بەرۋ قاراستىرىلعان:
- شەيح حاليفا بين زايد ەل ناحايانعا (بٸرٸككەن اراب ەمٸرلٸكتەرٸ) تٷركٸستان وبلىسىنداعى رەسپۋبليكالىق ماڭىزى بار ارىس جەنە قاراقتاۋ مەملەكەتتٸك قورىعى ايماعىنىڭ اۋماعىندا 97 (توقسان جەتٸ) دارا جەك دۋاداققا جەنە جامبىل, قىزىلوردا جەنە تٷركٸستان وبلىستارىنداعى رەسپۋبليكالىق ماڭىزى بار وڭتٷستٸك قازاقستان مەملەكەتتٸك قورىعى ايماعىنىڭ اۋماعىندا 99 (توقسان توعىز) دارا جەك دۋاداققا;
- شەيح سۋرۋر بين مۇحاممەد ەل ناحايانعا (بٸرٸككەن اراب ەمٸرلٸكتەرٸ) ماڭعىستاۋ وبلىسىنداعى رەسپۋبليكالىق ماڭىزى بار كەندٸرلٸ-قاياسان مەملەكەتتٸك قورىعى ايماعىنىڭ اۋماعىندا 52 (ەلۋ ەكٸ) دارا جەك دۋاداققا;
- شەيح سەيف بين مۇحاممەد ەل ناحايانعا (بٸرٸككەن اراب ەمٸرلٸكتەرٸ) ماڭعىستاۋ وبلىسىنداعى رەسپۋبليكالىق ماڭىزى بار كەندٸرلٸ-قاياسان مەملەكەتتٸك قورىعى ايماعىنىڭ اۋماعىندا 51 (ەلۋ بٸر) دارا جەك دۋاداققا;
- شەيح دجاسەم بين حاماد بين حاليفا ەل تانيگە (قاتار) جامبىل وبلىسىنداعى رەسپۋبليكالىق ماڭىزى بار اڭداساي مەملەكەتتٸك تابيعي قاۋمالىنىڭ اۋماعىندا 34 (وتىز تٶرت) داراق جەك دۋاداققا جەنە الماتى جەنە جامبىل وبلىستارىنداعى رەسپۋبليكالىق ماڭىزى بار جۋساندالا مەملەكەتتٸك قورىعى ايماعىنىڭ اۋماعىندا 80 (سەكسەن) دارا جەك دۋاداققا.
ساياتشى شەيحتار تۋرالى نە بٸلەمٸز?
- شەيح حاليفا بين زايد ەل ناحايان – 2004 جىلدىڭ 3 قاراشاسىنان بەرٸ بٸررٸكەن اراب ەمٸرلٸكتەرٸنٸڭ پرەزيدەنتٸ جەنە ەبۋ-دابي ەميرٸ. Forbes مەلٸمەتٸ بويىنشا, ەلەمنٸڭ ەڭ باي ادامدارىنىڭ قاتارىندا جەنە ونىڭ مٷلكٸ 15 ميلليارد دوللارعا باعالانىپ وتىر. ونىڭ وتباسىنداعى ادامداردىڭ مٷلكٸ 150 ميلليارد دوللاردى قۇراپ وتىر.
- شەيح سۋرۋر بين مۇحاممەد ەل ناحايان – ەبۋ-دابي ەميرٸنٸڭ بيلەۋشٸ وتباسىنىڭ بٸر مٷشەسٸ, مۇراگەر حانزادا. قازاقستانداعى قۇرىلىسقا ينۆەستيتسييا سالعان.
- شەيح سەيف بين مۇحاممەد ەل ناحايان - گەنەرال-لەيتەنانت, ەبۋ-دابي ەميرٸنٸڭ بيلەۋشٸ وتباسىنىڭ بٸر مٷشەسٸ.
- شەيح دجاسەم بين حاماد بين حاليفا ەل تاني – كاتاردىڭ مۇراگەر حانزاداسىنىڭ باۋىرى.
بۇل تٶرت شەيح تە يتەلگٸمەن ساياتشىلىق قۇرۋدىڭ ەۋەسقويلارى جەنە وسى ماقساتتا قازاقستانعا بٸرنەشە رەت كەلگەن.
اراب شەيحتەرٸنٸڭ ساياتشىلىعى قازاقستانعا قانشا تابىس ەكەلەدٸ?
اراب شەيحتەرٸنە جالپى سانى 413 قۇستى اۋلاۋعا رۇقسات بەرٸلگەن. بٸر جەك دۋاداقتىڭ قۇنى 260 ايلىق ەسەپتٸك كٶرسەتكٸش (758 420 تەڭگە نەمەسە شامامەن 1 780 دوللار) كٶلەمٸندە بەلگٸلەندٸ.
"قاۋلى جوباسىن قابىلداۋ حالىقارالىق ىنتىماقتاستىقتى دامىتۋعا ىقپال ەتەدٸ, سونداي-اق 313 227 460 تەڭگە (733,5 مىڭ دوللار) كٶلەمٸندە بيۋدجەتكە قاراجات تٷسٸمٸن قامتاماسىز ەتەدٸ. قۇجات بەلگٸلەنگەن تەرتٸپتە ەدٸلەت, قارجى, ۇلتتىق ەكونوميكا, بٸلٸم جەنە عىلىم جەنە سىرتقى ٸستەر مينيسترلٸكتەرٸمەن كەلٸسٸلگەن", - دەپ جازىلعان تٷسٸنٸكتەمە جازبادا.
ەكولوگييا مينيسترلٸگٸ اتاپ ٶتكەندەي, جوبانى قابىلداۋ ەلەۋمەتتٸك-ەكونوميكالىق جەنە قۇقىقتىق جاعىمسىز سالدارعا ەكەپ سوقپايدى.
