تٷركييا سىرتقى ٸستەر مينيسترلٸگٸ اقش-تىڭ انكاراداعى ەلشٸسٸ دەۆيد ساتتەرفيلدتى شاقىرتىپ, اقش پرەزيدەنتٸ دجو بايدەننٸڭ وسمان يمپەريياسىنداعى ارميان گەنوتسيدٸن مويىنداۋ تۋرالى شەشٸمٸنە پٸكٸر بٸلدٸردٸ, دەپ حابارلايدى ازاتتىق.
"تٷركييا انكاراداعى ەلشٸنٸ شاقىرتىپ, بايدەننٸڭ 1915 جىلعى وقيعاعا بەرگەن باعاسىن جوققا شىعاراتىنىن ايتتى" دەپ جازدى Bloomberg.
وسىعان دەيٸن تٷركييا سىرتقى ٸستەر مينيسترٸ مەۆليۋت چاۆۋشوگلۋ انكارانىڭ "پوپۋليزمگە عانا سٷيەنٸپ جاسالعان بۇل مەلٸمدەمەنٸ تولىقتاي جوققا شىعاراتىنىن" مەلٸمدەگەن.
"ٶز ٶتكەنٸمٸز تۋراسىندا ٶزگەلەردەن ٷيرەنەر ەشنەرسە جوق" دەپ جازدى تٷرٸك مينيسترٸ Twitter-دە.
ال وسى ارادا امەريكالىق ارمياندار كٶشەگە شىعىپ, وسمان يمپەريياسىنداعى ارميان گەنوتسيدٸن مويىنداعان دجو بايدەنگە قولداۋ بٸلدٸردٸ.
Associated Press اگەنتتٸگٸنٸڭ حابارلاۋىنشا, ادامدار بەۆەرلي-حيللزدەگٸ (كاليفورنييا) تٷركييا كونسۋلدىعى الدىنا دا جينالعان. كٶبٸ ارمەنييا تۋىن الا كەلگەن. شەرۋشٸلەر نەگٸزگٸ كٶشەدەگٸ قوزعالىستى بۇعاتتاپ, انكارادان گەنوتسيدتٸ مويىنداۋدى تالاپ ەتتٸ. تاعى بٸر توپ كاليفورنييا شتاتىنىڭ مونتەبەللو قالاسىندا جيىن ٶتكٸزدٸ.
Associated Press اگەنتتٸگٸنٸڭ جازۋىنشا, كاليفورنييا – امەريكالىق ارمياندار ەڭ كٶپ شوعىرلانعان شتات. اقش-تان ارميان گەنوتسيدٸن مويىنداۋدى تالاپ ەتٸپ كەلگەن دە وسى شتاتتىڭ قوعامدىق قايراتكەرلەرٸ ەدٸ.
سەنبٸ, 24 سەۋٸردە اقش پرەزيدەنتٸ دجو بايدەن وسمان يمپەريياسىنداعى ارميانداردىڭ جاپپاي ٶلتٸرٸلۋٸن جەنە دەپورتاتسيياسىن گەنوتسيد دەپ مويىندايتىنىن مەلٸمدەدٸ. بايدەنگە دەيٸنگٸ اقش پرەزيدەنتتەرٸ بۇل وقيعانى گەنوتسيد دەپ اتاماعان.
1915–16 جىلدارى وسمان يمپەريياسى اۋماعىندا بٸر جارىم ميلليونعا جۋىق ارميان مەرت بولعان. زەرتتەۋشٸلەردٸڭ ايتۋىنشا, ولاردىڭ كٶبٸ بيلٸكتٸڭ بۇيرىعىمەن ٶلتٸرگەن. انكارا بۇل تۇجىرىممەن كەلٸسپەيدٸ, ارميان حالقىن قاساقان ٶلتٸرۋ ساياساتى بولمادى دەيدٸ.
اقش-تىڭ بۇرىنعى پرەزيدەنتٸ باراك وباما بٸرٸنشٸ مەرزٸمٸنٸڭ الدىندا ارميان گەنوتسيدٸن مويىنداۋعا ۋەدە بەرگەن. بٸراق ۋەدەسٸندە تۇرا المادى. ەكٸنشٸ مەرزٸمٸ اياقتالعاندا بۇل تۋرالى ٶكٸنەتٸنٸن ايتتى. دجو بايدەن وباما بيلٸگٸ تۇسىندا ۆيتسە-پرەزيدەنت بولعان.
ارميان گەنوتسيدٸن مويىندايتىن ەلدەر سانى وتىزدان اسىپ وتىر. ولاردىڭ اراسىندا رەسەي دە بار. فرانتسييا مەن شۆەيتسارييا سەكٸلدٸ ەلدەردە ارميان گەنوتسيدٸن جوققا شىعارۋعا تىيىم سالاتىن زاڭدار قابىلدانعان.
