الماتى تٷبٸندە اپاتقا ۇشىراعان ۇشاقتان اۆياتسييالىق وتىندى قوتارۋ جۇمىستارى جٷرگٸزٸلٸپ جاتىر.
بۇل جايىندا قر ٸٸم تٶتەنشە جاعدايلار كوميتەتٸنەن مەلٸم ەتتٸ, دەپ حابارلايدى "ۇلت اقپارات".
ۆەدومستۆو مەلٸمەتٸنشە, جانۋارلار جەنە ٶسٸمدٸكتٸ قورعاۋ قىزمەتكەرلەرٸ ۇشاق قۇلاعان اۋماقتا ۆەتەرينارلىق-سانيتارلىق تەكسەرۋ جۇمىستارىن جٷرگٸزگەن. نەتيجەسٸندە تالعار اۋدانىنا قاراستى گٷلدانا ەلدٸ مەكەنٸنٸڭ جەكە سەكتور اۋماعىندا جەنە ۇشاق قۇلاعان جەردە ٶلگەن جانۋارلاردىڭ ٶلەكسەسٸ تابىلعان جوق. اتالعان اۋماقتاعى ەپيزووتيكالىق احۋال قولايلى.
«قر ٸٸم تٶتەنشە جاعدايلار كوميتەتٸنٸڭ قۇتقارۋشىلارى الماتى قالالىق قۇتقارۋ قىزمەتٸ قۇتقارۋشىلارىمەن بٸرگە تٶتەنشە وقيعا بولعان جەردە گيدراۆليكالىق قۇرالداردىڭ كٶمەگٸمەن ۇشاقتى بٶلشەكتەۋ جۇمىستارىن جٷرگٸزٸپ جاتىر. سونىمەن قاتار ەۋە كەمەسٸنٸڭ وڭ جاق قاناتىنداعى باكتان اۆياتسييالىق وتىندى قوتارۋ جۇمىستارى دا جٷرگٸزٸلۋدە. 1 تەحنيكا (ەۋەجايدىڭ 8 توننالىق بەنزوۆوزى) مەن 4 مامان جۇمىلدىرىلعان. ساعات 17-00-دەگٸ جاعداي بويىنشا باكتاعى 4 875 ليتر اۆياتسييالىق وتىننىڭ 2 مىڭ ليترٸ قوتارىلدى. ٶرت شىعۋىنا جول بەرمەۋ ٷشٸن كٶبٸك اتقىلاۋعا اتس-5 جەنە اتس-8 ٶرت سٶندٸرۋ تەحنيكاسى قويىلعان», - دەپ اتاپ ٶتەدٸ كوميتەتتەن.
تاراتىلعان اقپاراتقا قاراعاندا, تجك جەدەل شتابىندا ٸٸم, ييدم, دسم, ەم, ۇلتتىق ۇلان ٶكٸلدەرٸ جٷر. شۇعىل پسيحولوگييالىق كٶمەك كٶرسەتۋ ٷشٸن قاۋىرت جەلٸ تەلەفوندارىنىڭ جۇمىسى ۇيىمداستىرىلعان. ساعات 17-00-دەگٸ جاعداي بويىنشا قاۋىرت جەلٸگە 1 344 قوڭىراۋ تٷسكەن.
«تجك پسيحولوگتارى زارداپ شەككەن 69 ازاماتتىڭ تۋىستارىنا, دەنساۋلىق ساقتاۋ مينيسترلٸگٸنٸڭ پسيحولوگتارى ستاتسيونارلىق ەم الىپ جاتقان 47 زارداپ شەگۋشٸگە پسحولوگييالىق كٶمەك كٶرسەتتٸ», - دەلٸنگەن تاراتىلعان اقپاراتتا.
