اقمولا وبلىسىنىڭ تسەلينوگراد اۋدانىندا دەرٸگەرلەردٸڭ دەر كەزٸندە دۇرىس دياگنوز قويماۋى سالدارىنان دەنساۋلىعىنا ەدەۋٸر زييان كەلگەن تۇرعىن سوت ارقىلى ەمحانادان 1,6 ملن تەڭگەدەن استام ٶتەماقى ٶندٸرٸپ الدى, دەپ حابارلايدى ult.kz.
بۇل تۋرالى اقمولا وبلىستىق سوتى حابارلادى.
وقيعا بىلتىر شٸلدەدە بولعان. تۇرعىن اۋداندىق ەمحاناعا باس اۋرۋى, جٶتەل, مۇرىننىڭ بٸتەلۋٸ, دەنە قىزۋى جەنە يىقتىڭ اۋىرعانىنا شاعىمدانىپ بارعان. دەرٸگەرلەر وعان جرۆي, جەدەل نازوفارينگيت, سوزىلمالى برونحيتتٸڭ اسقىنۋى جەنە پوليسەگمەنتارلىق پنەۆمونييا دياگنوزدارىن قويعان.
الايدا بٸرنەشە كٷننەن كەيٸن ناۋقاستىڭ جاعدايى جاقسارماعان. كەرٸسٸنشە, قولدارى مەن يىق بۋىندارى اۋىرىپ, ٸسٸك پايدا بولعان. وسى شاعىممەن قايتا بارعان كەزدە دەرٸگەر وعان رەۆماتويدتى ارتريت دياگنوزىن قويىپ, تراۆماتولوگقا قارالۋعا كەڭەس بەرگەن.
تراۆماتولوگ يىق بۋىنى بايلامدارىنىڭ سوزىلۋى جەنە شامادان تىس كٷش تٷسۋٸ دەگەن دياگنوز قويعان. كەيٸن ەمحانا دەرٸگەرٸ دە وسى دياگنوزدى قايتالاعان.
ارادا بٸر اپتا ٶتكەندە ناۋقاستىڭ جاعدايى كٷرت ناشارلاپ, ونى استانا قالاسىنداعى اۋرۋحاناعا جاتقىزۋعا تۋرا كەلگەن. استانالىق دەرٸگەرلەر شۇعىل وتا جاساپ, ناۋقاستىڭ دەنەسٸنەن 1,5 ليتر ٸرٸڭ شىعارعان.
ٸستٸ قاراعان سوت ەمحانا دەرٸگەرلەرٸنٸڭ سالعىرتتىعى سالدارىنان ناۋقاستىڭ دەنساۋلىعىنا ەدەۋٸر زييان كەلگەنٸن انىقتادى.
بٸرٸنشٸ ساتىداعى سوت تالاپ ارىزدى ٸشٸنارا قاناعاتتاندىردى. ەمحانا ناۋقاسقا 700 مىڭ تەڭگە مورالدىق زييان ٷشٸن ٶتەماقى جەنە ۇزاق ۋاقىت ەڭبەككە جارامسىز بولعاندىقتان جوعالتقان 914 مىڭ تەڭگە تابىسىن ٶتەۋگە مٸندەتتەلدٸ.
وسىلايشا, ەمحانا تۇرعىنعا جالپى 1 ملن 614 مىڭ تەڭگە تٶلەۋٸ تيٸس.
