فوتو: Instagram.com
تانىمال بلوگەر ايسەۋلە باقىتبەك ەكەسٸمەن قارىم-قاتىناسىنىڭ قانداي دەڭگەيدە ەكەنٸن ايتتى, دەپ حابارلايدى Ult.kz سايتى Stan.kz-كە سٸلتەمە جاساپ.
بۇل تۋرالى ول Zamandas پودكاستىندا ايتتى.
جەلٸ جۇلدىزى ٶزٸن سالت-دەستٷردٸ ۇستاناتىن وتباسىندا تەربيە العانىن جەتكٸزدٸ.
"اتا-انامنىڭ وقيعاسىنان ەكٸ اي بۇرىن ەلٸشەرمەن ەكٸ جاققا كەتكەن ەدٸك. ول كەزدە بٸرگە بولا المايتىنىمىزدى تٷسٸندٸك. قاتتى سترەسس الىپ, كٷيزەلٸستە جٷرگەن ەدٸم. مٷمكٸن ۋاقىت كەرەك بولعان شىعار?! بٸراق مەن اتا-انامنىڭ كٶزٸمٸزشە سٶزگە كەلٸپ, ۇرىسقانىن كٶرمەپپٸن. سٸڭٸلٸم ايارۋ دا كٶرمەگەن. اتا-ەجەمٸزدٸڭ قولىندا ٶستٸك. ولار 80-جىلدارداعى ادامدار بولعاسىن بٸر-بٸرٸنە داۋىس كٶتەرەتٸن. ول وقيعا مەنٸ قاتتى ەسەيتٸپ جٸبەردٸ. امەريكاعا كەتەمٸن دەپ بيلەت الىپ قويعان ەدٸم. بٸراق تٶرت ايدان كەيٸن عانا جولىم تٷستٸ. انامدى سوققىعا جىققاندا بٸردەن ەلٸشەردٸ ٸزدەدٸم. انامدى اۋرۋحاناعا, ەكەمدٸ تٷرمەگە الىپ كەتتٸ. مەن ەكەمنٸڭ جانىندا قالىپ, ەلٸشەرمەن سٶيلەستٸم. ول بٸردەن مەنٸ جۇباتۋعا تىرىستى. قاسىما كەلەتٸنٸن ايتىپ, كٶڭٸلٸمدٸ اۋلادى. سول جىلى مەنٸڭ ٶمٸر سٷرۋ رەجيمٸم كٷرت ٶزگەردٸ. تٶرت اي بويى اۋرۋحانا مەن تٷرمەنٸڭ ورتاسىندا جٷردٸم. تاڭەرتەڭ تٷرمەگە بارامىن, تٷستە اۋرۋحاناعا انامنىڭ جانىنا كەلەمٸن. ەلٸشەر جانىمدا بولدى, بٸراق امەريكاعا كەتەتٸن ۋاقىتى جاقىنداعاسىن ول ۇشىپ كەتتٸ. سودان كەيٸن ويلانا باستادىم. قىركٷيەكتە مەن دە بەرٸن تاستاپ, امەريكاعا كەتٸپ قالدىم. ول كەزدە جاعداي دا تۇراقتالعان ەدٸ", – دەدٸ بلوگەر.
ايسەۋلەنٸڭ سٶزٸنشە, بٷگٸندە قىزدارى ەكەسٸمەن ارالاسىپ تۇراتىنىن جاسىرمادى.
"قىزدارىم “باقىتبەك اتا كەلە مە?” دەپ ٸزدەپ تۇرادى. اتالارىن جاقسى كٶرەدٸ. ارالاسىپ تۇرامىز. انام ەۋەلدەن ەكەمٸزدەن اجىراتقان جوق. بٸزدٸڭ ارالاسىپ تۇرۋىمىزدى تالاپ ەتەدٸ. وسى وقيعادان كەيٸن پسيحولوگپەن جۇمىس ٸستەدٸك. تٷرمەدە وتىرعاندا دا ەكەمە بارىپ تۇردىم. بٸراق مەن ونى جۇرتقا قالاي جەتكٸزەرٸمدٸ بٸلمەدٸم. “ەكەممەن سٶيلەسٸپ جاتىرمىن” دەسەم, “اناڭدى ٶلتٸرە جازداعان ادامدى قولدايسىڭ” دەپ ايتادى. مەن ونىڭ ٸسٸن قولدامايمىن. ەكەمدٸ نەمەرەلەرٸنەن ايىرا المايمىن", – دەدٸ ايسەۋلە.
