اقتاۋ قالاسىندا تٶرت بالانىڭ اناسى كٷيەۋٸنٸڭ سوققىعا جىعىپ, قولىن سىندىرعانىن ايتىپ, كٶمەك سۇراعان. بۇل تۋرالى ادۆوكات لەززات راقىشەۆا ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى ult.kz.
ەيەلدٸڭ ايتۋىنشا, وقيعا 8 قىركٷيەك كٷنٸ بولعان. ونىڭ سٶزٸنشە, كٷيەۋٸ قاتتى ماس كٷيدە ٷيگە كەلگەن. سول كٷنٸ ەنەسٸ ەيەلدٸ كٷيەۋٸنە جامانداعان. ارتىنشا ەر ادام ەيەلٸن تۇنشىقتىرىپ, قىلعىندىرعان.
«ٶلەتٸن شىعارمىن دەپ ويلادىم. قولىن تٸستەپ, قاشىپ شىقتىم. بٸراق ارتىمنان كەلٸپ, اسٷيدە ۇرىپ, تەپكٸلەدٸ», – دەپ بايانداعان ەيەل.
سوققى سالدارىنان ەيەلدٸڭ قولى سىنعان. قازٸر ول اۋرۋحانادا ەم الىپ جاتىر. ەيەل پوليتسيياعا ارىز جازىپ, كٷيەۋٸنەن اجىراساتىنىن جەنە اليمەنت ٶندٸرۋگە ٶتٸنٸش بەرەتٸنٸن ايتقان. ونىڭ تٶرت بالاسى بار. بالالارى ەزٸرگە اناسىنىڭ قاراۋىندا.
ادۆوكات لەززات راقىشەۆانىڭ مەلٸمەتٸنشە, تٶرت بالانىڭ اناسى 8 قىركٷيەكتە كٶمەك سۇراپ, ورتالىققا حابارلاسقان. وعان زاڭگەرلٸك كەڭەس بەرٸلٸپ, اقتاۋ قالاسىنىڭ پوليتسييا قىزمەتكەرلەرٸنە حابارلانعان. پوليتسييا ەيەلدٸڭ ارىزىن قابىلداپ, سوت-مەديتسينالىق ساراپتاما تاعايىنداعان.
ادۆوكات بۇل ٸس بويىنشا ەيەلدٸڭ دەنساۋلىعىنا كەلتٸرٸلگەن زييانعا قۇقىقتىق باعا بەرٸلۋٸ كەرەگٸن اتاپ ٶتتٸ. ونىڭ جازباسىندا جاعداي قر قىلمىستىق كودەكسٸنٸڭ 107-بابى 2-بٶلٸگٸ 3-تارماعىنا سەيكەس قارالۋى مٷمكٸن ەكەنٸ ايتىلعان.
