پوليتسييا گەنەرال-مايورى نۇرلان مەسٸموۆ پارا الدى دەگەن كٷدٸككە ٸلٸندٸ. بۇل تۋرالى سىبايلاس جەمقورلىققا قارسى قىزمەت حابارلادى.
"پاۆلودار وبلىسى بويىنشا سىبايلاس جەمقورلىققا قارسى قىزمەت پاۆلودار وبلىسى پوليتسييا دەپارتامەنتٸنٸڭ ەكس-باستىعى پوليتسييا گەنەرال-مايورى مەسٸموۆكە قاتىستى اسا ٸرٸ مٶلشەردە پارا الدى دەگەن كٷدٸكپەن سوتالدى تەرگەۋدٸ باستادى (قىلمىستىق كودەكستٸڭ 366-بابى 4-بٶلٸگٸ بويىنشا).
وسى فاكت بويىنشا ونىڭ ٸس-ەرەكەتٸ سىرتتاي سارالانىپ, تەرگەۋ سوتى "كٷزەتپەن ۇستاۋ" تٷرٸندەگٸ بۇلتارتپاۋ شاراسىمەن سانكتسييالادى", - دەلٸنگەن حابارلامادا.
ۆەدومستۆو مەلٸمەتٸنشە, قازٸرگٸ ۋاقىتتا مەسٸموۆكە ٸزدەۋ جارييالانعان.
"ٸس بويىنشا ونىڭ ورنالاسقان جەرٸن انىقتاۋ بويىنشا قاجەتتٸ جەدەل-ٸزدەستٸرۋ ٸس-شارالارى جەنە ٸستٸڭ بارلىق مەن-جايىن انىقتاۋعا باعىتتالعان باسقا دا تەرگەۋ ٸس-ەرەكەتتەرٸ جٷرگٸزٸلٸپ جاتىر. تەرگەۋ نەتيجەلەرٸ بويىنشا تيٸستٸ ٸس جٷرگٸزۋ شەشٸمٸ قابىلدانادى", - دەلٸنگەن حابارلامادا.
