قازٸر ورىن الىپ جاتقان سىن-تەگەۋٸرٸننٸڭ بارلىعى ەلەم تەرتٸبٸنٸڭ زاماناۋي جٷيەسٸنە قاۋٸپ تٶندٸرٸپ وتىر. بۇل تۋرالى استانا كلۋبىنىڭ 6-وتىرىسىندا بۇۇ باس حاتشىسىنىڭ بۇرىنعى ورىنباسارى انگەلا كەين ايتتى, دەپ حابارلايدى قازاقپارات تٸلشٸسٸ.
«گەوساياسي تۇراقتىلىق مەسەلەسٸ دە ٶتە ٶزەكتٸ. كليماتتىڭ ٶزگەرۋٸ عالامشارداعى بيلٸك بٶلٸنٸسٸنە ەسەر ەتە مە? ەلدە وسىعان بايلانىستى ەلەمنٸڭ جاڭا كەلبەتٸ پايدا بولا ما? قازٸرگٸ ۋاقىتتا ەلەمنٸڭ بٸر دە بٸر مەملەكەتٸ جالعىز جٷرٸپ, بۇل پروبلەمالاردى شەشە المايدى. بٷگٸندە اۋىز سۋمەن, ازىق-تٷلٸكپەن قامتاماسىز ەتۋ, دەنساۋلىق ساقتاۋ مەسەلەلەرٸ بەرٸمٸزگە ورتاق پروبلەماعا اينالعان. افريكا مەن وڭتٷستٸك امەريكا رەسۋرستارى ٷشٸن ەلەمدٸك دەڭگەيدەگٸ بەسەكەلەستٸك كٷشەيٸپ تۇر. ەلەمنٸڭ تٷكپٸر-تٷكپٸرٸندە ەرتٷرلٸ اپاتتار دا ورىن الىپ جاتىر. وسى سىن-تەگەۋٸرٸننٸڭ بارلىعى قازٸرگٸ ەلەم تەرتٸبٸنٸڭ زاماناۋي جٷيەسٸنە قاۋٸپ تٶندٸرٸپ وتىر», - دەدٸ انگەلا كەين.
وسى رەتتە ول بٷكٸل ەلەمگە قاتىستى 7 قاۋٸپ-قاتەردٸ اتاپ ٶتتٸ.
«بٸرٸنشٸسٸ - ٸرٸ دەرجاۆالاردىڭ اراسىنداعى مٷددەلەر قاقتىعىسى. قازٸرگٸ كەزدە بۇل فاكتوردىڭ ٶزەكتٸلٸگٸ ارتىپ كەلەدٸ. ەكٸنشٸسٸ – امەريكا پولياريزاتسيياسى جەنە ونىڭ ەلەمگە كٶرسەتەتٸن ىقپالى ٶتە ٷلكەن. قازٸر امەريكا جاھاندىق سۋپەريمپەرييا ەمەس. رەسەي مەن قىتاي سول بيلٸك ۆاكۋمىن تولتىرۋعا تىرىسىپ باعۋدا. ٷشٸنشٸدەن قىتايعا دا ساقتىقپەن قاراۋ كەرەك. ٶيتكەنٸ, قىتايدىڭ ٶز ٸشٸندە قىسىم بار. وعان ەرتٷرلٸ فاكتورلار ەسەر ەتەدٸ. قازٸر ازييا قىتاي بيلٸگٸنٸڭ ارتۋىنا بايلانىستى ٶزٸنٸڭ ەلەمدەگٸ رٶلٸن كٷشەيتە تٷسۋدە. تٶرتٸنشٸسٸ – رەسەي جەنە ونىڭ اقش مٷددەسٸمەن قاقتىعىسى. بۇل رەتتە رەسەيدٸڭ امەريكا ساياساتكەرلەرٸنە كٶڭٸلٸ تولمايدى. بەسٸنشٸسٸ – ەۋروپا ەلدەرٸنٸڭ ٸشكٸ پروبلەمالاردان زارداپ شەگۋٸ. قازٸرگٸ ۋاقىتتا پوپۋليزم, تەرروريزم قاۋپٸ, كٶشٸ-قون داعدارىسى بار. ەۋروپا ەندٸ عانا اۋعانستان پروبلەماسىنان قۇتىلدى. ەندٸ الداعى ۋاقىتتا مۇنداي سوعىستاردان اباي بولۋى كەرەك. التىنشىسى – يسلام راديكاليزمٸ جەنە ٶڭٸرلٸك تۇراقسىزدىق. بٸز ٶڭٸرلٸك قاقتىعىستاردى بايقاپ وتىرمىز. جەتٸنشٸسٸ - كوروناۆيرۋس پاندەميياسى. كوروناۆيرۋس بٷكٸل ەلەم ەلدەرٸنە سىناق. سوندىقتان ٶتە كٷردەلٸ, كەشەندٸ شەشٸمدەر قابىلداۋعا مەجبٷر بولدىق. ەسٸرەسە, ازاماتتارىمىزدىڭ قۇقىقتارى مەن بوستاندىقتارى شەكتەلدٸ. بٸراق, ونىڭ بەرٸ ۇجىمدىق قاۋٸپسٸزدٸك ٷشٸن جاسالىپ جاتىر», - دەدٸ شەتەلدٸك ساراپشى.
