قازاقستاندا ٶتكەن كٷنٸ 3031 ادامنان كوروناۆيرۋس تابىلعان. بۇل تۋرالى 5 شٸلدەدە دەنساۋلىق ساقتاۋ مينيسترلٸگٸ حابارلادى. وسىلايشا قازاقستاندا كوروناۆيرۋس پاندەميياسى باستالعاننان بەرٸ ۆيرۋس جۇقتىرعاندار سانى بويىنشا انتيرەكورد ورنادى.
ونىڭ الدىندا مينيسترلٸك ەلدە 3003 ادامنان كوروناۆيرۋس انىقتالعانىن مەلٸمدەگەن. ەلدە كوروناۆيرۋستىڭ دەلتا ۆاريانتى تاراپ جاتقان تۇستا كوروناۆيرۋس جۇقتىرعاندار سانى ەكٸنشٸ كٷن قاتارىنان ٷش مىڭنان اسىپ تٷستٸ.
رەسمي دەرەك بويىنشا, قازاقستاندا بىلتىر ناۋرىزدان بەرٸ 436 962 ادامنان كوروناۆيرۋس تابىلعان. بٸراق كەيبٸر ساراپشىلار ەلدەگٸ بۇل ستاتيستيكا تٶمەن, شىنايى جاعدايدى كٶرسەتە المايدى دەپ سانايدى.
قازٸر ەلدە نۇر-سۇلتان, الماتى, شىمكەنت قالالارى, اقمولا, اتىراۋ, بقو, قاراعاندى, ماڭعىستاۋ جەنە پاۆلودار وبلىستارى قاۋپٸ كٶپ "قىزىل ايماقتا", اقتٶبە, قوستاناي, قىزىلوردا وبلىستارى ۆيرۋس تاراۋى جاعىنان ورتاشا "سارى ايماقتا" تۇر. قالعان وبلىستار "جاسىل ايماقتا".
3 شٸلدەدە ەلدە كوروناۆيرۋس پنەۆمونيياسىنا 82 ادام شالدىقتى. پتر نەتيجەسٸ تەرٸس, بٸراق سيمپتومدارى كوروناۆيرۋسقا ۇقساس "پنەۆمونييا" ستاتيستيكاسى بىلتىر تامىزدان بەرٸ جٷرگٸزٸلٸپ كەلەدٸ. مينيسترلٸك مەلٸمەتٸنشە, سودان بەرٸ ەلدە 57 428 ادام وسى "پنەۆمونيياعا" شالدىققان.
سەنبٸ, 4 شٸلدەدە ەلدە 25 ادام كوروناۆيرۋستان, ەكٸ ادام "كوروناۆيرۋس پنەۆمونيياسىنان" قايتىس بولعان. پاندەمييا باستالعالى ەلدە 4469 ادام كوروناۆيرۋستان, 3465 ادام "پنەۆمونييادان" كٶز جۇمدى. ستاتيستيكاعا كوروناۆيرۋس جۇقتىرعان مىڭنان اسا ادام مارقۇم ەنبەي قالدى. مينيسترلٸك قۇرعان كوميسسييا ولاردىڭ قازاسىنا باسقا دەرت سەبەپ بولدى دەپ تاپقان.
مينيسترلٸكتٸڭ دەرەگٸنشە, 5 شٸلدەگە دەيٸن ەلدە 3,7 ميلليون ادام كوروناۆيرۋسقا قارسى ەكپەنٸڭ بٸر دوزاسىن; 2,2 ميلليونداي ادام ەكٸ دوزاسىن دا العان. ەلدە رەسەيلٸك "سپۋتنيك V", قازاقستاندىق QazVac, HayatVax (باە ەلٸندە دايىندالعان قىتايدىڭ ەكپەسٸ), قىتايلىق Coronavac ەكپەسٸن سالىپ جاتىر.
قازٸر ەلدە 31 718 ادام Covid دەرتٸنە شالدىعىپ, ەمدەلٸپ جاتىر. 9645 ادام اۋرۋحانادا جاتىر. 600 ناۋقاستىڭ جاعدايى اۋىر, 122 پاتسيەنتتٸڭ جاعدايى ٶتە اۋىر, 69 ادام جاساندى تىنىس الۋ اپپاراتىنا قوسىلعان.
اقش-تاعى دجونس حوپكينس ۋنيۆەرسيتەتٸنٸڭ ەسەبٸنشە, ەلەمدە 183,7 ميلليون ادام Covid دەرتٸنە شالدىققان. 3,9 ميلليون ادام قايتىس بولعان.
ايماقتار بويىنشا ٶتكەن تەۋلٸكتە كوروناۆيرۋس انىقتالعاندار سانى:
نۇر-سۇلتان قالاسىندا - 799,
الماتى قالاسىندا - 396,
شىمكەنت قالاسىندا – 161,
اقمولا وبلىسىندا – 130,
اقتٶبە وبلىسىندا - 69,
الماتى وبلىسىندا - 92,
اتىراۋ وبلىسىندا - 149,
شىعىس قازاقستان وبلىسىندا - 66,
جامبىل وبلىسىندا - 57,
باتىس قازاقستان وبلىسىندا - 186,
قاراعاندى وبلىسىندا - 499,
قوستاناي وبلىسىندا - 54,
قىزىلوردا وبلىسىندا - 33,
ماڭعىستاۋ وبلىسىندا - 196,
پاۆلودار وبلىسىندا - 87,
سولتٷستٸك قازاقستان وبلىسىندا - 12,
تٷركٸستان وبلىسىندا - 45.
