Foto: Akorda.kz
Memleket basshysy Sybailas jemqorlyqqa qarsy is-qimyl agenttiginiń tóraǵasy Ashat Jumaǵalidy qabyldady, - dep habarlaidy "Ult aqparat" Aqordanyń resmi saityna silteme jasap.
Prezidentke elimizde sybailas jemqorlyqqa qarsy is-qimyl boiynsha qabyldanyp jatqan sharalar týraly Sybailas jemqorlyqqa qarsy qyzmettiń esebi berildi.
Memleket basshysyna vedomstvonyń jumysynda sybailas jemqorlyqtyń alǵysharttaryn joiýǵa basa nazar aýdarylǵany baiandaldy.
Ashat Jumaǵalidyń aitýynsha, sybailas jemqorlyq táýekelderine syrttan taldaý júrgizý kezinde jerdi bólý jáne Almatynyń qala qurylysyn damytý isin josparlaý barysynda jii qaitalanatyn zań buzýshylyqtarǵa jol berilgeni anyqtaldy.
Sonymen qatar kezdesýde Memleket basshysyna bilim berý salasyndaǵy biýdjettik ótinimderdi ázirleý tetikteriniń jetildirilmegenine, qyzmetkerlerdi bir ortalyqtan esepke alýdyń bolmaýyna jáne qarjy jymqyrýǵa ákep soqtyrǵan býhgalterlik júielerdiń qazynashylyqtaǵy derekter bazasymen biriktirilýine bailanysty táýekelder anyqtalǵany jóninde aqparat berildi.
Prezident bul saladaǵy sybailas jemqorlyq faktileriniń aldyn alý mańyzdy ekenin jáne protsesterdi tsifrlandyrý qajettigin erekshe atap ótti.
Qasym-Jomart Toqaevqa biylǵy 6 aida 130 nysanǵa taldaý jáne monitoring júrgizilgeni, jemqorlyqty joiýǵa qatysty 1000-nan astam usynys engizilgeni týraly málimet berildi.
Kásipkerlikti damytýǵa kedergi keltiretin ákimshilik tosqaýyldardy joiý úshin «Bizneske jol» jobasyn júzege asyrý isi jalǵasady. Bul bastama qolǵa alynǵan sátten beri 21 myń biznes sýbektisine kómek kórsetildi, 400-den astam túitkildi keis sheshimin tapty.
Budan bólek, Ashat Jumaǵali Qasym-Jomart Toqaevqa sybailas jemqorlyqqa qatysty birqatar zań buzýshylyqtyń, sonyń ishinde oligopoliia ókilderi jasaǵan zańsyz áreketterdiń jolyn kesý, sondai-aq keltirilgen shyǵyndardy óteý jáne aktivterdi qaitarý sharalary týraly baiandady.
Jyl basynan beri elimizde 1000-ǵa jýyq sybailas jemqorlyqqa qatysty qylmys tirkeldi, 700-den astam adam áshkerelendi, onyń 98-i túrli deńgeidegi basshylar.
Sotqa deiingi aiaqtalǵan tergeý amaldarynyń nátijesi boiynsha 232,6 milliard teńge óteldi.
Jalpy, 1,5 jylda biýdjetke jáne kvazimemlekettik sektor sýbektilerine shamamen 860 milliard teńge kóleminde múliktik aktivter men aqshalai qarajat qaitaryldy.
Kezdesý sońynda Qasym-Jomart Toqaev sybailas jemqorlyqqa qarsy júieli jumystardy jalǵastyrýdy, ásirese áleýmettik mańyzy bar salalarǵa basa mán berýdi tapsyrdy. Sondai-aq aldyn alý sharalarynyń asa mańyzdy ekenin aitty.
