اپوفيس استەرويدى جەرمەن سوقتىعىسۋى مٷمكٸن

پەتەربۋرگ مەملەكەتتٸك ۋنيۆەرسيتەتٸنٸڭ عالىمدارى 2068 جىلى اپوفيس استەرويدى جەرمەن سوقتىعىسۋى مٷمكٸن دەپ ەسەپتەيدٸ. بۇل تۋرالى ريا نوۆوستي حابارلادى.

ەجەلگٸ ەگيپەت قۇدايىنىڭ قۇرمەتٸنە اتالعان استەرويد 2029 جىلى جەرگە 38 مىڭ كيلومەتر قاشىقتىقتا جاقىن ٶتەدٸ (سالىستىرۋ ٷشٸن ايتساق, اي 384 مىڭ كيلومەتر قاشىقتىقتا ورنالاسقان). 

جەر مەن استەرويد 2044 جىلى 16 ميلليون كيلومەترگە, 2051 جىلى 760 مىڭ كيلومەترگە جەنە 2060 جىلى 5 ميلليون كيلومەترگە جاقىنداپ, 2068 جىلى سوقتىعىسۋى مٷمكٸن.

اپوفيس جەرگە قاۋٸپ تٶندٸرٸپ جاتقانىن بۇعان دەيٸن امەريكالىق عالىمدار مەلٸمدەگەن ەدٸ. 2029 جىلى جاقىنداعاننان كەيٸن استەرويد ٶزٸنٸڭ وربيتاسىن ٶزگەرتٸپ, كەلەسٸ جولى قايتا ورالعاندا جەرمەن سوقتىعىسۋى مٷمكٸن ەكەنٸ انىقتالدى. ول ٷشٸن استەرويد "قۇلىپتىڭ ويماسى" — عارىش كەڭٸستٸگٸنٸڭ ٶتە تار ايماعى ارقىلى ٶتۋٸ تيٸس. بۇعان دەيٸن استەرويدتىڭ وسىنداي "ويمالاردىڭ" بٸرٸ ارقىلى ٶتۋٸ ونىڭ 2036 جىلى جەرگە قۇلاپ كەتۋٸنە ەكەلۋٸ مٷمكٸن دەپ ەسەپتەلدٸ.  

دەگەنمەن ول كەزدە اپاتتىڭ ىقتيمالدىعى نٶلگە تەڭ دەپ ەسەپتەلدٸ.

اپوفيس استەرويدى 2004 جىلى اشىلدى. عالىمداردىڭ پٸكٸرٸنشە, ونىڭ ديامەترٸ شامامەن 325 مەتردٸ قۇرايدى. ەگەر استەرويد بٸزدٸڭ عالامشارىمىزبەن سوقتىعىسسا, جارىلىس ەنەرگيياسىنىڭ قۋاتى ەڭ قۋاتتى جانارتاۋدىڭ اتقىلاۋىنان اسىپ تٷسەدٸ جەنە ونداعان يادرولىق بومبانىڭ جارىلىسىنا تەڭ بولادى. دەگەنمەن استەرويدتٸڭ قۇلاۋى عالامشاردىڭ كليماتىنا كٷشتٸ جەنە ۇزاق ەسەر ەتپەيدٸ.