مۋزىكالىق شىعارمالاردى ورىنداۋشىلار فونوگرامما قولداناتىنىن كٶرەرمەنگە حابارلاۋعا مٸندەتتٸ بولادى. بۇل تۋرالى مەجٸلٸستٸڭ جالپى وتىرىسىندا قر مەدەنيەت جەنە سپورت مينيسترٸ اقتوتى رايىمقۇلوۆا ايتتى, دەپ حابارلايدى قازاقپارات.
«قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەدەنيەت مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسى زاڭ جوباسىنىڭ ماقساتى قولدانىستاعى زاڭنامانى جەتٸلدٸرۋ جەنە مەدەنيەت سالاسىن دامىتۋ ٷشٸن قولايلى جاعدايلار جاساۋ بولىپ سانالادى. جوبا قامتىعان نەگٸزگٸ باعىتتار – كٸتاپحانا جەنە باسپا ٸسٸ, مەدەني-كٶپشٸلٸك ٸس-شارالاردى رەتتەۋ مەسەلەلەرٸ جەنە شىعارماشىلىق وداقتاردى قولداۋعا قاتىستى تٷزەتۋلەر بولىپ وتىر. جوبا «ۇلتتىق ارحيۆ قورى جەنە ارحيۆتەر تۋرالى», «مەدەنيەت تۋرالى» جەنە «مەملەكەتتٸك مٷلٸك تۋرالى» قازاقستان رەسپۋبليكاسىنىڭ زاڭدارىنا تٷزەتۋلەر ەنگٸزۋدٸ كٶزدەيدٸ جەنە تٷزەتۋلەردٸڭ نەگٸزگٸ بلوگى مەدەنيەت سالاسىنا قاتىستى», - دەدٸ زاڭ جوباسىن تانىستىرعان مينيستر.
وسى رەتتە ول 2007 جىلدان باستاپ قازاقستان رەسپۋبليكاسىنىڭ ۇلتتىق اكادەمييالىق كٸتاپحاناسى بازاسىندا قازاقستان ۇلتتىق ەلەكتروندىق كٸتاپحاناسىنىڭ جوباسى ٸسكە اسىرىرىلىپ كەلە جاتقانىنا توقتالدى.
«سونىمەن قاتار, بٷگٸندە ەلٸمٸزدٸڭ ەلەكتروندىق كٸتاپحاناسىن ٸرٸكتەۋ, قالىپتاستىرۋ, تولىقتىرۋ جەنە دامىتۋ تەرتٸبٸن ايقىندايتىن زاڭنامالىق بازا جوق. قازاقستان رەسپۋبليكاسىنىڭ مەدەني قۇندىلىقتارى مەن ۇلتتىق مەدەني يگٸلٸگٸن ەلەكتروندىق فورماتتا ساقتاۋ باعىتىندا ايتىلعان ولقىلىقتاردى جويۋ, سونداي-اق حالىقتىڭ زيياتكەرلٸك ەلەۋەتٸن ارتتىرۋ جەنە قازاقستاندىق عىلىم مەن مەدەنيەتتٸ تانىمال ەتۋ بويىنشا جاعدايلاردى ارتتىرۋ ماقساتىندا زاڭ جوباسىندا ەلەكتروندىق كٸتاپحانا مەسەلەلەرٸن رەتتەيتٸن نورمالار كٶزدەلٸپ وتىر», - دەدٸ اقتوتى رايىمقۇلوۆا.
سونىمەن قاتار, مينيستر كونتسەرت, ويىن-ساۋىق ٸس-شارالارىن ٶتكٸزۋ كەزٸندە تۋىندايتىن بٸرقاتار پروبلەمالار بار ەكەندٸگٸن جاسىرمادى. ورىنداۋشىلار تاراپىنان كونتسەرتتەر ٶتكٸزۋ كەزٸندە ەدەپسٸز مٸنەز-قۇلىق كٶرسەتۋ, ساحنادا ماس كٷيٸندە ٶنەر كٶرسەتۋ ٷردٸس ورىن العان, جوسپارلانعان كونتسەرتتەردٸ بۇزۋ, ەدەپسٸز سٶزدەرٸ بار رەپەرتۋار تاڭداۋ, كٶرەرمەندەردٸ حاباردار ەتپەي فونوگراممانى پايدالانۋ فاكتٸلەرٸ بولعانىن اشىق ايتتى.
«وسى ورايدا, زاڭ جوباسى اياسىندا ورىنداۋشىلاردىڭ وسىنداي مٸنەز-قۇلىق كٶرسەتۋٸنە جول بەرمەۋ ٷشٸن بٸرقاتار مٸندەتتەمەلەردٸ ەنگٸزۋ ارقىلى وسى مەسەلەلەردٸ رەتتەۋگە تىرىستىق. ولاردىڭ ٸشٸندە ماڭىزدى نورمالاردىڭ بٸرٸ - مۋزىكالىق شىعارمالاردى ورىنداۋشىلاردىڭ فونوگراممالاردى قولدانۋى تۋرالى كٶرەرمەندٸ حابارلاۋ. فونوگراممالاردى پايدالانۋ تەرتٸبٸن زاڭعا تەۋەلدٸ اكتٸدە ايقىندالاتىن بولادى. بارلىق جارنامالىق ٶنٸمدەردە جەنە كاسسالار جانىندا مٸندەتتٸ تٷردە فونوگراممانى پايدالانۋ بويىنشا حابارلاما بەرٸلەدٸ. بۇل كٶرەرمەنگە فونوگراممانى پايدالانۋمەن ٶتەتٸن كونتسەرتكە بيلەت ساتىپ الۋ نەمەسە ودان باس تارتۋ تاڭداۋىنا مٷمكٸندٸك بەرەدٸ جەنە بيلەتتٸڭ قۇنىنا دا ەسەر ەتەدٸ», - دەدٸ ول.
