اتىراۋ وبلىسىندا تٶرت ادامنىڭ ٶلٸمٸنە قاتىستى رەزونانستى قىلمىستىق ٸس بويىنشا ٶتكەن سوت وتىرىسىندا جاڭا بەينەماتەريالدار زەرتتەلدٸ. جازبالاردىڭ بٸرٸندە سوتتالۋشى سۇلتان سەرسەمەليەۆتٸڭ جۇبايى اقبايان مۇقانعاليەۆادان جاۋاپ الىنعان سەت كٶرسەتٸلدٸ, دەپ حابارلايدى ult.kz kznews.kz سايتىنا سٸلتەمە جاساپ.
سوتتا ايتىلعان مەلٸمەتتەرگە سەيكەس, اقبايان مۇقانعاليەۆا پسيحونەۆرولوگييالىق ديسپانسەردٸڭ اقپاراتتىق جٷيەسٸندە ەسەپتە تۇرعان. قازٸرگٸ ۋاقىتتا ول پسيحياترييالىق مەكەمەدە ەم قابىلداپ جاتىر.
سۋديا زارەما حاميدۋللينا ەيەلدٸڭ تەرگەۋ كەزٸندە بەرگەن جاۋابىن وقىپ بەردٸ. ونىڭ سٶزٸنشە, ول قىزىلقوعا اۋدانى جانگەلدين اۋىلىنداعى مەكتەپتٸ بٸتٸرگەن. كەيٸن اقتٶبەدەگٸ كوللەدجدە وقىعان. وقۋ اياقتالعان سوڭ اتىراۋدا تٷرلٸ ۇيىمداردا جۇمىس ٸستەگەن. 2016 جىلى سۇلتان سەرسەمەليەۆكە تۇرمىسقا شىققان. وتباسىندا بەس بالا تەربيەلەنٸپ وتىر.
تەرگەۋشٸنٸڭ سۇراقتارىنا جاۋاپ بەرگەن مۇقانعاليەۆا بالالارىنىڭ بٸر بٶلٸگٸنٸڭ تۋعان جىلىن عانا اتاي العان. ال كەنجە بالاسىنىڭ تۋعان جىلىن ەسٸنە تٷسٸرە الماعان.
سونداي-اق ول سوڭعى بالاسىن دٷنيەگە ەكەلگەننەن كەيٸن دەنساۋلىعىندا مەسەلە پايدا بولعانىن ايتتى. ونىڭ سٶزٸنشە, سول كەزدە ماحامبەت اۋدانىندا بالاسىنا ەنەسٸ قاراعان. ەيەل باسى قاتتى اۋىرعانىن, دەرٸگەرلەردٸڭ كەڭەسٸمەن كٷيەۋٸمەن بٸرگە تٷركيياعا تەكسەرٸلۋگە بارعانىن جەتكٸزدٸ.
"مەن باسىمدى تەكسەرتٸپ, ەم الدىم. تٷركييادا كٷيەۋٸم ۋاقىتشا جۇمىس ٸستەدٸ. بٸز قوناقٷيدە تۇردىق. مەن كٶبٸنە ۇيىقتاپ جاتتىم. تەلەفونىم بولعان جوق, ونى سۇلتان الىپ العان. پوليتسييا مەنٸ جەنە كٷيەۋٸمدٸ نە ٷشٸن ۇستاعانىن بٸلمەيمٸن", – دەدٸ ول جاۋاپ الۋ كەزٸندە.
بەينەجازباعا قاراعاندا, مۇقانعاليەۆا بٸرقاتار سۇراققا ناقتى جاۋاپ بەرە الماعان. ول كٶبٸنە "بٸلمەيمٸن" دەپ جاۋاپ بەرگەن. بۇدان بٶلەك, تەرگەۋ ەرەكەتتەرٸ كەزٸندە شارشاعانىن ايتىپ, كەيبٸر سۇراقتارعا جاۋاپ بەرۋدەن باس تارتقان.
سوتتا ۇسىنىلعان ماتەريالدارعا سەيكەس, كەيٸن وعان ارنايى ەم قابىلداۋ ۇسىنىلعان.
