اقتٶبە وبلىسىندا بۇرىن تٶرت جىلعا باس بوستاندىعىن شەكتەۋ جازاسىنا كەسٸلگەن شالقار قالاسىنىڭ بۇرىنعى ەكٸمٸ ٶزٸن اقتاپ شىعارامىن دەگەن ۋەدەگە سەنٸپ, الاياققا 4 ميلليون تەڭگە بەرگەن, دەپ حابارلايدى ult.kz.
«دياپازون» گازەتٸنٸڭ مەلٸمەتٸنشە, ەكس-شەنەۋنٸك سوت ٷكٸمٸمەن كەلٸسپەي, زاڭگەرلٸك كٶمەك ٸزدەگەن. سول كەزدە تۋىستارى وعان ٶزٸن قۇقىقتىق مەسەلەلەردٸ شەشە الاتىن مامان رەتٸندە تانىستىرعان س. ەسٸمدٸ ەيەلدٸ ۇسىنعان.
بۇرىنعى ەكٸم ەكەسٸمەن بٸرگە ەيەلدٸڭ ٷيٸنە بارعان. كەزدەسۋ بارىسىندا ەيەل اقتاۋ ٷكٸمٸن شىعارۋعا ىقپال ەتە الاتىنىن ايتىپ, قىزمەتٸ ٷشٸن 8 ميلليون تەڭگە سۇراعان. ەر ادام سۇرالعان سومانىڭ جارتىسىن – 4 ميلليون تەڭگەنٸ قولما-قول بەرگەن.
بٸر اپتادان كەيٸن ەيەل ٸستٸڭ شەشٸلٸپ جاتقانىن ايتىپ, اقتاۋ ٷكٸمٸ شىققان سوڭ قالعان اقشانى تٶلەۋدٸ سۇراعان. الايدا ۋەدە ورىندالماي, ەكس-ەكٸم اقتالماعان.
باسىلىمنىڭ جازۋىنشا, تاراپتار اراسىندا ەشقانداي كەلٸسٸمشارت جاسالماعان, اقشا دا ەشبٸر تٷبٸرتەكسٸز بەرٸلگەن. ال سوتتا ەيەل بۇل قاراجاتتى قارىز رەتٸندە العانىن العا تارتقان.
تەرگەۋ بارىسىندا ٶزٸن «ادۆوكات» رەتٸندە تانىستىرعان ەيەلدٸڭ باسقا دا الاياقتىق ٸستەرگە قاتىسى بارى انىقتالدى. ول سىبايلاسىمەن بٸرگە ازاماتتارعا مەملەكەتتٸك جالدامالى تۇرعىن ٷي باعدارلاماسى ارقىلى كەيٸن ساتىپ الۋ قۇقىعىمەن پەتەر الىپ بەرەمٸز دەپ ۋەدە ەتكەن.
وسى سحەماعا سەنگەن جەبٸرلەنۋشٸلەردٸڭ بٸرٸ الاياقتارعا ەلورداداعى تۇرعىن ٷي كەشەندەرٸنەن بٸرنەشە پەتەر الىپ بەرۋ ٷشٸن 47 ميلليون تەڭگە بەرگەن.
سوت نەتيجەسٸندە 54 جاستاعى ەيەل الاياقتىق جاساعانى ٷشٸن التى جىلعا باس بوستاندىعىنان ايىرىلىپ, سوت زالىندا قاماۋعا الىندى. ونىڭ سىبايلاسى دا دەل وسىنداي جازاعا كەسٸلدٸ. الايدا كەمەلەتكە تولماعان بالاسىنىڭ بولۋىنا بايلانىستى ونىڭ جازاسىن ٶتەۋ مەرزٸمٸ ٷش جىلعا كەيٸنگە شەگەرٸلدٸ. سونداي-اق سوت ەكەۋٸن دە جەبٸرلەنۋشٸلەرگە كەلتٸرٸلگەن ماتەريالدىق شىعىندى ٶتەۋگە مٸندەتتەدٸ.
