اقتٶبەدە تويدان كەيٸن جاپپاي ۋلانۋ تٸركەلٸپ, 100-دەن استام ادامنان ٸشەك ينفەكتسيياسىنىڭ بەلگٸلەرٸ انىقتالدى. وقيعا مۇعالجار اۋدانى قاندىاعاش قالاسىنداعى «تۇمار» مەيرامحاناسىندا ٶتكەن تويدان كەيٸن بولعان, دەپ حابارلايدى ult.kz.
اتالعان دەرەك بويىنشا قازاقستان رەسپۋبليكاسى قىلمىستىق كودەكسٸنٸڭ 304-بابى («سانيتارييالىق قاعيدالاردى نەمەسە گيگيەنالىق نورماتيۆتەردٸ بۇزۋ») بويىنشا سوتقا دەيٸنگٸ تەرگەپ-تەكسەرۋ باستالدى. قۇزىرلى ورگاندار وقيعانىڭ مەن-جايىن تولىق انىقتاۋ ٷشٸن قاجەتتٸ تەرگەۋ امالدارىن جٷرگٸزٸپ جاتىر.
وبلىستىق پوليتسييا دەپارتامەنتٸنٸڭ حابارلاۋىنشا, تەرگەۋ نەتيجەسٸ بويىنشا زاڭعا سەيكەس تيٸستٸ پروتسەسسۋالدىق شەشٸم قابىلدانادى.
دەرٸگەرلەرگە ٸشەك ينفەكتسيياسى بەلگٸلەرٸمەن 102 ادام جٷگٸنٸپ, ولاردىڭ بٸر بٶلٸگٸ اۋرۋحاناعا جاتقىزىلعان. 34 ناۋقاستا سالمونەللەزگە كٷدٸك تٸركەلگەن. بارلىق جاعداي بويىنشا سانيتارلىق-ەپيدەميولوگييالىق باقىلاۋ قىزمەتٸ تەكسەرۋ جٷرگٸزٸپ, زەرتحانالىق تالداۋعا سىنامالار الىنعان.
