قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ەلەۋمەتتٸك كٶمەك ساياساتىن دامىتۋ دەپارتامەنتٸنٸڭ ديرەكتورى اسقار نييازوۆ اتاۋلى ەلەۋمەتتٸك كٶمەك مٶلشەرٸ قالاي ەسەپتەلەتٸندٸگٸن تٷسٸندٸردٸ, دەپ حابارلايدى قازاقپارات.
«ەر بالاعا 42 500 تەڭگەدەن جەردەماقى تٶلەۋ مەسەلەسٸن جان-جاقتى قاراستىردىق, زەردەلەدٸك. 42 500 تەڭگەدەن, 20 مىڭ تەڭگەدەن جەردەماقى قاراستىرۋدى ۇسىنعاندار دا بولدى. بٸراق, ورتاق ىمىراعا كەلە وتىرىپ, كٶپبالالى وتباسىلاردىڭ ەر بالاسىنا 4 اەك مٶلشەرٸندە, ياعني 11 668 تەڭگەدەن جەردەماقى تٶلەۋ شەشٸمٸ قابىلداندى جەنە قازٸرگٸ ۋاقىتتا بەرٸلٸپ جاتىر. ەلٸمٸزدە 18 جاسقا تولماعان 6,2 ملن بالا بار. ەگەر 42 500 تەڭگەنٸ 6,2 ملن-عا كٶبەيتسەك, اي سايىن 263 ملرد تەڭگە, جىلىنا 3,2 ترلن تەڭگە شىعادى. ال ەڭبەك مينيسترلٸگٸنٸڭ حالىققا كٶرسەتەتٸن ەلەۋمەتتٸك قولداۋ ٸس-شارالارىنا جۇمسايتىن قاراجاتى 3,9 ترلن تەڭگەنٸ قۇرايدى. بۇل رەسپۋبليكالىق بيۋدجەتتٸڭ 24 پايىزىنا تەڭ. ەندٸ وعان 3,2 ترلن تەڭگە قوساتىن بولساق, وندا بۇل ەلٸمٸزدٸڭ دەنساۋلىق ساقتاۋ, بٸلٸم, قورعانىس, تۇرعىن ٷي جەنە باسقا دا ماڭىزدى سالالارعا جۇمسالاتىن قاراجاتىنىڭ شەكتەلۋٸنە ەكەپ سوعۋى مٷمكٸن», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا باق ٶكٸلدەرٸنٸڭ ساۋالىنا وراي.
دەپارتامەنت باسشىسىنىڭ اتاپ ٶتۋٸنشە, ەڭبەك مينيسترلٸگٸ جوعارىدا اتالعان جايتتاردى ەسكەرە كەلە, ەر بالاعا اي سايىن 42 500 تەڭگەدەن جەردەماقى تٶلەۋ ۇسىنىسىن قولداعان جوق.
