فوتو: Akorda.kz
مەملەكەت باسشىسى سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اسحات جۇماعاليدى قابىلدادى, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنتكە ەلٸمٸزدە سىبايلاس جەمقورلىققا قارسى ٸس-قيمىل بويىنشا قابىلدانىپ جاتقان شارالار تۋرالى سىبايلاس جەمقورلىققا قارسى قىزمەتتٸڭ ەسەبٸ بەرٸلدٸ.
مەملەكەت باسشىسىنا ۆەدومستۆونىڭ جۇمىسىندا سىبايلاس جەمقورلىقتىڭ العىشارتتارىن جويۋعا باسا نازار اۋدارىلعانى باياندالدى.
اسحات جۇماعاليدىڭ ايتۋىنشا, سىبايلاس جەمقورلىق تەۋەكەلدەرٸنە سىرتتان تالداۋ جٷرگٸزۋ كەزٸندە جەردٸ بٶلۋ جەنە الماتىنىڭ قالا قۇرىلىسىن دامىتۋ ٸسٸن جوسپارلاۋ بارىسىندا جيٸ قايتالاناتىن زاڭ بۇزۋشىلىقتارعا جول بەرٸلگەنٸ انىقتالدى.
سونىمەن قاتار كەزدەسۋدە مەملەكەت باسشىسىنا بٸلٸم بەرۋ سالاسىنداعى بيۋدجەتتٸك ٶتٸنٸمدەردٸ ەزٸرلەۋ تەتٸكتەرٸنٸڭ جەتٸلدٸرٸلمەگەنٸنە, قىزمەتكەرلەردٸ بٸر ورتالىقتان ەسەپكە الۋدىڭ بولماۋىنا جەنە قارجى جىمقىرۋعا ەكەپ سوقتىرعان بۋحگالتەرلٸك جٷيەلەردٸڭ قازىناشىلىقتاعى دەرەكتەر بازاسىمەن بٸرٸكتٸرٸلۋٸنە بايلانىستى تەۋەكەلدەر انىقتالعانى جٶنٸندە اقپارات بەرٸلدٸ.
پرەزيدەنت بۇل سالاداعى سىبايلاس جەمقورلىق فاكتٸلەرٸنٸڭ الدىن الۋ ماڭىزدى ەكەنٸن جەنە پروتسەستەردٸ تسيفرلاندىرۋ قاجەتتٸگٸن ەرەكشە اتاپ ٶتتٸ.
قاسىم-جومارت توقاەۆقا بيىلعى 6 ايدا 130 نىسانعا تالداۋ جەنە مونيتورينگ جٷرگٸزٸلگەنٸ, جەمقورلىقتى جويۋعا قاتىستى 1000-نان استام ۇسىنىس ەنگٸزٸلگەنٸ تۋرالى مەلٸمەت بەرٸلدٸ.
كەسٸپكەرلٸكتٸ دامىتۋعا كەدەرگٸ كەلتٸرەتٸن ەكٸمشٸلٸك توسقاۋىلداردى جويۋ ٷشٸن «بيزنەسكە جول» جوباسىن جٷزەگە اسىرۋ ٸسٸ جالعاسادى. بۇل باستاما قولعا الىنعان سەتتەن بەرٸ 21 مىڭ بيزنەس سۋبەكتٸسٸنە كٶمەك كٶرسەتٸلدٸ, 400-دەن استام تٷيتكٸلدٸ كەيس شەشٸمٸن تاپتى.
بۇدان بٶلەك, اسحات جۇماعالي قاسىم-جومارت توقاەۆقا سىبايلاس جەمقورلىققا قاتىستى بٸرقاتار زاڭ بۇزۋشىلىقتىڭ, سونىڭ ٸشٸندە وليگوپولييا ٶكٸلدەرٸ جاساعان زاڭسىز ەرەكەتتەردٸڭ جولىن كەسۋ, سونداي-اق كەلتٸرٸلگەن شىعىنداردى ٶتەۋ جەنە اكتيۆتەردٸ قايتارۋ شارالارى تۋرالى باياندادى.
جىل باسىنان بەرٸ ەلٸمٸزدە 1000-عا جۋىق سىبايلاس جەمقورلىققا قاتىستى قىلمىس تٸركەلدٸ, 700-دەن استام ادام ەشكەرەلەندٸ, ونىڭ 98-ٸ تٷرلٸ دەڭگەيدەگٸ باسشىلار.
سوتقا دەيٸنگٸ اياقتالعان تەرگەۋ امالدارىنىڭ نەتيجەسٸ بويىنشا 232,6 ميلليارد تەڭگە ٶتەلدٸ.
جالپى, 1,5 جىلدا بيۋدجەتكە جەنە كۆازيمەملەكەتتٸك سەكتور سۋبەكتٸلەرٸنە شامامەن 860 ميلليارد تەڭگە كٶلەمٸندە مٷلٸكتٸك اكتيۆتەر مەن اقشالاي قاراجات قايتارىلدى.
كەزدەسۋ سوڭىندا قاسىم-جومارت توقاەۆ سىبايلاس جەمقورلىققا قارسى جٷيەلٸ جۇمىستاردى جالعاستىرۋدى, ەسٸرەسە ەلەۋمەتتٸك ماڭىزى بار سالالارعا باسا مەن بەرۋدٸ تاپسىردى. سونداي-اق الدىن الۋ شارالارىنىڭ اسا ماڭىزدى ەكەنٸن ايتتى.
