تانىمال ەنشٸ ناzima (نازيما جەنٸبەكوۆا) الماتىداعى ەۋەجايعا شابۋىل جاسالعان ۇشاقتىڭ بٸرٸندە وتىرعانىن ايتتى, دەپ حابارلايدى Sputnik قازاقستان.
نازيمانىڭ كونتسەرتٸ 5 قاڭتارعا جوسپارلانعان بولاتىن. بٸراق قالادا تەرتٸپسٸزدٸكتەر باستالىپ كەتكەننەن كەيٸن مەدەني شارانى ٶتكٸزبەۋگە شەشٸم قابىلداندى. سول كەزدە ول مەسكەۋگە بيلەت ٸزدەۋگە كٸرٸستٸ.
"بيلەت تاپتىم دا, ەۋەجايعا 4 ساعات بۇرىن باردىم. ەۋەجايعا كەلسەم, ٸشكٸ رەيستەردٸ توقتاتىپتى. ال حالىقارالىق رەيستەرگە وتىرعىزۋ جٷرٸپ جاتقان. مەن گەيتكە جٷگٸرٸپ جەتتٸم. تەرەزەدەن قاراقشىلاردىڭ جاقىنداپ كەلە جاتقانى كٶرٸنٸپ تۇردى. سوڭعى جولاۋشى ۇشاققا كٸرگەننەن كەيٸن ەسٸكتٸ جاۋىپ تاستادى. ودان كەيٸن ۇشاق تراپتان بىلاي قاراي شىقتى. بٸراق ۇشقان جوق", - دەپ جازدى ناzima ٶزٸنٸڭ Instagram پاراقشاسىندا.
ۇشاق ەۋەگە كٶتەرٸلگەن جوق. پيلوت بٷلٸكشٸلەردٸڭ ديچسپەتچەرلٸك بٶلٸمدٸ باسىپ العانىن جارييالادى. ەۋەجايمەن بايلانىس ٷزٸلدٸ. ۇشۋعا مٷمكٸندٸك بولمادى.
"سوندا 15-اق مينۋت ٶتكەن. ارتىنان قاراقشىلار ديچسپەتچەرلٸك بٶلٸمنٸڭ بىت-شىتىن شىعارعانىن ەستٸدٸك. پيلوت ٸشتە ادامنىڭ وتىرعانى كٶرٸنبەسٸن دەپ, يلليۋميناتوردىڭ پەردەسٸن جابۋعا بۇيىردى. ينتەرنەت تە بولعان جوق. ەشكٸممەن بايلانىسا المادىق. اينالادا نە بولىپ جاتقانىن بٸلمەدٸك. ۇشاقتى جارىپ جٸبەرە مە دەپ قورىقتىق. سەبەبٸ استىندا كٶلٸكتەر جٷردٸ. بٸر نەرسە ٸزدەگەندەي بولدى", - دەيدٸ جەنٸبەكوۆا.
جولاۋىشىلار ۇشاقتا, شامامەن, 15 ساعات وتىردى. ەۋەجايدى بوساتقاننان كەيٸن بارلىق ادام قاۋٸپسٸز جەرگە كٶشٸرٸلدٸ. ال نازيما ەرتەڭٸندە شىمكەنت قالاسىنا كەتتٸ.
باس كەزٸندە ەنشٸ شىمكەنتكە تانىستارىمەن بٸرگە جەتٸپ الۋعا كەلٸسكەن. بٸراق ولار كەلمەي قالدى. سٶيتسە, قالانىڭ ٸشٸندە لاڭكەستەر وق جاۋدىرعان. ودان كەيٸن باسقا كٶلٸكتٸ شاقىرۋعا تۋرا كەلدٸ.
"ەۋەجايدا بولعان وقيعا ەسٸمنەن كەتپەيدٸ. گەيتتە تۇرعان ستيۋاردەسسا ماعان "جٷگٸر! ولار جاقىنداپ قالدى! بٸزدە ەۆاكۋاتسييا باستالدى, قازٸر ٷلگەرمەي قالاسىڭ!" دەپ ايقايلادى. داۋىسى مەن كٶزٸ ەلٸ ەسٸمدە. ول قاتتى قورقىپ تۇرعان. مەن بولسام, ۇشاققا قاراي جٷگٸرٸپ, ٸشٸمنەن "قۇدايىم-اۋ, بٸزگە ۇشىپ كەتۋگە مٷمكٸندٸك بەرشٸ" دەپ ويلادىم", - دەيدٸ نازيما.
