فوتو: ٷكٸمەت
ٷكٸمەت وتىرىسىندا تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ جاسلان مەديەۆ مال شارۋاشىلىعىن زاماناۋي تەحنولوگييالار ارقىلى جاڭعىرتۋدىڭ كەشەندٸ جوسپارىن تانىستىردى, دەپ حابارلايدى Ult.kz.
مينيستردٸڭ ايتۋىنشا, بۇل پروتسەستە جانۋارلار ەل-اۋقاتى – animal welfare ستاندارتتارىن ساقتاۋ باستى باسىمدىقتاردىڭ بٸرٸ بولماق.
Eurotier 2024 مەلٸمەتتەرٸ جانۋارلارعا جايلى جاعداي جاسالعان فەرمالاردا ٶلٸم-جٸتٸم ازايىپ, ٶنٸم ساپاسى مەن تابىس ارتادى دەگەن قورىتىندىنى دەلەلدەدٸ. وسىعان بايلانىستى, قازاقستاندا دا جەلدەتۋ, جىلى ەدەندەر, مۋزىكا ويناۋ, تاسىمالداۋ كەزٸندەگٸ سترەسستٸ ازايتۋ سەكٸلدٸ جايلىلىقتى ارتتىراتىن جٷيەلەر ەنگٸزٸلەدٸ. سونداي-اق, فەرمالاردىڭ قۇرىلىمى جانۋارلاردىڭ بيولوگييالىق مٸنەز-قۇلقىنا بەيٸمدەلەتٸن بولادى.
مال شارۋاشىلىعىن باسقارۋدىڭ تيٸمدٸلٸگٸن ارتتىرۋ ماقساتىندا مال مەن ۆەتەريناريياعا قاتىستى بارلىق دەرەكتٸ بٸرىڭعاي اقپاراتتىق جٷيەگە شوعىرلاندىرۋ ۇسىنىلىپ وتىر. بۇل – شارۋاشىلىقتاردان باستاپ, مينيسترلٸككە دەيٸن ٷزدٸكسٸز ەسەپ جٷرگٸزۋگە, جەدەل شەشٸم قابىلداۋعا جەنە كەشەندٸ تالداۋ جاساۋعا مٷمكٸندٸك بەرەدٸ.
بۇدان بٶلەك, سمارت-فەرمالار تۇجىرىمداماسى اياسىندا روبوتتاندىرىلعان جٷيەلەر كەڭٸنەن قولدانىلادى. اتاپ ايتقاندا, اۆتوماتتاندىرىلعان ساۋۋ, ازىقتاندىرۋ, كليماتتى باسقارۋ, بەينەباقىلاۋ مەن جانۋارلار دەنساۋلىعىن قاداعالايتىن داتچيكتەر ەنگٸزٸلەدٸ. بۇل قۇرىلعىلاردان الىنعان بارلىق مەلٸمەت بٸرىڭعاي ۆەتەرينارييالىق بازاعا تٷسٸپ, ەربٸر مالدىڭ تسيفرلىق پروفيلٸن جاساۋعا كٶمەكتەسەدٸ.
مال شارۋاشىلىعىنىڭ تسيفرلىق ترانسفورماتسيياسى جانۋارلارعا جايلى جاعداي جاساۋمەن قاتار, ٶندٸرٸس تيٸمدٸلٸگٸ مەن ٶنٸم ساپاسىن ارتتىرۋعا, ۆەتەرينارييالىق قاۋٸپسٸزدٸكتٸ كٷشەيتۋگە باعىتتالعان.
