ونلاين قىز «Montale» جۇپارىن ۇناتادى
/ حيكايات/
قۇس قانات ۇشاق اقبوز بۇلتتاردىڭ باۋىرىنان اجىراپ, ەۋەجايعا كەلٸپ قوندى. ەلگٸندە عانا سٸركٸرەپ ٶتكەن كٶكتەمگٸ جاۋىننىڭ سوڭعى تامشىلارى جەرگە جارىسا تامىپ تٷسٸپ جاتىر. اۋادان ساعىنىشتىڭ جۇپارى اڭقىپ سالا بەرگەندە, بالا كٶڭٸلٸم قۇلىنداي اسىر سالىپ, ٶرەكپٸدٸ. ىعى-جىعى كٶپ جولاۋشىنىڭ شىعار ەسٸككە لىقسىعان دٷرمەگٸنە ٸلەسٸپ, انام ەكەۋٸمٸز دە ٸلگەرٸ اياڭداپ كەلەمٸز. بەس-التىلارداعى بالدىرعان قىز قان-سٶلسٸز بوپ-بوز ەرنٸن يكەمگە كەلتٸرۋگە تىرىسا كٷلٸمدەپ, ماعان قايتا-قايتا شيدەي اپ-ارىق قولىن بۇلعايدى. كٸشٸرەك قولارباعا وتىرعىسى كەلمەي, جاياۋ جٷرگٸسٸ كەلٸپ, كەيدە شاماسى جەتكەنشە ارسالاڭداپ تا قويادى. بۇل قاعىلەز دە سٷيكٸمدٸ بٷلدٸرشٸنمەن بٸرنەشە ساعات بۇرىن لوندون ەۋەجايىندا ۇشاق كٷتٸپ وتىرعاندا تانىسقانبىز. باسىندا ول پلانشەتتەگٸ ويىننىڭ قىزىعىنا كٸرٸپ كەتكەن جاسى مەنٸمەن شامالاس بوزبالانى تٷرتكٸلەپ, قىڭقىلداپ وتىردى.
-ٸشٸم پىستى, مەنٸمەن ويناشى, -دەيدٸ وعان كٸشكەنتاي قىز.
-شامالىدان كەيٸن وينايىق, - دەيدٸ اعاسى ايپادتان كٶزٸن اۋدارماستان.
-نەگە قازٸر ەمەس?
-بوتاقان, سەنٸڭ ٸشٸڭ پىسسا, مەنٸڭ ٸشٸم اۋىرىپ وتىر!
-نەگە ٸشٸڭ اۋىرادى?
-سەبەبٸ, مانا سەنٸ جەپ قويعان ەدٸم! – دەپ, كەنەت قارىنداسىنا «تاپ بەرگەندە», قىز ساقىلداپ كٷلٸپ جٸبەردٸ.
ەكەۋٸنە قاراپ, ەزۋ تارتىپ وتىرعان مەنٸ بايقاپ قالعان بوزبالا جٸگٸت تەز بويىن جيىپ الا قويىپ, سالماقتى قالىپ تانىتا قالدى. ول ەندٸ مەنەن كٶزٸن الماستان, بٸردەمە دەپ قارىنداسىنىڭ قۇلاعىنا سىبىر ەتتٸ. كٸشكەنتاي قىز دا نازارىن ماعان اۋدارىپ, قۋلانا كٷلٸمسٸرەيدٸ. سەلدەن سوڭ ول مەنٸڭ قاسىما جايعاسىپ الىپ, ەركٸن ەڭگٸمە-دٷكەن قۇرىپ وتىردى:
-سەنٸڭ اتىڭ كٸم?
-جانەل.
-ال سەنٸڭ شە?
-مەنٸڭ اتىم – اياۋلىم. ال اعامنىڭ اتى – قۋانىش. ول ساعان ٶزٸن ەلەۋمەتتٸك جەلٸدەن تاۋىپ السىن دەدٸ. بىلاي ٸزدەيسٸڭ...
قۋانىش ەكٸ قولىن ايقاستىرعان كٷيٸ, ورىندىققا شالقالاي جاتىپ, مەنەن كٶزٸن الار ەمەس. مەن دە وعان قاراپ, ٶزٸنە مەيلٸنشە ەستٸرتە بىلاي دەدٸم:
-اياۋلىم, اعاڭا ايتشى, مەن ەلەۋمەتتٸك جەلٸگە مٷلدەم تٸركەلمەگەنمٸن!
-قالاي سوندا? – دەيدٸ سٷيكٸمدٸ بٷلدٸرشٸن اۋزى اڭقيىپ. – سەن تۇرماق, ول جەردە مەن دە بارمىن!
وسى كەزدە قۋانىش تا قاسىمىزعا كەلٸپ وتىردى.
-استاناعا ۇشاسىڭدار ما? – دەدٸ ول.
-يە, استاناعا.
-وندا قالادا جولىعىپ قالۋىمىزعا مٷمكٸندٸك بار ەكەن عوي!
-ەرينە, بار دەپ ويلايمىن.
وسى سەت «لوندون-استانا» رەيسٸنٸڭ رەتٸ جارييالانىپ, بٸز تۇرۋعا ىڭعايلانا باستادىق. قۋانىش پەن كٸشكەنتاي اياۋلىم قاسىمىزعا كەلگەن اناشىممەن جايماشۋاق امانداسىپ, ٶزدەرٸن انادايدا كٷتٸپ قالعان اتا-اناسىنا قاراي بەتتەدٸ.
استانا ەۋەجايىنان بٸزدٸ ەكەم توسىپ الدى. كٶپتەن كٶرٸسپەگەن سوڭ, قاتتى ساعىنىسىپ قالىپپىز. كٶلٸككە وتىرىپ, ۇزىن جولعا تٷسكەندە, ەكە-شەشەم جاڭادان ساتىپ العان ٷيگە جاسالعان كٷردەلٸ جٶندەۋدٸڭ «تاۋقىمەتٸن» سٶز ەتٸسٸپ, «قۇدايعا شٷكٸر, بۇل قورقىنىشتى تٷستٸڭ دە اياقتالار كٷنٸ بولادى ەكەن-اۋ, قۇداي ەندٸ باسقا سالماسىن!» - دەپ, كٷلٸسٸپ وتىردى.
ەكەشٸم:
-پاركينگ – دەل ٷيدٸڭ استىندا, وسى زىرلاعاننان زىرلاپ وتىرىپ, جەڭٸل كٶلٸكتەر مەكەنٸنەن بٸر-اق شىعۋىمىزعا بولادى. سوسىن جەدەلساتى ارقىلى تٶرتٸنشٸ قاباتقا كٶتەرٸلە سالامىز, - دەدٸ. بۇعان انام ەكەۋٸمٸز بٸردەن قارسىلىق تانىتتىق, بٸرٸنشٸ رەت ٷيٸمٸزگە ٷلكەن ەسٸكتەن كٸرگەنٸمٸز دۇرىس ەمەس پە.
انام: جانەلدٸڭ ەجەسٸ ايتپاقشى, وڭ اياقپەن, «بٸسمٸللە» دەپ كٸرگەن جٶن بولار.
ەكەم: سەن بٸر-ەكٸ اپتا بۇرىن عانا كەلٸپ كەتتٸڭ ەمەس پە, جاڭا ۇيامىزدىڭ ەسٸگٸن بٸرٸنشٸ رەت اشقالى تۇرعان جانەلجان عانا.
انام: ەۆروجٶندەۋدٸڭ كەيبٸر جەرلەرٸنە كٶڭٸلٸم تولمايدى-اۋ, تولمايدى, قوناق بٶلمەنٸڭ اسپالى شامدارىنا دا اقشا بەرمەدٸڭ.
ەكەم: باعاسى نە دەگەن قىمبات ول اسپالى شامداردىڭ, اتتىڭ باسىنداي التىننان جاسالعان با?!
ەرٸ قاراي بلا-بلا-بلا... شەت-شەگٸ جوق بولىپ كٶرٸنەتٸن اتا-انامنىڭ وسى تەكتەس ەكەۋارا ديالوگى سابىن كٶپٸرشٸكتەرٸ تەرٸزدٸ كەنەت جىلپ ەتٸپ پايدا بولىپ, پىرس-پىرس جارىنىپ, تەز جوق بوپ كەتٸپ جاتادى. مەن قۇلاققاپتى كيٸپ, بٸر ەدەمٸ ەنگە ەلٸتٸپ, سىرتقا كٶز جٸبەردٸم. جول بويىنداعى جاسىل جەلەك جاس تالدار ەۋ باستان ايالى الاقاننان كٷتٸم كٶرگەن, ەرقايسى مونتيعان تەپ-تەتتٸ بالاقانعا ۇقسايدى. جاڭا قىلتيعان جاپ-جاسىل بالعىن جاپىراقتارى قۇددى جارىق دٷنيەگە ايران-اسىر بولعان سانسىز ايالى كٶز تەرٸزدٸ جىپىلىق-جىپىلىق ەتٸپ قۋاناتىن سيياقتى. جامىراسىپ قول بۇلعاي, كەيٸن قالىپ بارادى. ەسٸلدٸڭ ٷستٸنە سۇلاپ تٷسكەن اسپالى كٶپٸر تىنىمسىز زۋلاعان كٶلٸكتەردٸڭ تابانى ارقاسىنا باتقانىن ەلەمەي, مىڭق ەتپەي جاتىر.
بٸز «قالالىق رومانس» تۇرعىن ٷيلەر كەشەنٸنە قاراي بۇرىلدىق تا, ەدەمٸ جاسىل باقتىڭ تەمٸر ٶرنەكتٸ قورشاۋىن بويلاي جٷرٸپ, اعىلشىن ستيلٸندەگٸ قىزىل تەلەفون ٷيشٸگٸنٸڭ قاسىنداعى كٶلٸك تۇراعىنا ات باسىن تٸرەدٸك. سىرتىندا «بٸرٸنشٸ داق», «ەكٸنشٸ داق» دەپ كەتە بەرەتٸن تٶسشە بەلگٸلەرٸ بار اعىلشىن ستيلٸندە سالىنعان التى قاباتتى بٸرنەشە ٷي شاحمات تاقتاسى جٷيەسٸمەن بٸر بٶلەك دارا شوعىر قۇراپتى. بٸز سونىڭ «بەسٸنشٸ داعىنا» قاراي بەتتەدٸك. گٷل مەن ساف اۋانىڭ يٸسٸ مۇرىن جارادى. اياعىڭنىڭ استىنا تٶسەلگەن جۇپ-جۇمىر تاس كٸلەمنەن بٸر دە بٸر كەرتٸك تابا المايسىڭ. سىرتقى ەسٸكتەردٸڭ اۋزىندا گٷل وتىرعىزىلعان بيٸك تاس قۇمىرالار قاز-قاتار تٸزٸلٸپتٸ. بٸرەن-ساران بولماسا, كٶزگە كٸسٸ از شالىنادى. سۋ جاڭا ەتكەنشەكتەر الاڭىندا ويناپ جٷرگەن بالالار مٷلدەم كٶرٸنبەدٸ.
بويى بەكەنەدەي, بۇتى شيدەي جاس ٶرٸك اعاشتارىنىڭ يٸسٸ ەتٸردەي بۇرقىراپ, قىزارا الابۇرتادى. كٶز اۋدارماي قاراپ ٶتٸپ بارا جاتىپ:
-اعاشقا شانشىلعان القىزىل بالمۇزداق تەرٸزدٸ ەكەن! – دەپ جىميعانىمدا, اناشىم:
- مەنٸڭ قىزىم بەينەلٸ ويلايدى, بەينەلٸ سٶيلەيدٸ, تٷبٸ ٶزٸنەن جازۋشى شىعادى, - دەپ ماسايرادى.
«بەسٸنشٸ داق» سونادايداعى جاس شىرشالار مولىنان وتىرعىزىلىپ جاتقان ٷلكەن باققا تاياۋ, شەتكەرەكتە ورنالاسىپتى. تالعاممەن بەزەندٸرٸلٸپ, جابدىقتالعان شاعىن, ۇياداي جيناقى كٸرەبەرٸستە كونسەرج وتىر. كٶزٸلدٸرٸك
استىنان سٷزٸلە قاراعان ورتا جاستاعى ەيەلدٸڭ كەنەت جٷزٸ جىلىپ, باسىن يزەدٸ.
بٸز ول كٸسٸگە:
-سەلەمەتسٸز بە! –دەپ جامىراي, بٸرٸنشٸ بولىپ امانداستىق.
كونسەرج دە كٷلٸمسٸرەپ:
-قوش كەلدٸڭٸزدەر! – دەگەندە, جىلتىراق رەڭ بەرەتٸن قاراقوشقىل ەرٸن بوياۋى ەپپاق تٸستەرٸن ودان سايىن جارقىراتىپ جٸبەرگەندەي بولدى. بٸز وڭ قاپتالداعى شاعىن دەلٸزگە ٶتٸپ, جەدەلساتىنىڭ تٷيمەسٸن باستىق.
-تٶرتٸنشٸ قابات! – دەدٸ ەكەم سۇق ساۋساعىن شوشايتىپ, تٶبەگە قاراپ.
«بٸلەمٸز عوي!»
بٸز ٷنسٸز جىميىپ تۇردىق.
جەڭٸل قوزعالىپ كەپ, ەسٸگٸ جايلاپ ايقارا اشىلعان جەدەلساتىنىڭ ٸشٸندە تٶمەننەن, پاركينگتەن بولار, كٶتەرٸلٸپ كەلە جاتقان ەكٸ كٸشٸرەك بالاسىن ەرتكەن ەپ-ەدەمٸ جاس كەلٸنشەك كٶرٸندٸ. بٸزبەن ەمەن-جارقىن امانداسىپ, جىميعان كٷيٸ ٷنسٸز قالدى. التى-جەتٸ جاستاعى سٷيكٸمدٸ بالدىرعان قىز ماعان قاراعىشتاپ, ۇيالىپ قويادى. ٷشتەر شاماسىنداعى بالاقايدىڭ قاپەرٸندە ەشتەمە جوق, شەشەسٸنٸڭ ەتەگٸنە وراتىلىپ, تىپ-تىنىش تۇر. ەر قاباتتا ەكٸ پەتەر بولسا, بۇلار بٸزگە قاراما-قارسى ەسٸكتە تۇراتىن كٶرشٸمٸز بولىپ شىقتى. ەسٸكتٸ اشىپ جاتىپ, بٸر قاراعاندا, كٸشكەنتاي قىز كٶزٸ ويناقشي كٷلٸم قاعىپ تۇر ەكەن. مەن دە وعان يەك قاعىپ, كٶزٸمدٸ قىستىم. قىز بولسا, قولىن كٶتەرٸپ, كٸشكەنتاي الاقانىن تەز اشىپ-جۇمدى دا, ەسٸك اشىلعان كەزدە, زىپ بەرٸپ ٸشكە كٸرٸپ كەتتٸ.
جاڭا پەتەردٸ ساتىپ الۋ, رەسٸمدەۋ, كەرەكتٸ مامانداردى تابۋ, ەۋروجٶندەۋ سيياقتى قىرۋار جۇمىستارى التى اي بويى اتا-انامدى كٷندٸز كٷلكٸدەن, تٷندە ۇيقىدان ايىرعانى انىق. انام تەلەفونمەن جيٸ سٶيلەسەدٸ, سەل بولسا, ايپادتى قولىنا الىپ, ينتەرنەتتٸ اقتارادى. وعان «توعجان سەۋلەتشٸ» دەگەننەن حابارلامالار, جوبا-سىزبالاردىڭ سۋرەتتەرٸ, ينتەرەر ٷلگٸلەرٸ تىنىمسىز, بٸر ٷزٸلمەي كەلە بەرەدٸ.
-ٶزٸنٸڭ دەگەنٸ بولماسا, كٸسٸنٸڭ ايتقانىنا كٶنبەيتٸن نە دەگەن ادام, - دەپ, بٸردە ەكەمە كٶڭٸلٸ تولماي, جاعىن تايانىپ الىپ, مۇڭايىپ وتىرسا, ەندٸ بٸردە
ەكەۋٸ بٸر كەلٸسٸمگە كەلٸپ, قايتادان جايماشۋاق سٶيلەسٸپ جاتادى.
بٷگٸن, مٸنە, بٸرٸنشٸ رەت تابالدىرىقتان اتتاپ تۇرىپ:
- مىنا جەردٸڭ كەڭدٸگٸ سونشا, ٸشٸندە فۋتبول ويناۋعا بولادى ەكەن عوي! – دەپ, اۋزىم اشىلىپ, ايران-اسىر بولدىم.
- سەن ەلٸ ٶزٸڭنٸڭ بٶلمەڭدٸ كٶرگەن جوقسىڭ, جانەل! ٶزٸڭنٸڭ بٶلمەڭدٸ كٶرسەڭ عوي! – دەپ, ەكەۋٸ جارىسا, جامىراي بەتٸمە قاراعاندا, جٷزدەرٸندە تولقىنىس, سونىمەن بٸرگە, پەرزەنتكە دەگەن ۇلان-عايىر ماحاببات تا بار ەدٸ.
مەن ٶمٸرٸمنٸڭ ەكٸ جىلىن لوندوندا ٶتكٸزدٸم. كٶپ كەشٸكپەي, ون بەسٸنشٸ كٶكتەمٸممەن سارىارقا تٶسٸندە قاۋىشاتىنىمدى ويلاپ كەتسەم, ارقاما قانات بٸتكەندەي بولاتىن. ول «قانات» پەرٸشتەنٸكٸ سيياقتى ٷلپٸلدەگەن جەپ-جەڭٸل, ەرتەگٸدەگٸدەي عايىپ قانات ەمەس, قىراندٸكٸندەي قاتقىل, قارا قوشقىل, نەن قاۋىرسىندى, كەسەك بولىپ ەلەستەيدٸ. كٶز الدىما بالدىرعان كەزٸمنەن جادىمدا جاقسى ساقتالىپ قالعان يەن جازىق دالا كەلەدٸ. شەكسٸز كٶك اسپان كيٸز ٷيدەي دٶڭگەلەنٸپ تٶبەمنەن تٶنەدٸ. كەڭ دالا تٶسٸندە بۇلا اساۋدىڭ تۇياق دٷبٸرٸ ەستٸلگەندەي كٷي كەشسەم, جٷرەگٸم دە كەنەت سوعان قوسىلا, تارسىلداي سوعىپ كەتكەندەي بولادى.
انام تۇماندى البيوندى سٷيەدٸ. سەبەبٸن سۇراساڭ, «جاۋىن - مەنٸڭ ستيحييام», - دەپ كٷلەر ەدٸ. ول ٶزٸنٸڭ «Westfield» ساۋدا ٷيٸندە جاسايتىن شوپينگتارىن, قولشاتىرلار كوللەكتسيياسىن قيمايدى. «نەسٸ بار, قۇربىلارىم ٷشٸن تاپتىرماس سىيلىق», - دەپ ٶزٸن-ٶزٸ جۇباتىپ, كٷلەتٸنٸ بار. سوڭعى كەزدە اياعى اۋىرلاپ, بەيمازا كٷي كەشٸپ جٷرگەن اناشىم ماعان بۇرىنعىداي «كينوعا بارايىق, سەرۋەندەپ قايتايىق» دەپ, كٷندە قولقا سالۋىن ازايتقان. كٶپ ەشكٸممەن ارالاسىپ, قىدىرۋعا دەگەن ەۋەستٸك و باستان تابيعاتىمدا بولماعان سوڭ با, مەكتەپتەن كەلٸسٸمەن, كٶبٸنەسە, ۇزاقتى كٷنگە ەشقانداي جوسپار قۇرمايمىن. تٶسەككە جاتىپ الىپ, كٸتاپ وقىعان ماعان ەلدەقايدا كٶبٸرەك ۇنايدى. قىزىق كٸتاپتى قولعا السام, تاۋىسقانشا بٸر ورنىمنان قوزعالماۋعا بارمىن.
مەنٸڭ ەكەتايىمنىڭ ٸسكەرلٸك قابٸلەتٸن, كٷندٸز-تٷنٸ بٸر تىنىم تاپپايتىن ەڭبەكقورلىعىن جۇرتتىڭ بەرٸ بٸلەدٸ. الايدا, كەسٸبٸ بٸر جٷيەگە تٷستٸ-اۋ دەگەن كەزدە ول جەردەن بار اقشاسىن الىپ الىپ, تۋعان ەلدٸڭ نارىعىنا سالام دەگەن شەشٸمٸ ويلاماعان جەردەن بولعانى سونشا, انام بٸر سەت تٸل-اۋىزدان ايرىلىپ قالعان. سٶيتسە دە, ەرٸنە قارسى كەلمەيتٸن ەدەتٸمەن لەم دەمەدٸ.
- بالالاردىڭ اتا-بابا رۋحىمەن تىنىستاپ, ەلدە ٶسكەنٸ دۇرىس, - دەيدٸ ەكەم. – ەل ٸشٸندە وتىرىپ, ەلگە قىزمەت ەتكەنگە نە جەتسٸن!
«ەل» دەگەن سٶزدٸ ول قاشان دا ايرىقشا سٷيٸسپەنشٸلٸكپەن ايتادى.
بالاسىنىڭ سەرۋەندەۋگە شىققىسى كەلمەي, دوس-جارانىمەن حابارلاسۋدى قويىپ, كٷنٸ بويى كٸتاپتى قۇشاقتاپ وتىرا بەرگەنٸ قاي اتا-اناعا جاقسىن.
- استاناعا كەلگەن بويدا ٷيٸرمەلەرگە جازىلايىق, «استانا وپەراعا» اپتا سايىن بارىپ تۇرايىق, - دەيدٸ انام. مەنٸ سەرگٸتٸپ, سەرپٸلتكٸسٸ كەلەدٸ. سٶيتٸپ, اۋىز جيىپ ٷلگەرمەي, كەنەت ەلدەنە ەسٸنە تٷسكەندەي ينتەرنەتكە كٸرەدٸ. ەلەۋمەتتٸك جەلٸنٸ اقتارىپ, مەكتەپ, ٷيٸرمە, بولىپ جاتقان ٸس-شارالاردى قاراپ شىعىپ, استاناداعى قۇربىسىنا حات جازىپ, ەر نەرسە جٶنٸندە اقىلداسا باستايدى.
- مەن استاناعا كەلگەن سوڭ, قازاق مەكتەبٸندە وقيمىن, - دەيمٸن مەن. – بۇل مەنٸڭ بۇلتارتپايتىن بٸرٸنشٸ شارتىم.
- ەكٸنشٸ شارتىڭ قانداي? – دەپ بالا كٶڭٸلدٸ, اقجٷرەك اناشىم بار زەيٸنٸمەن
اڭتارىلا قالادى.
- مەنٸ استاناداعى «Haileybury» بريتان مەكتەبٸنە ورنالاستىرۋعا تىرىسپاڭىزدار.
- سونىمەن, قازاق مەكتەبٸ عوي?
- ەلبەتتە, قازاق مەكتەبٸ!
اناشىم ماعان ٸشكٸ ابىرجۋىن بٸلدٸرتكٸسٸ كەلمەي, ٷنسٸز قالادى.
استانادا تازا اعىلشىن تٸلٸندە وقىتاتىن ەۋروپالىق مەكتەپتەر بارشىلىق. سولاردىڭ بٸرٸندە وقىپ جٷرگەن ەكەمنٸڭ تانىسىنىڭ كٸشكەنتاي بالاسى:
- ەكەتاي, وسى مەن ۇلمىن با, قىزبىن با?- دەپ سۇراپتى تومپيىپ.
- ەرينە, ۇلسىڭ, ونى نەگە سۇرادىڭ?
- مۇعالٸم ايتادى عوي, ۇلسىڭ با, قىزسىڭ با – ونى كەيٸن ٶزدەرٸڭ تاڭداۋ جاساپ, شەشەسٸڭدەر دەپ.
- بالام-اۋ, سەن دٷنيەگە كەلگەندە شاڭىراققا يە بولىپ قالاتىن ۇل تۋدى دەپ نە ٷشٸن قۋاندىم? نە ٷشٸن دٷيٸم ەلدٸ شاقىرىپ, ات شاپتىرىپ سٷندەت تويىڭدى جاسادىم? سەن – ۇلسىڭ, اتا جولىن جالعاستىراتىن مۇراگەرسٸڭ! – دەپ تومىرىلىپتى قايران ەكە.
- سۇمدىق-اي! – دەپ ىزا بولادى ەكەشٸم دە جانى كٷيزەلٸپ. – سوندا بٸز نە ٷشٸن بالالارىمىزدى قىرۋار اقشا تٶلەپ شەتەلدٸك قىمبات مەكتەپتەردە وقىتۋىمىز كەرەك? كەيٸن جىنىسى بەلگٸسٸز, دٷبەرا بٸرەۋ بولىپ قالىپتاسۋى ٷشٸن بە? اپىرماۋ, كٷندٸز-تٷنٸ تىنىم تاپپاي, ماڭداي تەرٸمٸزدٸ تٶگٸپ تۇرىپ تاپقان اقشامىزدى قايدا شاشىپ جاتىرمىز وسى بٸز? جوق! بارلىق پەندەردەن جەكە وقىتۋشى جالداسام دا, ونداي جەرگە بالا وقىتپاسپىن.
بٸردە تٶرت كٶزٸمٸز تٷگەل جينالعان وتباسىلىق كەشكٸ اس ٷستٸندە ايتىلعان وسى ەڭگٸمەنٸ انام ۇمىتپاعان بولار.
-قانداي مەكتەپكە باراتىنىڭدى ەكەڭ شەشەدٸ, - دەيدٸ انام. وسىمەن بۇل ەڭگٸمە تەمام بولدى.
كەشكە قاراي تازا اۋامەن تىنىستايىن دەپ ەسٸك الدىنا شىققانىمدا, بالالاردىڭ وينايتىن الاڭىندا بٸراز بالاقايلاردىڭ اسىر سالىپ جٷرگەندەرٸن كٶرٸپ, قىزىقتاي باقىلاپ, سەكٸگە ەندٸ وتىرعان ەدٸم. جەدەلساتى ٸشٸندە كٶرگەن كٸشكەنتاي قىز قاسىما جٷگٸرٸپ كەلدٸ دە, كٸلت توقتاپ, ەرٸ قاراي ٶزٸن قالاي ۇستارىن بٸلمەي, تٶمەن قاراپ مونتييا قالدى.
- سەلەم! – دەدٸم مەن.
- سەلەم! – دەدٸ ول دا باسىن كٶتەرٸپ, ۇيالا كٷلٸمسٸرەپ.
- مەنٸڭ اتىم –جانەل.
- مەنٸڭ اتىم – ماليكا, - دەگەندە, جالت قاراپ, ۇيالشاقتىعىن سٶيلەسۋگە دەگەن قىزىعۋشىلىعى تەز جەڭٸپ كەتتٸ. – اناۋ كٶزٸلدٸرٸكتٸ, جوعارىدا سەكٸرٸپ جٷرگەن مەنٸڭ ٸنٸم – ەبٸلمانسۇر, ول – بەستە, مەنەن ەكٸ جاس كٸشٸ.
- ول ٶتكەندە بٸز جەدەلساتى ٸشٸندە كەزدەسكەندە بولعان جوق قوي?
- يە, ول بالاباقشادا بولدى. ال اناۋ بالا باعۋشىمىزدىڭ قاسىندا جىلاپ تۇرعان ەڭ كٸشٸ ٸنٸم – ەمٸرتەمٸر, ول ٷشتەن استى, بٸراق سٶيلەمەيدٸ.
- قالاي سٶيلەمەيدٸ?
- ەلٸ تٸلٸ شىققان جوق, بٸراق بەرٸن تٷسٸنەدٸ, ٶزٸ سونداي اقىلدى. ازداپ جىلاۋىقتىعى بولماسا.
- باۋىرلارىڭنىڭ ەسٸمدەرٸ ەدەمٸ ەكەن!
- يە, سولاي.
- ەبٸلمانسۇر دەگەن – ٷش جٷزدٸڭ باسىن بٸرٸكتٸرگەن ايبىندى حانىمىز ابىلايدىڭ ازان شاقىرىپ قويعان اتى.
ماليكا سۇراۋلى جٷزبەن بەتٸمە قاراعاندا, تاڭدانىسىن جاسىرا الماي تۇرعانى بايقالدى.
- ەرينە, سەندەر ەلٸ كٸشكەنتايسىڭدار, ەلٸ بٸلمەۋلەرٸڭ مٷمكٸن. دەمالىس
كٷندەرٸ بەرٸمٸز بٸرگە ەبٸلمانسۇر تۋرالى كينونى - «كٶشپەندٸلەر» فيلمٸن
كٶرسەك قايتەدٸ?
- كەرەمەت! – دەدٸ ماليكا جٷزٸ بال-بۇل جانىپ.
- كەلٸستٸك!
سٶيتتٸ دە:
- مانسۇر!- دەپ ايقاي سالعاندا, بەس جاسار ۇل قاسىمىزعا جٷگٸرٸپ كەلدٸ. – جانەل بٸزدٸ دەمالىس كٷنٸ بٸرگە كينو كٶرۋگە شاقىردى.
-ەگەر ول كٷنٸ قولىم بوس بولسا, كەلەيٸن, - دەدٸ مانسۇر.- ەدەتتە, دەمالىس كٷندەرٸن وتباسىمىزبەن بٸرگە ٶتكٸزەمٸز. سەبەبٸ, جۇمىس كٷندەرٸ بٸر-بٸرٸمٸزدٸ دۇرىس كٶرمەيمٸز عوي: مەن – بالاباقشادا, ماليكا – ساباقتا, ەكەم – جۇمىستا, ال انام ٷي تٸرلٸگٸ مەن بٸزدٸڭ قامىمىزدى جاساۋدان قولى بوسامايدى.
-سەنٸ بٸلمەيمٸن, مانسۇر, ال مەن انامنان سۇرانامىن دا, كەلەمٸن!
مانسۇر جان-جانۋارلار مەن قىبىرلاعان قۇرت-قۇمىرسقالاردىڭ تۇرمىس-تٸرشٸلٸگٸ تۋرالى سٶيلەپ كەتسە, اۋىز جاپپايدى ەكەن. ەنتسيكلوپەدييالىق بٸلٸمٸ بار, زەرەك بالاقاي – مانسۇر! مٸنە, قولىن سەرمەپ قويىپ, ىنتى-شىنتىسىمەن سٶيلەپ تۇر. سٶز اراسىنا سٶز قىستىرا المايسىڭ. «تانىمدىق ەڭگٸمەنٸڭ تٶرەسٸ وسى ەكەن-اۋ! مىنا دانىشپان بالانىڭ تەتتٸسٸن-اي! اپىر-اي, ە!», - دەپ تامسانىپ, باسىمىزدى يزەپ قانا وتىرۋدان باسقا امالىمىز بولمادى. اراسىندا ماليكا ونى تٷزەپ قويادى. مانسۇر «كەدەرگٸ جاساما» دەگەن كٸسٸنٸڭ كەيپٸمەن ونى تىيىپ تاستاپ, سٶزٸن جالعاستىرادى. مەن ونىڭ اقىلدىلىعىنا تەنتٸ بولىپ:
- ٶسكەندە كٸم بولاسىڭ, مانسۇر? – دەپ سۇرايمىن.
- زووباقتىڭ باستىعى, - دەيدٸ ول ماڭعازدانا.
ماليكا دا, مانسۇر دا ٶتە قاعىلەز بالاقايلار ەكەنٸ كٶرٸنٸپ تۇر. ەكەۋٸ دە تٷستەن كەيٸنگٸ ۋاقىتتا مەنتالدى اريفمەتيكا مەكتەبٸنە بارادى ەكەن. بال بيٸمەن اينالىسقاندارىنا ەكٸ جىل بولىپتى.
-مانسۇردىڭ جۇبى بار, ال مەنٸڭ جۇبىم جوق, - دەيدٸ ماليكا. - بال بيٸندە جۇبىڭنىڭ بولعانى ماڭىزدى.
- ماعان قالاي بيلەيتٸنٸڭدٸ كٶرسەتەسٸڭ عوي, ماليكا?
- بٸلمەيمٸن, مەن كٶبٸنەسە ۇيالامىن. مىسالى, ماعان سىنىبىمدا بٸرگە وقيتىن تەمٸرلان دەگەن بالا ۇنايدى, بٸراق وعان بٸردەڭە دەيٸن دەسەم, قاتتى ۇيالىپ كەتەمٸن. نەگە بۇلاي, تٷسٸنەتٸن ەمەسپٸن, - دەپ ەكٸ قولىن ەكٸ جاققا جايىپ, ويناقى تٷردە بار سىرىن اقتارىپ سالعان ماليكانىڭ مىنا قىلىعى شەك-سٸلەمدٸ قاتىردى.
- ماليكا, سەن مٷمكٸن, تەمٸرلانعا «بال بيٸن جۇپتاسىپ بيلەيٸك, بي مەكتەبٸنە كەل» دەپ شاقىرارسىڭ?
- مٷمكٸن مەنٸڭ انام ونىڭ اناسىمەن سٶيلەسٸپ كٶرەتٸن شىعار. بٸراق, جانەل, مەن وعان بۇلاي دەپ ايتا المايمىن, نەگە ەكەنٸن سەن بٸلەسٸڭ! – دەپ قولىن سەرمەگەندە, ەكەۋٸمٸزدٸڭ شەگٸمٸز تٷيٸلدٸ.
مەكتەپتەن شىعىپ, انام مەنٸ كٶلٸگٸمەن الىپ كەتٸپ جٷرگەن جەرگە كەلدٸم. بۇل ٷلكەن ەمەن اعاشىنىڭ تٷبٸ. تارامىس-تارامىس جۋان تامىرلارى جەردٸڭ بەتٸنە شىعىپ, كٶرٸنٸپ جاتىر. دٸڭٸنە قول تيگٸزٸپ, اقىرىن سيپالاساڭ, الاقانىڭا كەدٸر-بۇدىرى باتىپ, تىرناپ, ول دا ٶزٸنشە جاۋاپ قاتادى. مۇرنىڭدى تاقاپ, يٸسكەسەڭ, جاپىراقتىڭ جۇپارى بٸلٸنەدٸ.
تەلەفونىما سىڭعىر ەتٸپ حابارلاما كەلدٸ.
انام: قىزىم, مەن دەرٸگەردٸڭ قابىلداۋىنان بوساي الماي جاتىرمىن, «سارىارقاعا» كەلە بەرسەڭ قايتەدٸ?
مەن: جاقسى.
انام: مەن بٸراز ۋاقىتتا سول جەرگە كەلەمٸن.
مەن: كەلٸستٸك.
انام: مەن سەنٸ جاقسى كٶرەمٸن.
مەن: مەن دە سەنٸ, اناشىم.
انام: سٷيدٸم.
مەن: سٷيدٸم!
سٶمكەمدٸ ارقاما اسىپ, اۆتوبۋس ايالداماسىنا قاراي جٷردٸم. مەكتەپ قالا شەتٸندە سالىنىپ جاتقان جاڭا قۇرىلىس جاقتا ورنالاسقاندىقتان, بۇل جەردەن تەك 21-شٸ اۆتوبۋس قانا جٷرەدٸ. ەرٸ ونىڭ ٶزٸن كٶپ توساسىڭ.
باعدارشامنان ٶتٸپ كەلە جاتىپ, بٸر كٶز تاستاعاندا, اۆتوبۋستىڭ ايالدامادا تۇرعانىن كٶردٸم دە, ٶكپەمدٸ قولىما الىپ, تۇرا جٷگٸردٸم. مەن جەتكەنشە ەسٸگٸ تارس جابىلىپ, اۆتوبۋس ورنىنان قوزعالىپ تا كەتتٸ. قالاي قاتتى جٷگٸرسەم دە, ٷلگەرمەگەنٸمە ٶكٸنٸپ, شاراسىز كٷيدە اۆتوبۋستىڭ سوڭىنان قاراپ, اڭتارىلىپ تۇرىپ قالعانىم سول ەدٸ, قاسىما جەڭٸل كٶلٸك كەلٸپ, توقتاي قالدى.
-جانەل!
مەن دە ٶتكەندە ەۋەجايدا تانىسقان قۋانىشتى بٸردەن شىرامىتتىم.
-كەزدەسەمٸز دەپ ايتپاپ پا ەدٸم, - دەيدٸ ول اشىق-جارقىن امانداسىپ جاتىپ. –قايدا باراسىڭ?
-«سارىارقاعا».
- جولىمىز بٸر ەكەن, وتىر!
مەن كٶلٸككە وتىرۋىن وتىرسام دا, باسقا ەشتەمە دەمەي, يىعىمدى قيقاڭ ەتكٸزدٸم. شىنىمدى ايتسام, بٸردەمە دەۋگە تٸلٸم يكەمگە كەلمەي قالعان سيياقتى. ٶتكەندە كٶرگەندەي ەمەس, تٷرٸ تىم تارتىمدى كٶرٸندٸ. ٶز-ٶزٸنە سەنٸمدٸ, نىق قالپى. Q-رور ستيلٸندەگٸ كيٸم ٷلگٸسٸ ٶزٸنە ەسكەرە جاراسىپ وتىر. ٸلە-شالا مەن ەندٸ ويشا ٶز-ٶزٸمە سىن كٶزبەن قاراي باستادىم. قىسقا قيىلعان شاش ٷلگٸسٸ موينىمدى قىلقيتىپ, سۇر تٷستٸ مەكتەپ فورماسى ٷستٸمدە ەبەدەيسٸز كٶرٸنٸپ تۇرعانىنا سەنٸمدٸمٸن. ونىڭ كٶزٸنە جاي وقۋشى قىزدىڭ بٸرٸ بولىپ كٶرٸنٸپ وتىرعانىما كٷمەنٸم جوق. ال ول شە? سىڭار ەزۋلەپ تەسٸلە قاراۋ مەن ەدەمٸ جىمييۋ عىلىمدارىنىڭ دوكتورى. Q-رور ستيلٸنٸڭ پروفەسسورى. سوندىقتان, بٸراز تەكاپپارلانا, كەربەز كەيٸپ تانىتايىنشى, بەرٸبٸر ەشتەمە جوعالتا قويماسپىن دەپ تاس تٷيٸن بەكٸندٸم. ٶزٸ سيياقتى وعان دا جوعارىدان بٸر-ەكٸ رەت كٶز اۋدارىپ قويىپ, قولىمدى ايقاستىرىپ وتىردىم.
كٶلٸك باعدارشامعا توقتاعاندا, ول ۇيالى تەلەفونىن الىپ, بٸر-ەكٸ رەت تەز-تەز شۇقىلاپ الىپ:
- قاپ, مەندە بٸرلٸك بٸتٸپتٸ, جانەل, تەلەفونىڭنان قوڭىراۋ شالىپ السام بولا ما? – دەپ سۇرادى. مەن سٶمكەمنٸڭ جان قالتاسىنان تەلەفوندى الىپ بەردٸم.
- كٶتەرمەيدٸ. راحمەت, - دەدٸ ول قوڭىراۋ سوعىپ بولعان سوڭ, سمارتفوندى قايتارىپ بەرٸپ جاتىپ.
- وقاسى جوق.
«سارىارقاعا» جەتكەن سوڭ, ريزاشىلىعىمدى بٸلدٸرٸپ, كٶلٸكتەن تٷسۋگە ىڭعايلانعاندا, ول كەنەت:
- مٷمكٸن, تەلەفون نٶمٸرٸڭدٸ بەرٸپ كەتەرسٸڭ?- دەپ قيىلا قالدى.
- مەنٸڭشە, نٶمٸرٸم ەندٸگٸ, سەندە بار دەپ ويلايمىن.
- قالايشا?
- جولدا كەلە جاتقاندا, مەنٸڭ سمارتفونىمنان ٶزٸڭە قوڭىراۋ شالدىڭ ەمەس پە? – دەپ جەڭٸل مىسقىلمەن, مىرس ەتتٸم مەن.
- قالاي بٸلدٸڭ? – دەدٸ ول تاڭدانىسىن جاسىرۋعا تىرىسىپ.
- وپ-وڭاي. تەلەفون سوققانىڭدا - دىزىلدادى, قويعانىڭدا – ٷنسٸز قالدى.
- مەن سەنٸ اڭقاۋ ما دەپ ويلاسام!
- اڭقاۋدى تاۋىپسىڭ! – دەپ, مىرسىلداي باستادىم دا, دەر كەزٸندە «رٶلدەن» شىعا الماي قالعانىما سول سەتتە-اق ٶكٸنٸپ, تٸلٸمدٸ تٸستەي قالدىم.
قۋانىش باسىن شايقاپ, اقجارقىن كەيٸپپەن بٸر كٷلٸپ الدى دا:
-كٶرٸسكەنشە, جانەل, -دەدٸ.
-كٶرٸسكەنشە!
مەن انادايدا توقتاپ تۇرعان انامنىڭ كٶلٸگٸن بەتكە الىپ, قانات بٸتكەندەي ۇشىپ بارا جاتىپ, ٶز-ٶزٸمە تاڭ قالدىم. اپىرم-اۋ, جاڭا عانا جاپ-جاس, سىمباتتى جٸگٸتكە قىلىق كٶرسەتە سٶيلەسكەن مەن بە, باسقا قىز با? راسىندا, ٶزٸمنەن مۇندايدى كٷتپەگەن ەدٸم. بويىمدى بٸر تٷسٸنٸكسٸز سەزٸم بيلەدٸ. كٸشكەنتاي قۇربىم ماليكاعا ايتىپ بەرسەم, ەكٸ قولىمەن يەگٸن سٷيەپ الىپ, اۋزى اشىلىپ, سىڭعىرلاي كٷلٸپ وتىرىپ تىڭدايتىن شىعار.
كٶلٸك ٸشٸندە اق جٸبەك جەيدەمنٸڭ ٷستٸنەن جاسىل دجينسى سارافاندى سۇعا سالىپ, تۋفليدٸڭ ورنىنا جايلى كروسسوۆكا كيٸپ العان سوڭ, باسقا بويجەتكەن بولىپ شىعا كەلدٸم. اۋىر مەكتەپ سٶمكەسٸن كٶلٸكتە قالدىرىپ, جەڭٸل-جەلپٸ, ەنەسٸنە ەركەلەگەن قۇلانداي ويناقتاپ, ٶز-ٶزٸمنەن شاتتىق كٷي كەشتٸم. انام ٶزٸنٸڭ شارشاعانىن, كەشكە دەيٸن بٸرگە ۋاقىت ٶتكٸزٸپ, بٸراز سەرگٸگٸسٸ كەلەتٸنٸن ايتتى. قاسىندا جٷرسەم, جانى جاي تاۋىپ, دەمالىپ قالاتىنىن بٸلەمٸن. ەكەم ەكەۋٸ مەنٸ «بالاتەراپييا» دەپ بەكەر اتاماسا كەرەك.
ەكەۋٸمٸز الىپ ساۋدا ورتالىعىنىڭ ەرتٷرلٸ دەمحانالار ورنالاسقان ٷشٸنشٸ قاباتىنا ەسكالاتورمەن كٶتەرٸلٸپ, ٶزٸمٸز ٷنەمٸ تٷستەنٸپ جٷرەتٸن سٷيٸكتٸ ورنىمىزعا كەلدٸك.
- بٷگٸنگٸ كٷنٸڭ قالاي ٶتتٸ? – دەپ سۇرادى انام.
- ٶتە جاقسى.
- مەكتەپتە جاڭا دوستار تاپتىڭ با?
- يە, ەرينە.
- بٸز سەنٸڭ دوستارىڭنىڭ كٶپ بولعانىن قالايمىز.
- ول جاعىن الاڭداماساڭىزدار بولادى.
مەن بٸراز ۋاقىت بۇرىن عانا جٷرەگٸمدە ورىن العان «جول-كٶلٸك وقيعاسىن» انامنان جاسىرىپ قالدىم. انىعىن ايتار بولسام, سىر اشۋدى كەيٸنگە قالدىردىم. بٸز تٷستەنٸپ بولىپ, كينوعا كٸردٸك. سيقىرلى نۋ ورماننىڭ ٸشٸندە,
ەرتەگٸ كەيٸپكەرلەرٸنٸڭ اراسىندا تىنىش ٶمٸر كەشٸپ جاتقان سيقىرشى قىز مالەفيسەنتا تۋرالى فيلم ەكەن. ولاردىڭ سٷتتەي ۇيىعان ەلەمٸنە سۇعاناق ادامدار سىنا قاعىپ ەنٸپ, بەرٸن اياۋسىز بٷلدٸرە باستايدى. سيقىرشى قىز قارا ماگييا ارقىلى قورعانۋعا كٶشەدٸ. مەن ەكرانداعى انجەلينا دجوليدىڭ ويىنىن تاماشالاپ وتىرىپ, ٶز قييالىما ەرٸك بەردٸم. ٶمٸر دە كينو سيياقتى وقيعالاردان قۇرالادى. وقيعانىڭ ەكسپوزيتسيياسى بولادى. ول دەل بٷگٸن مەنٸڭ باسىمنان ٶتتٸ, ياعني, مەنٸڭ جەكە وقيعام باستالدى دەيٸك. وقيعا باستالماي جاتىپ, ٷزٸلٸپ قالماۋى تيٸس. دامۋى مەن باسقا كەزەڭدەرٸ ەسەرلٸ شىعۋ ٷشٸن كەيٸپكەر ٷنەمٸ ەرەكەتتە بولۋى كەرەك جەنە ول ٸش پىستىراتىن, نەمقۇرايلى جان بولماۋى كەرەك. وقيعا تەز ٶربۋدٸ سٷيەدٸ. سوندىقتان بۇل جەرگە ٷنەمٸ سوعىپ تۇراتىن جٷرەكپەن قوسا, ساعاتتىڭ تٸلٸندەي بٸر قالعىپ كەتۋدٸ بٸلمەيتٸن مي دا كەرەك. انىعىندا, بۇل دەگەن, قانداي جاعدايدا دا ويىننان شىعىپ قالماۋعا تىرىسۋ, جانتالاسۋ دەگەن سٶز. مۇنداعى ەڭ باستىسى – تارتىس, ياعني, كونفليكت. قىزىق, ەگەر قۋانىش ەكەۋمٸزدٸڭ تانىستىعىمىز دوستىققا ۇلاسسا, تەپ-تەگٸس دامىسا, بۇل جەردە قانداي «كونفليكت» ورىن الۋى مٷمكٸن? بٸلە المادىم. بٸر بٸلەتٸنٸم, ناعىز تولىققاندى وقيعانىڭ شەشٸمٸ سەتتٸ بولىپ كەلەدٸ. مەنٸڭ جٷرەگٸم: «بەرٸ جاقسى بولادى», - دەپ سوعىپ تۇرعان سيياقتى.
كينودان شىققان كەزدە, اناما تىرناق جٶندەيتٸن شەبەر حابارلاسىپ, جازىلىپ قويعان ۋاقىتى كەلگەنٸن ەسٸنە سالدى. شەبەردٸ كٷتتٸرٸپ قويعانىم ۇيات بولار دەپ ول كٸسٸ جىلدامداتىپ ەكٸنشٸ قاباتقا تٷسٸپ كەتتٸ. مەن بولسام, شىنى جاقتاۋعا سٷيەنٸپ, تٶمەندە بولىپ جاتقان ٸس-شارانى باقىلاپ تۇرعانمىن. جٷرگٸزۋشٸ قىز بەن جٸگٸتتٸڭ داۋىستارى ساڭقىلداپ شىعادى. زەيٸن سالىپ قاراعانىمدا, مۇنىڭ «قايىرىمدىلىق قورى» ۇيىمداستىرىپ جاتقان ٸزگٸ شارا ەكەنٸنە كٶزٸم جەتتٸ. ورتاعا ٷلكەن شىنى جەشٸك قويىلىپتى. ٷرمەلٸ اسپاپتار وركەسترٸ بەتحوۆەن شىعارمالارىنان پوپۋرري ورىنداپ جاتىر. قولىمدا بار اقشانى جەشٸككە سالسام دەگەن وي جەتەلەپ, ەسكالاتورمەن بٸرٸنشٸ قاباتقا تٷستٸم دە, عاجايىپ مۋزىكاعا قۇلاق تٷرە, كٶپشٸلٸكتٸڭ ورتاسىن كيٸپ-جارىپ, جەشٸككە جەتۋگە تىرىستىم. الايدا, ادامداردىڭ كٶپ جينالعانى سونشالىق, دٸتتەگەن ماقساتىما جەتۋ ٷشٸن ەلٸ دە تٶرت-بەس رەت جاقسىلاپ العا ۇمتىلۋىم كەرەك-تٸن. كەنەت وركەستردٸڭ دەل ورتاسىندا, مۋزىكاعا ەلٸتە بار دەنەسٸمەن قوزعالىپ, بارابان تاياقشالارىن ىرعاققا ەرە سوعىپ وتىرعان تانىس بەينەنٸ كٶزٸم شالدى. «بۇل – قۋانىش قوي!», - دەپ, تاڭ-تاماشا قالىپ تا ٷلگەرمەي, ونىڭ تۇسىنا ٸلٸنگەن باننەرگە كٶزٸم تٷستٸ.
وندا مانسۇرلار شامالاس, بەس-التى جاستاعى قىز بالانىڭ سۋرەتٸ باسىلىپتى. «اياۋلىمعا كٶمەك قايىرىمدىلىق قورى» دەگەن جازۋدى وقىعان سەتتە, بٸردەن كٶزٸمە جاس ٷيٸرٸلە قالدى: «قۇدايىم-اۋ, بۇل – اياۋلىم عوي!». وسى كەزدە تەلەفونىما دىز ەتٸپ, حابارلاما كەلدٸ. انام مەنٸ ٸزدەپ جاتىر ەكەن. مەن قۋانىشقا قاراپ, قول بۇلعاپ قوشتاستىم دا, ٸشتەي ٸزگٸ شارانىڭ سەتتٸ ٶتۋٸن تٸلەپ, «ەسٸك اۋزىندا كٷتەم» دەگەن انامدى تاۋىپ الۋ ٷشٸن ول جەردەن ۇزاي بەردٸم.
كەشكٸلٸك ٷيگە كەلگەن سوڭ, كٶڭٸلٸمدٸ بەيمەلٸم مۇڭ شارپىپ, تەزٸرەك ۇيىقتاپ قالعىم كەلدٸ. دوستارىمنان كەلٸپ جاتقان حاتتارعا دا جاۋاپ بەرۋگە زاۋقىم سوقپادى. وسى كەزدە تەلەفونىما بٸر حابارلاما كەلدٸ. وندا: «قايىرلى تٷن, جانەل», - دەپ تۇر ەكەن. مەن كٷلٸپ جٸبەردٸم دە, بٸرنەشە مينۋتتى اراعا سالىپ بارىپ: «قايىرلى تٷن, قۋانىش», - دەپ جازىپ جٸبەردٸم.
ماليكا كەلٸپ, ەرتەگٸ قۇراستىرىپ, ونىڭ سۋرەتٸن قوسا سالىپ كەلۋگە تاپسىرما بەرٸلگەنٸن, سوعان كٶمەكتەسٸپ جٸبەرۋٸمدٸ ٶتٸندٸ. ول ٷيگە بەرٸلگەن تاپسىرمالارىن جەلەۋ ەتٸپ, پەتەرٸنەن سىتىلىپ شىعىپ, مەنٸڭ بٶلمەمە مىسىق قۇساپ جىمىن بٸلدٸرمەي, زىپ بەرٸپ كٸرٸپ الۋدى «ٶمٸرٸنٸڭ بارشا مەن-مۇراتىنا اينالدىرعان». مەن ماليكانىڭ بۇل قىلىعىنا قاراي ەركەلەتٸپ «مىسىعىم», كەيدە «ٷلكەن» قىز بولىپ ٶسٸپ قالعانىن ەسٸنە سالىپ, «جان قۇربىم» دەپ اتايمىن. كەيدە تاپسىرمالار جايىنا قالىپ, ەكەۋٸمٸز «ٶمٸر جايىندا» ەڭگٸمە سوعامىز. ٷنەمٸ كٸشكەنتاي جٷرەگٸ بٸردەمەگە اۋىرىپ, ەلجٸرەپ وتىرعانى:
-اۋلادا كٸپ-كٸشكەنتاي, پاناسىز مىسىق جٷر ەكەن. ۇستاپ الايىقشى دەپ ەدٸك, بٸزدەن قورقىپ, اۋلاداعى جەڭٸل كٶلٸكتەردٸڭ بٸرٸنٸڭ استىنا زىپ بەرٸپ كٸرٸپ الدى. قارنى اشا ما دەپ ٷيدەن سٷت ەكەلٸپ قۇيدىق. سوسىن بيدە جٷرگەندە كٶلٸك بايقاماي باسىپ كەتپەدٸ مە ەكەن دەپ قاتتى ۋايىمدادىم. كەشكە مانسۇر ەكەۋٸمٸز جٷگٸرٸپ بارىپ ەلگٸ جەردٸ قارادىق. تٸرٸ سيياقتى, - دەيدٸ.
كەلەسٸ بٸردە:
- اسفالتتىڭ ٷستٸندە بٸرەۋ جاۋىنقۇرتتى مىجىپ كەتٸپتٸ. بارلىق جەرگە اسفالت تٶسەلٸپ تاستالعان, ول بايعۇستار قايدا بارىپ جايىلادى ەندٸ? اسفالت – ادام يگٸلٸگٸ ٷشٸن, ەستەتيكا ٷشٸن تٶسەلەتٸنٸ راس, الايدا, ادامدار ەلەمدٸ جالعىز ٶزدەرٸ مەكەندەمەيدٸ عوي, اياقتارىنىڭ استىنا قاراپ جٷرۋگە بولماس پا, - دەپ كٶزٸنەن جاسى ىرشىپ كەتەدٸ. بٷگٸن ماليكا ماعان سالعان سۋرەتٸن كٶرسەتتٸ. بٸرنەشە جىل قاتارىنان كٶركەمسۋرەت كۋرسىنا قاتىستى دەگەن اتىم بار, مەن سۋرەتكە انىقتاپ قاراپ, بىلاي دەدٸم:
-سۋرەتتٸ ەشقاشان قالامساپپەن سالمايدى. سەبەبٸ, سۋرەت – ەڭ الدىمەن, كٶركەم دٷنيە. كلاسسيكالىق تۇرعىدان قاراستىرعاندا, بۇل ماڭىزدى ەرەجە.
- بٸراق مەن سۋرەتتٸ قالامساپپەن سالعاندى ۇناتامىن عوي?
-دەگەنمەن, الدىمەن سۋرەت ٶنەرٸنٸڭ كلاسسيكالىق العىشارتتارىن مەڭگەرٸپ العان سوڭ بارىپ, ٶزٸندٸك كٶزقاراستى تالعاممەن جٷزەگە اسىرعان دۇرىس بولادى, مىسىعىم. دۇرىسى, ەزٸرگە, قارىنداش جەنە بوياۋ.
ماليكا قۇراستىرعان ەرتەگٸسٸن ايتا باستايدى.
- مٸنە ٷي سالدىم. بٸزدٸڭ ٷي ەكەنٸن اڭعاردىڭ با?
- قانە, نەشە قاباتتى ەكەن? يە, التى قاباتتى. تۋرا بٸزدٸڭ ٷي.
- ٷيدەن ورمان جاققا باستايتىن جول شىعادى. مىناۋ السۋ قۇربىم ەكەۋٸمٸز ورمانعا جيدەك تەرۋگە بارا جاتىرمىز. وسى كەزدە ەكٸ قىزدىڭ الدىنان داۋىسى سارقىرامانىڭ گٷرٸلٸندەي, ازۋى التى قارىس ارلان قاسقىر شىعا كەلەدٸ. مٸنە, جانەل, ەرٸ قاراي قالاي قۇراستىرۋدى بٸلمەي, ساعان كەلدٸم.
- وسى كەزدە ەكٸ قىز بار داۋىسىمەن «اا-ااا» دەپ ايقايدى سالادى, -دەپ كٷلەمٸن مەن. ماليكا شابىتتانىپ:
- قىزداردىڭ داۋىسىنىڭ قاتتىلىعى سونشا, اسپان كٷركٸرەپ, جەر سٸلكٸنٸپ كەتەدٸ, ال قاسقىر قورىققانىنان قاشا جٶنەلەدٸ! – دەيدٸ شەك-سٸلەسٸ قاتا كٷلٸپ. سوسىن قىزداردىڭ اۋزىنان «ااا-اا» دەگەن جازۋدى شىعارىپ قويىپ, قايتا كٷلكٸگە كٶمٸلەدٸ.
كٷن سەنبٸ بولاتىن. مەن ايپادتى قولىما الىپ, بٷگٸن قالادا قانداي مەدەني شارالار ٶتەتٸنٸ جايىندا اقپارات ٸزدەي باستادىم. «بەيبٸتشٸلٸك جەنە كەلٸسٸم» سارايىندا بٷگٸنگٸ كٷننٸڭ سەنگە اينالعان سۋرەتشٸسٸ اڭسا مۇستافانىڭ كٶرمەسٸ اشىلىپتى. سۋرەتتەرٸنٸڭ مەن-ماعىناسىنىڭ تەرەڭدٸگٸنە تەنتٸ بولىپ, بٸر كەزدەرٸ لوندونعا كٶرمەسٸ قاشان كەلەر ەكەن دەپ ارمانداعان اتا-انامنىڭ اسا قۇرمەتتەيتٸن سۋرەتشٸسٸ. ساعات وندار شاماسىندا ماليكا حات جازىپ جٸبەرٸپتٸ: «سەلەم, جانەل. بٸز سەنٸ سىرتتا كٷتەمٸز». ەسٸك الدىنا شىققانىمدا كٶرشٸ بالالاردىڭ ٷشەۋٸ دە ويىن الاڭىندا اسىر سالىپ جٷر ەكەن. كٶرمە تۋرالى ەستٸگەندە, «بٸز دە بارامىز!» - دەپ شۋ ەتتٸ. بٸز الدىندا, بۇل كٶرمەگە قۋانىش ەكەۋٸمٸز بارماق بولىپ كەلٸسكەنبٸز. تٷس اۋا ەمٸرتەمٸر اتا-اناسىمەن ٷيدە قالدى دا, ماليكا, مانسۇر ٷشەۋٸمٸز ەكٸ-ٷش ايالداما جوعارى جٷرٸپ, كٶرمە جاققا جاياۋ بارماقشى بولدىق. شاعىن ساياباق ٸشٸندەگٸ سەكٸگە تٸزە بٷگٸپ, جول-جٶنەكەي العان بالمۇزداعىمىزدى اسىقپاي جەپ الدىق تا, ورنىمىزدان قوزعالدىق.
- بەلكٸم, اۆتوبۋسقا وتىرارمىز? –دەپ سۇرادىم مەن.
- بٸزدٸ وندا مٸنگٸزە مە?
- بيلەتٸنە اقشا تٶلەسەك, مٸنگٸزەدٸ.
- مەسساعان! قوعامدىق كٶلٸككە ەشقاشان وتىرىپ كٶرمەگەن ەدٸم, اۆتوبۋسقا وتىرۋ – مەنٸڭ ٷلكەن ارمانىم! –دەپ قولىن شاپالاقتادى مانسۇر ايالدامادا تۇرعان كەزدە. جەكە كٶلٸكپەن بٸر پاركينگتەن شىعىپ, دٸتتەگەن جەرٸنە جەتكەندە, ەكٸنشٸ بٸر پاركينگكە كٸرٸپ كەتەتٸن, سەرۋەن كەزٸندە بولماسا, اياعى جەرگە سيرەك تيەتٸن, قوعامدىق كٶلٸكتٸڭ نە ەكەنٸن ەلٸ تانىپ ٷلگەرمەگەن بۇل بالاقايعا تاڭسىق نەرسەنٸڭ بەرٸ قىزىق.
- جانەل, بٸز وسى ۋاقىتقا جازىلىپ قويىپ پا ەدٸك? – دەپ ول ماعان تاعى دا سۇراۋلى جٷزبەن اڭتارىلا قارايدى.
- مانسۇر, قوعامدىق كٶلٸككە مٸنۋ ٷشٸن, الدىن-الا جازىلىپ قويۋدىڭ قاجەتٸ جوق, - دەپ تٷسٸندٸردٸم مەن. – بۇل ساعان الدىن-الا جازىلاتىن تٸس دەرٸگەرٸ ەمەس قوي.
بٸز اۆتوبۋستان تٷسٸپ, گٷلمەن كٶمكەرٸلگەن كەڭ الاڭدى كەسٸپ ٶتتٸك تە, پيراميدا سارايىن بەتكە الدىق. پيراميدا - استاناداعى سەۋلەت ٶنەرٸنٸڭ تريۋمفى, كٶركٸنە كٶز سٷرٸنەتٸن كٶركەم جەرلەردٸڭ بٸرٸ. قۋانىش ەكەۋٸمٸز ساعات ٷش شاماسىندا وسى جەردە كەزدەسپەك بولىپ ۋەدەلەسكەنبٸز. كەڭدٸگٸ اتشاپتىرىم باسپالداقتارمەن جوعارى ٶرلەپ كەلە جاتقاندا, بٸزدٸ كٶرٸپ, قارسى جٷرگەن بوزبالانى كٶزٸمٸز شالدى. قۋانىش جارقىن جٷزبەن كٷلٸمسٸرەپ كەلٸپ امانداستى. مانسۇرعا جٸگٸتشە قولىن ۇسىنىپ:
- باتىر, قالىڭ قالاي? – دەدٸ. ماليكا بۇل كەزدە كٶزٸن تٶمەن سالىپ, موينىن مەيلٸنشە ٸشٸنە تىعا قويدى. ول بەيتانىس جاندارمەن بٸرٸنشٸ بولىپ سٶيلەسۋدەن قايمىعىپ, قورقاتىن. الايدا, دوس كٶڭٸلگە قىزىعۋشىلىعى بەرٸبٸر ٷستەمدٸك الىپ, ارتىنان جادىراپ, ەركٸن ارالاسىپ كەتەتٸن. بۇل جولى دا سٶيتتٸ.
- ماليكا, مەن سەنٸ جانەلدٸڭ ايتۋى بويىنشا سىرتتاي تانيمىن, - دەپ باسىنان سيپاۋى مۇڭ ەكەن, بٸردەن قۋانىشتى اعا كٶرٸپ, قولىنان مىقتاپ ۇستاپ الدى. بٸز ٷشٸنشٸ قاباتقا جەدەلساتى ارقىلى كٶتەرٸلدٸك. كٶرمەنٸ تاماشالاۋشىلار ٶتە كٶپ ەكەن. بۇل جەردە قاتتى سٶيلەسۋگە بولمايدى. سەبەبٸ, سۋرەت كٶرمەسٸ - جوعارى مەدەنيەت دەرٸپتەلەتٸن ورىن.
- ماعان اڭسانىڭ سۋرەتتەرٸ ۇنايدى, - دەدٸم مەن قۋانىشقا قاراپ.
- بۇل سۋرەتشٸ قوعامنىڭ ەڭ ٶزەكتٸ پروبلەمالارىن قاراپايىم تٸلدە جٷرەككە جەتكٸزە الاتىن گرافيكا شەبەرٸ ەكەنٸ راس, - دەپ ٶز پٸكٸرٸن بٸلدٸردٸ قۋانىش. –قازٸر جاستاردىڭ سمارتفون مەن ەلەۋمەتتٸك جەلٸگە تەۋەلدٸ بولعان كەزەڭٸ عوي.
- يە, بٸز بٸر-بٸرٸمٸزبەن قارىم-قاتىناس جاساۋدىڭ قانداي بولاتىنىن ۇمىتىپ بارامىز...
مانسۇر مەن ماليكا جەتٸمدەر مەن قارييالار تاعدىرىن بايان ەتكەن بٸر سۋرەتتەرگە كٶز اۋدارماي قاراپ, بٸرتٷرلٸ ٷرپيٸسٸپ قالىپتى. ٶنەردٸڭ ٶزٸنە تارتاتىن سيقىرلى قۋات-كٷشٸنە بالاپان جٷرەكتەرٸ بٸر سەت اربالىپ قالعانداي. اڭسانىڭ سۋرەتتەرٸندەگٸ تراگەدييالىق كٶڭٸل-كٷيدٸ ەشكٸم تٷسٸندٸرٸپ بەرمەي-اق, وپ-وڭاي سەزٸنۋگە بولادى. «سارىارقادا» قايىرىمدىلىق كەشٸ ٶتكەن كٷننٸڭ ەرتەڭٸندە, قۋانىش ەكەۋٸمٸز تاعى سول جەردە كەزدەسٸپ, ٷشٸنشٸ قاباتتاعى كوفەحانادا ەڭگٸمەلەسٸپ وتىرعانبىز. ول ٶزٸنٸڭ مۋزىكالىق كوللەدج ستۋدەنتٸ ەكەنٸن سول جولى ايتقان.
- قۋانىش, كەشٸر, مەن اياۋلىمدى ەۋەجايدا العاش كٶرگەندە, ونىڭ ناۋقاس ەكەنٸن بٸلدٸم, الايدا, حالٸنٸڭ مۇنشالىقتى اۋىر ەكەنٸن بٸلمەدٸم...
- يە, اياۋلىمنىڭ اق قان اۋرۋىنا شالدىققانىنا بٸراز بولىپ قالدى. تەز ارادا كورەياعا اپارماساق بولمايدى. ۋاقىت بولسا, تىعىز. كوللەدجدە بٸرگە وقيتىن دوستارىم ەر جەردە قايىرىمدىلىق شارالارىن ٶتكٸزٸپ, قاراجات جيناپ جاتىر.
- سولاي ما?!
- مەن دوستارىما ريزامىن. ونىڭ ٷستٸنە, ٶزٸمنٸڭ قايىرىمدى جاندار ەلٸندە ٶمٸر كەشٸپ جاتقانىما وسى جولى شىن كٶزٸم جەتتٸ. قاجەتتٸ اقشانىڭ جارتىسى بٸر اپتا ٸشٸندە جينالدى, سەنەسٸڭ بە, جانەل?
- كٶپ تٷكٸرسە كٶل دەگەن وسى عوي. بەرٸ دە جاقسى بولاتىنىنا سەنەمٸن.
وسى كەزدە داياشى كەلٸپ, قۇلپىناي قوسىلعان ەكٸ سٷت كوكتەيلٸن ٷستەلگە ەكەلٸپ قويعان.
-قۇلپىنايدىڭ يٸسٸ قاتتى ۇنايدى.
-ونى ايتقانىڭ جاقسى بولدى!
-قۋانىش, دجون گريننٸڭ «تاعدىردىڭ كٸنەسٸ» رومانىنداگى حەيزەل دەگەن قىز دا قاتتى سىرقاتقا شالدىققان. الايدا, ول ٶمٸرٸ ٷشٸن كٷرەسٸپ, اقىرى
جەڭەدٸ! وسىلاي دەسەم دە, جٷرەگٸم اۋىرىپ, اياۋلىمنىڭ ٶمٸرٸ ٷشٸن قاتتى الاڭداپ وتىردىم. «تاعدىردىڭ كٸنەسٸ» مەن باسقا دا كٸتاپتار جايىندا ۇزاق ەڭگٸمەلەسكەنٸمٸزدە, حەيزەلدٸڭ جان دوسى وگاستۋستىڭ وسى دەرتتەن كٶز جۇماتىنىن بۇل جولى قۋانىشقا ايتپاي, ٸشٸمە بٷگٸپ قالعان بولاتىنمىن.
بٸز كٶرمەدەن شىعىپ, كافەدە شىرىن ٸشٸپ وتىرعانىمىزدا قۋانىش:
- بٸردە اڭسا مۇستافانىڭ ساتىلعان كارتيناسىنان تٷسكەن اقشاسىن قايىرىمدىلىققا جۇمساۋدى كٶزدەيتٸنٸن ەستٸپ قالعان ەدٸم. جاقىندا «اياۋلىمعا كٶمەك» قايىرىمدىلىق قورىنا دا بٸراز اقشا اۋدارعان ەكەن, - دەدٸ.
- ٶنەر ادامدارىنىڭ تالانتىنا عانا ەمەس, ادامگەرشٸلٸگٸنە دە تەنتٸمٸن,- دەدٸم ريياسىز ريزا كٶڭٸلمەن.
- مەن ٶسكەندە سۋرەتشٸ بولۋدى ۇيعاردىم! – دەپ مەلٸمدەدٸ ماليكا.
- تٷسٸنٸكتٸ. ال مانسۇر, سەن كٸم بولاسىڭ? – دەپ كٷلدٸ قۋانىش.
- ونى ەلدٸڭ بەرٸ بٸلەدٸ, - دەپ قولىن سەرمەدٸ مانسۇر. - زووباقتىڭ باستىعى! - دەگەندٸ ٷشەۋٸمٸز بٸر مەزگٸلدە قوسىلا ايتتىق تا, كٷلٸپ جٸبەردٸك. كافەدەن شىققان سوڭ, تٶرتەۋٸمٸز ەسٸلدٸڭ بويىندا سەيٸل قۇردىق. ەرتەرەكتە اباتتاندىرىلعان ٶزەن بويىنداعى ساياباق كٷتٸمسٸزدٸكتەن توزايىن دەپتٸ. شاماسى, دەل وسى جەردەگٸ تابيعاتتى ٶز دەگەنٸنە كٶندٸرۋدە ادامنىڭ شاماسى كەم بولعان-اۋ. تٶسەلگەن تاس پليتكالاردىڭ اراسىنان جاسىل شٶپتەر قىلتيىپ, كەيٸن بوي بەرمەي كەتكەن. تەمٸردەن يٸپ جاساعان ٶرنەك قاڭقالى اعاش ورىندىقتار توزسا دا مٸز باقپاي مىعىم تۇر. ەرقايسىنىڭ جانىندا قوقىس جەشٸكتەرٸ. مانسۇر شٶپ اراسىندا شاشىلىپ جاتقان پلاستيك بٶتەلكەلەر مەن بوس قالبىرلاردى جيناپ, سول جەشٸككە سالىپ, ەۋرە بولىپ جٷر.
-تابيعاتتى لاستاۋعا بولمايدى, تازالىقتى ساقتاۋ بٸزدٸڭ مٸندەتٸمٸز, - دەپ اراسىندا سۇق ساۋساعىن جوعارى كٶتەرٸپ قويىپ, اۋىز جاپپاي ساڭقىلدايدى ول.
- قۋانىش, مەن قاشان اياۋلىممەن تانىسامىن, ونى كٶرگٸم كەلەدٸ, - دەپ قيىلدى ماليكا.
- بٸز ەرتەڭ سەۋلگە ۇشامىز. اياۋلىم جازىلىپ كەلگەن سوڭ, بەرٸمٸز تاعى دا بٸرگە قىدىرامىز, جاقسى ما, ماليكا, - دەدٸ قۋانىش قىزدى ەركەلەتە باسىنان سيپاپ. قۋانىش بٸزدٸ ٷيگە جەتكٸزٸپ تاستاعان كەزدە ۋاقىت تىم كەش بولىپ قالعان ەدٸ. ەرتەڭگٸ ساپارىنا سەتتٸلٸك تٸلەپ, قوشتاساردا وراۋداعى سىيلىعىن بەردٸ, كٷلٸمسٸرەپ قولىن بۇلعادى. وسى كەزدە ول ماعان ۇشاق قاناتىنان قول بۇلعاپ تۇرعان تەرٸزدٸ كٶرٸنٸپ, كٶڭٸلٸم بۇزىلدى.
قۋانىش ماعان «Montale» فرانتسۋز جۇپارىن سىيلاعان ەكەن. ونىڭ قۇلپىناي يٸستٸ ەكەنٸنە و باستان ەش كٷمەنٸم بولمادى. ٷيگە كەلٸپ, سمارتفوندى قولعا العان بويدا, قۋانىشتان حابارلاما كەلدٸ: «بٸر-بٸرٸمٸزدەن الىستا بولساق تا, مۇنى ۋاقىتشا دەپ بٸل. مەن سەنٸڭ ٷنەمٸ ونلاين بولعانىڭدى قالايمىن».
از كٷن ٶتە, قۇر سٷلدەرٸم قالدى. مەنٸڭ سونشاما قاتتى كٷيزەلٸسكە تٷسكەن جان دەرتٸمنەن اتا-انام قاتتى شوشىپ كەتتٸ.
- اياۋلىم قايتسە دە جازىلىپ كەتۋٸ كەرەك. قۋانىشتىڭ ايتۋى بويىنشا, قارشاداي قىزدىڭ ەمٸنە قاراجات جەتپەي جاتقان كٶرٸنەدٸ, - دەگەندە, كٶزٸمنەن جاس ىرشىپ كەتتٸ.
اناشىمنىڭ دا جانى قۇلازىپ, ٷزدٸكسٸز كٷرسٸنەدٸ. بار كٶڭٸلٸمەن: «كٸشكەنتاي اياۋلىم تەزٸرەك قۇلان-تازا جازىلىپ كەتسە ەكەن» دەپ تٸلەيدٸ.
بٸز قول قۋسىرىپ وتىرا بەرمەۋدٸ جٶن كٶرٸپ, بٸر كەشتە «اياۋلىمعا كٶمەك» قورىنىڭ سايتىن اشتىق.
- ەلدە ورىن العان دەۆالۆاتسيياعا بايلانىستى, دوللار باعامى كٷرت ٶسٸپ, ەمگە قاجەتتٸ اقشا شارتتى بٸرلٸككە شاققاندا كٶپ ازايىپ قالۋى مٷمكٸن, - دەپ, بولجام جاسادى ەكەم.
تۋعان-تۋىس, دوس-جارلارىمىزدىڭ بارلىعى «اياۋلىمعا كٶمەك» اكتسيياسىنان سول كەشتە-اق حاباردار بولدى. ماليكا مەن مانسۇر دا اياۋلىمعا جاندارى اشىپ, تيىن سالىپ جٷرگەن قۇتىلارىن سىندىرىپتى. كٸشكەنتاي دوستارىمنىڭ اتا-اناسى سول كٷنٸ:
- نە كٶمەك بەرەمٸز? –دەپ, بٸزگە حابارلاستى. ەمگە قاجەت دەگەن قوماقتى قاراجات كٶپ ۋاقىت ٶتپەي, دايىن بولدى. ەكەم ونى سول ساعاتىندا كٶرسەتٸلگەن ەسەپشوتقا اۋدارىپ تا جٸبەردٸ. مەنٸڭ كٶڭٸلٸم ەندٸ ورنىنا تٷسٸپ, كٶكٸرەك كەرە دەمالعانىم سول ەدٸ, تٷس مەزەتٸندە ەكەشٸم ٷيگە القىن-جۇلقىن كٸرٸپ كەلٸپ, ماعان قاراپ بىلاي دەدٸ:
- قىزىم, جينال, ٷش ساعات قانا ۋاقىتىمىز بار, ەكەۋٸمٸز سەۋلگە ۇشامىز!
ۇشاق تەرەزەسٸنەن اقجەلەڭ بۇلتتارعا قاراپ وتىرىپ, ەزۋ تارتامىن. ەرتەڭگٸ كٷننٸڭ ريياسىز كٶڭٸلدەي اشىق بولاتىنىنا سەنەمٸن. مەن بۇدان بىلاي قۇلپىناي يٸستٸ «Montale» جۇپارىن ۇناتامىن. سول سيياقتى, سول بٸر جان ٷشٸن قاشان دا «ونلاين» بولامىن.
انار كابدۋللينا,
ۇلت پورتالى
