فوتو: مەجٸلٸس باسپاسٶز قىزمەتٸنەن
بٷگٸن سوت 24 جىلعا ٷكٸم كەسكەن ەكس-مينيستر قۋاندىق بيشٸمباەۆتىڭ اپەللياتسييالىق سوتى تٸكەلەي ەفيردە ٶتٸپ جاتىر. ULT.kz تٸلشٸسٸ مەجٸلٸس دەپۋتاتى ابزال قۇسپاننان اپەللياتسييالىق سوتتا ق. بيشٸمباەۆ جازادان قۇتىلىپ كەتۋٸ مٷمكٸن بە ەكەنٸن سۇرادى.
"نەگٸزگٸ قىلمىستاردىڭ كٶپشٸلٸگٸ لوتەنتتٸ بولادى, ياعني جاسىرىن. بٸراق كەي بٸر قىلمىستار اشىق كٶرٸنٸپ تۇرادى. ادام ٶلٸمٸ بولىپ وتىر, قالايشا ول اقتالۋى مٷمكٸن? ال قانشالىقتى سارالانۋى دۇرىس دەگەن باسقا مەسەلە. بۇل ٸستە پروتسەسستٸك-زاڭنامالىق تالاپتار ساقتالدى ما, جوق پا, سول تۇرعىدا مەنٸ بويىنشا قارالادى. بٸراق اقتالىپ كەتۋٸ مٷمكٸن ەمەس", - دەدٸ ابزال قۇسپان.
بۇعان دەيٸن "قۋاندىق بيشٸمباەۆ اقىل-ەسٸ دۇرىس ەمەس دەپ تانىلىپ, جاۋاپكەرشٸلٸكتەن قۇتىلۋى مٷمكٸن" دەگەن دە پٸكٸرلەر بولعان. دەپۋتات بۇل تۋرالى نە ويلايتىنىن ايتتى.
"وعان ەكٸ نەگٸزدە ايتا الامىن. بٸرٸنشٸدەن, مينيستر دەرەجەسٸندە, ٷكٸمەت مٷشەسٸندە بولعان ادام بارلىق تيٸستٸ تەكسەرۋلەردەن ٶتەدٸ. ەكٸنشٸدەن, بۇعان دەيٸن دە قىلمىستىق جاۋاپكەرشٸلٸككە تارتىلدى عوي? سول كەزدە بارلىق تيٸستٸ تەكسەرۋلەردەن ٶتكٸزٸلدٸ. قاجەت بولاتىن بولسا, ساراپتاما جاسالادى. ونداي ۋەج كەلتٸرٸلۋٸ ٷشٸن ساراپتاما جٷرگٸزٸلۋٸ كەرەك. كٷنٸ بٷگٸنگە دەيٸن ساراپتاما تاعايىندالىپ, اقىل-ەسٸنٸڭ دۇرىستىعىنا كٷدٸك-كٷمەن تۋىنداپ, ساراپتاما جاسالعانىن ەستٸمەپپٸن. اقىل ەسٸنە بايلانىستى جاۋاپكەرشٸلٸكتەن قۇتىلادى دەپ ويلامايمىن", - دەدٸ دەپۋتات ا. قۇسپان.
ايتا كەتەيٸك, قازاقستاننىڭ بۇرىنعى ۇلتتىق ەكونوميكا مينيسترٸ قۋاندىق بيشٸمباەۆ ازاماتتىق ەيەلٸ سالتانات نٷكەنوۆانى اسقان قاتٸگەزدٸكپەن ۇرىپ ٶلتٸردٸ دەگەن كٷدٸككە ٸلٸنٸپ, 2023 جىلى قاراشادا قاماۋعا الىنعان. سوت پروتسەسسٸ بيىل ناۋرىز, سەۋٸر ايلارىندا تٸكەلەي ەفير ارقىلى ٶتكەن. بۇل سوت ٸسٸ قازاقستان عانا ەمەس, ەلەمدە رەزونانس تۋدىرىپ, سوت وتىرىستارىن تٸكەلەي ەفيردە ميلليونداعان ادام باقىلاپ وتىرعان بولاتىن. سوت قۋاندىق بيشٸمباەۆقا 24 جىل, ال ونىڭ تۋىسى, وسى ٸسكە قاتىسى بار دەپ تانىلعان باقىتجان بايجانوۆقا 5 جىل باس بوستاندىعىنان ايىرۋ جازاسىن كەستٸ.
