مەملەكەت باسشىسى ٶز جولداۋىندا بيىلعى جىلدى "جاستار جىلى" دەپ اتاۋدى ۇسىنعان بولاتىن. جاقىندا ەلوردادادا ەلباسى نۇرسۇلتان نازارباەۆتىڭ قاتىسۋىمەن «تەۋەلسٸزدٸك ۇرپاقتارى» اتتى جاستار جىلىنىڭ اشىلۋ سالتاناتى ٶتتٸ. اتالعان جيىندا ايتىلعان ۇسىنىستار مەن جاڭا باستامالارعا قاتىستى اقىن مارالتاي رايىمبەكۇلى مەن الاشتانۋشى ايگٷل ٸسماقوۆا پٸكٸر بٸلدٸرگەن بولاتىن. مارحابات!
مارالتاي رايىمبەكۇلى, قر ۇلتتىق مەملەكەتتٸك كٸتاپ پالاتاسى ديرەكتورىنىڭ ورىنباسارى, اقىن:
مەن ەدەبيەت تٶڭٸرەگٸندە ايتايىن. مەنٸڭشە بۇل جيىندا بٷگٸنگٸ جاستاردىڭ ەلباسىمەن پٸكٸرلەسۋٸ شىن مەنٸندە دە ٶتە قۇپتارلىق جاعداي. بۇل كەزدەسۋ – تەۋەلسٸز قازاقستان جاستارىنىڭ ەرتەگە بولعان سەنٸمٸن كٷشەيتەدٸ, ەلدٸڭ بولاشاعى تۋرالى, مەملەكەت الدىنداعى جاۋاپكەرشٸلٸكتٸ, قوعام الدىنداعى تولىق قاندى مۇشەسٸ ەكەنٸ, كەز-كەلگەن جاستىڭ كٶزقاراسى مەملەكەت ٷشٸن ماڭىزدى ەكەنٸن ۇقتىردى. بٷگٸنگٸ جيىندا مەرەي قارت دەيتٸن باۋىرىمىز «ەدەبيەت اكادەميياسىن اشۋ كەرەك» دەگەن ۇسىنىس ايتتى. بۇل ۇسىنىس ٶتە ورىندى. مەنٸڭ ايتارىم, بٸرٸنشٸدەن, استانا مەن الماتى سەكٸلدٸ رەسپۋبليكالىق مەرتەبەگە يە قالالارداعى شىعارماشىل جاستار مەن ساياسات, سپورت, ٶنەر, عىلىمعا ٷلەس قوسىپ جاتقان جاستار باسپانالى بولسا دەگەن ۇسىنىسىم بار. ەرينە, قۇستىڭ دا ۇياسى بولادى عوي. ەكٸنشٸدەن, ەلٸمٸزدە شىعارماشىل جاستارعا ارنالعان «شابىت» اتتى بٸر عانا فەستيۆال بار. بۇل ەلٸمٸز جاستارىنا ازدىق ەتەدٸ. ەندٸ وسى سەكٸلدٸ تاعى بٸر فەستيۆال كەرەك. ٷشٸنشٸدەن, ەلباسىمىز ۇلتىمىزدىڭ ەدەبيەتٸ مەن مەدەنيەتٸن جاقسى بٸلەدٸ. سونىڭ ارقاسىندا, ەر جىلدارى ەلٸمٸزدٸڭ ەر ٶڭٸرٸندە «اباي وقۋلارى», «مۇقاعالي وقۋلارى» سيياقتى ٸس-شارالار ٶتٸپ جاتىر. وسى ٸس-شارالار جالعاسىن تاۋىپ, مەكتەپ قابىرعاسىندا جٷرگەن جاستاردى قاناتتاندىرۋ ماقساتىندا, ەر قايسىسىنا 5 گرانتتان بٶلٸنسە نۇر ٷستٸنە نۇر بولار ەدٸ. تاعى بٸر ايتارىم, اۋدارما جٶنٸندە بولماق. قازٸر قازاق شىعارمالارى ەلەمنٸڭ التى تٸلٸنە اۋدارىلىپ جاتىر. وسى جوباعا جاستاردى دا قاتىستىرسا دەمەكپٸن.
ايگٷل ٸسماقوۆا, فيلولوگييا عىلىمىنىڭ دوكتورى, عالىم, الاشتانۋشى:
بيىلى جىلدى ەلباسىمىز «جاستار جىلى» دەپ جارييالاعانى ٶتە قۇپتارلىق جاعداي. سەبەبٸ, تەۋەلسٸزدٸك العانىمىزعا 28 جىل بولدى. سودان بەرٸ تۋعان ۇرپاق 28 جاسقا تولدى. ولاردىڭ بٸلٸمٸ بار, ساۋاتتى جاستار. مەن الاش ەدەبيەتٸن نە ٷشٸن جاستارعا وقىتىپ كەلە جاتىرمىن? ەليحان, احمەت, مٸرجاقىپتار قانداي جاعدايعا ۇشىراسادا, وتانعا قىزمەت ەتۋ ٷشٸن باستارىن بەي تٸكتٸ. ولار بٷگٸن بٸز ارمانداپ جٷرگەن قوعامدى ارماندادى. مەن قازٸرگٸ جاستاردان سولاردىكٸ سيياقتى وتتى رۋح كٷتەمٸن. «جازدىم سٶز جانىم اشىپ الاشىما» دەگەن احمەت بايتۇرسىنۇلىنىڭ جالعىز اۋىز سٶزٸ مەن مٸرجاقىپ دۋلاتتىڭ «ويان قازاق» دەگەنٸن وسىدان 100 جىل بۇرىن كٷللٸ قازاقتىڭ ساياسي ەليتاسى ۇران ەتٸپ كٶتەرگەن. قازٸر ٶز جەرٸمٸز, ٶز ەلٸمٸز, ٶز تٸلٸمٸز بار. بٸراق قازٸرگٸ جاستاردا ٶز ەلٸنە دەگەن ماحاببات جوق. مەن جاستاردان سونى كٷتەمٸن. ەر جاستار وتان ٷشٸن ساپالى جۇمىس ٸستەسە, وتانىن گٷلدەندٸرۋ ٷشٸن تەر تٶكسە كەشەگٸ الىپتاردىڭ ارمانى ورىندالار ەدٸ. سودان كەيٸن, ادال جٷرٸپ, ەڭبەك ٶتۋ – ەلٸم دەگەن جاستاردىڭ العى شارتى بولسىن. تەۋەلسٸز كەزەڭنٸڭ جاس قازاعى – رۋحتى بولسىن دەگەن ارمان بار بٸزدە. وسىنىڭ بەرٸن ورىنداعان جاستار – ەلٸنٸڭ, ەلباسىنىڭ ٷمٸتٸن اقتايدى دەپ سەنەمٸن.
