قازاقستاننىڭ اگروٶنەركەسٸپتٸك كەشەنٸندە مونيتورينگ, تالداۋ جەنە بولجاۋ بويىنشا بٸرىڭعاي تسيفرلىق سيتۋاتسييالىق ورتالىق قۇرىلادى. بۇل جايلى پارلامەنت مەجٸلٸسٸندە اگرارلىق عىلىمدى, بٸلٸم جەنە ٶندٸرٸستٸ ينتەگراتسييالاۋ مەسەلەلەرٸ بويىنشا وتىرىستا ۇلتتىق اگرارلىق عىلىمي بٸلٸم بەرۋ ورتالىعىنىڭ باسقارما تٶراعاسى تٶلەۋتاي راقىمبەكوۆ مەلٸم ەتتٸ, دەپ حابارلايدى قازاقپارات.
«قازاقستاننىڭ اگروٶنەركەسٸپتٸك كەشەنٸندە مونيتورينگ, تالداۋ جەنە بولجاۋ بويىنشا بٸرىڭعاي تسيفرلىق سيتۋاتسييالىق ورتالىق قۇرۋ مەسەلەسٸن پىسىقتاپ جاتىرمىز. ول بٸزدٸڭ ورتالىقتىڭ بازاسىندا اشىلىپ, اۋىل شارۋاشىلىعى سالاسىنىڭ بارلىق اقپاراتتىق جٷيەسٸن ينتەگراتسييالاۋدى كٶزدەيدٸ», - دەدٸ تٶلەۋتاي راقىمبەكوۆ.
ۇلتتىق اگرارلىق عىلىمي بٸلٸم بەرۋ ورتالىعىنىڭ باسشىسى ٶكٸنٸشكە وراي قازاقستان ەلٸ كٷنگە دەيٸن اقش اۋىل شارۋاشىلىعى مينيسترلٸگٸنٸڭ بولجامدى مەلٸمەتتەرٸن پايدالاناتىنىن جەتكٸزدٸ. ونىڭ ايتۋىنشا, تسيفرلاندىرۋ سالاسىنداعى ماماندار مەن قاراپايىم شارۋا قوجالىق يەلەرٸن كەزدەستٸرٸپ, فەرمەرلەردٸڭ بۇل باعىتتاعى تەجٸريبەسٸن ارتتىرۋ كەرەك.
«تسيفرلاندىرۋ سالاسىنىڭ ارتىقشىلىقتارى شارۋا يەلەرٸن ارتىق شىعىنداردان ارىلۋعا كٶمەكتەسەر ەدٸ», - دەدٸ ول.
ايتا كەتسەك, بۇعان دەيٸن تٶلەۋتاي راقىمبەكوۆ وتاندىق اگرارلىق عىلىمنىڭ باستى پروبلەمالارىن اتاعان بولاتىن. ونىڭ ايتۋىنشا, بٸزدەگٸ اگرارلىق عىلىمنىڭ باستى مەسەلەسٸ – بٸلٸم بەرۋ, ترانسفەرت پەن كوممەرتسييالىق تەحنولوگييالاردى ۇسىنۋ بويىنشا ۇيىمداستىرۋ جۇمىسىنىڭ ەلسٸزدٸگٸ بولىپ وتىر.
