"قازاتومٶنەركەسٸپتٸڭ" بۇرىنعى باسشىسى مۇحتار جەكٸشەۆتٸ شارتتى تٷردە مەرزٸمٸنەن بۇرىن بوساتۋدان باس تارتقان سەمەي قالالىق سوتىنىڭ شەشٸمٸنە قورعاۋشىلار شاعىم تٷسٸرگەن بولاتىن.
اپەللياتسييالىق كوللەگييانىڭ وتىرىسى ٶسكەمەندەگٸ شىعىس قازاقستان وبلىستىق سوتىندا 10 قىركٷيەكتە ٶتتٸ.
جەكٸشەۆ پەن قورعاۋشىلارىنىڭ جەكە شاعىمدارى قارالدى, دەپ حابارلايدى وبلىستىق سوتتىڭ باسپاسٶز قىزمەتٸ.
"بۇل شاعىمدار سەمەيدٸڭ №2 قالالىق سوتىنىڭ 2019 جىلدىڭ 24 شٸلدەسٸندەگٸ مۇحتار جەكٸشەۆتٸ شارتتى تٷردە مەرزٸمٸنەن بۇرىن بوساتۋ جٶنٸندەگٸ ٶتٸنٸشتٸ قاناعاتتاندىرماۋ تۋرالى قاۋلىسىنا تٷسٸرٸلگەن ەدٸ. كوللەگييا قاۋلىسىمەن بٸرٸنشٸ ينستانتسييانىڭ سوت اكتٸسٸ ٶزگەرٸسسٸز قالدى, جەكە شاعىمدار قابىلدانبادى", - دەلٸنگەن حابارلامادا.
سوتتىڭ باسپاسٶز قىزمەتٸ تٷسٸندٸرگەندەي, شاعىمداردىڭ قابىلدانباۋىنا جەكٸشەۆتٸڭ كەلتٸرٸلگەن شىعىندى (99 ملرد تەڭگەدەن استام) ەلٸ كٷنگە دەيٸن ٶتەمەۋٸ نەگٸز بولعان, ال قاپشاعاي قالالىق سوتىنىڭ شىعىندى ٶتەۋ تۋرالى قاۋلىسى 2014 جىلدىڭ 15 شٸلدەسٸندە شىققان ەدٸ.
"وسى سوما ەلٸ كٷنگە دەيٸن تٶلەنبەگەن. سوتتالعان ازامات شىعىندى ٶتەۋ ماقساتىندا ەشقانداي شارا قابىلدامادى. سونداي-اق سوتتالعان ازاماتتىڭ مٸنەز-قۇلقىندا وڭ ٶزگەرٸستەر بايقالمايدى. ىنتالاندىرۋلاردان بٶلەك, جەكٸشەۆ تٷرمەدە تەرتٸپ بۇزعانى ٷشٸن جازالانعان. سوتتالعان ازاماتتىڭ تەرتٸپكە باعىنعاندىعىن, مٸنەز-قۇلقىنىڭ تٷزەلگەنٸن كٶرسەتەتٸن ەشقانداي بەلگٸ بولعان جوق", - دەلٸنگەن شىعىس قازاقستان وبلىستىق سوتىنىڭ باسپاسٶز قىزمەتٸنٸڭ حابارلاماسىندا.
باسپاسٶز قىزمەتٸ اتاپ ٶتكەندەي, قىلمىستىق-پروتسەستٸك زاڭنامانىڭ تالاپتارى بويىنشا شارتتى تٷردە مەرزٸمٸنەن بۇرىن بوساتۋ ٷشٸن سوتتالعان ازاماتتىڭ مٸنەز-قۇلقىنىڭ تٷزەلگەنٸن بٸلدٸرەتٸن وڭ ٶزگەرٸستەر بولۋى تيٸس.
ەسكە سالا كەتەيٸك, مۇحتار جەكٸشەۆ 2009 جىلدىڭ مامىر ايىندا ٸرٸ ۋران كەن ورىندارىندا مەملەكەتتٸك ٷلەستٸ ساتتى دەگەن ايىپپەن ۇستالدى. سوت پروتسەسٸ جابىق رەجيمدە ٶتتٸ. سوت وتىرىسى كەزٸندە سوتتالۋشىنىڭ دەنساۋلىعى سىر بەرۋٸنە بايلانىستى تالاي رەت جەدەل جەردەم شاقىرىلعان. 2010 جىلدىڭ ناۋرىز ايىندا جەكٸشەۆ ىسىراپ جاساپ, پارا العانى ٷشٸن ايىپتى دەپ تانىلىپ, 14 جىلعا باس بوستاندىعىنىن ايىرىلدى.
ٶتكەن جىلى تٷرمەدەگٸ مەرزٸمنٸڭ جارتىسىنان كٶبٸ ٶتتٸ. وسىعان بايلانىستى جەكٸشەۆ شارتتى تٷردە مەرزٸمٸنەن بۇرىن بوساتۋعا ٶتٸنٸش بٸلدٸردٸ. الايدا سەمەي قالاسىنىڭ سوتى اتالعان ٶتٸنٸشتٸ قولداعان جوق.
بىلتىر شٸلدە ايىندا جەكٸشەۆتٸ سەمەيدەگٸ وۆ-156/14 كولونيياسىنا اۋىستىردى. بۇعان دەيٸن ول الماتى وبلىسىنداعى زارەچنىي اۋىلىندا جەنە قاراعاندى وبلىسىنداعى دولينكا ەلدٸ مەكەنٸندەگٸ تٷرمەدە وتىردى.
ادۆوكات نۇرلان بەيسەكەەۆتٸڭ ايتۋىنشا, تٷرمەدە وتىرعان جەكٸشەۆتٸڭ دەنساۋلىعى ناشارلاپ كەتتٸ. ول بٸرنەشە اۋرۋعا دۋشار بولعان. بٸراق ەلٸ كٷنگە دەيٸن تولىققاندى مەديتسينالىق تەكسەرٸستەن ٶتپەپتٸ. بٷگٸندە ول بٸراز دەرٸ ٸشٸپ, ەمدەلۋگە مەجبٷر. III توپتاعى مٷگەدەك تۋرالى انىقتاماسى بار.
