فوتو: اشىق دەرەككٶز
گٷلزيرا ايداربەكوۆا ەنشٸ ۇلى قايرات نۇرتاستىڭ كونتسەرتٸ تۋرالى پٸكٸر بٸلدٸرگەندەرگە اشۋلى جازبا ارنادى, دەپ حابارلايدى Ult.kz.
"مىناۋ نە دەگەن سۇمدىق? "سوڭعى كونتسەرتٸ" دەگەنٸ نەسٸ? كٸشكەنە ۇيات بولۋ كەرەك قوي. “بٸرەۋگە ٶلٸم تٸلەگەنشە, ٶزٸڭە ٶمٸر تٸلە” دەگەن.
انا جٷرەگٸمدٸ تٸلگٸلەي بەرگەندە قاراعايداي مٷيٸز شىعا ما, وسى حايپ جاساعىشتارعا, ەلدە حالىق العىس ايتىپ ٷستٸلەرٸنە شاپان جابا ما ەكەن? كٷنٸگە سان تٷرلٸ ٶسەك, نە بولدى سونشا شىدامنىڭ دا شەگٸ بار شىعار.
بٸز دە ەت پەن سٷيەكتەن جاراتىلعان پەندەمٸز, تەمٸر ەمەس. دۇرىس دٷنيە جازىپ, جاقسى ويلاسا ەكەن ادميندار. بەرٸڭٸزدە ۇل-قىز ٶسٸرٸپ, ٷمٸت كٷتٸپ وتىرعان جوقسىزدار ما?
مىنا ادميندار دەگەن كٷننەن-كٷنگە حايپ جاساپ, جازىلۋشىلارىن كٶبەيتۋ ٷشٸن, ٶتٸرٸك ٶسەك ويلاستىرا بەرەتٸن بولدى عوي.
سوعان سەنٸپ قانشاما ادام اۋىزدارىنا كەلگەنٸن جازادى, ودان قالسا جالدامالى ٶز ادامدارى فەيك اككاۋنتپەن جٷرتتى كەرٸ پٸكٸرگە يتەرمەلەپ وتىرادى, ٶسەكتٸ ٶربٸتٸپ.
نەشە تٷرلٸ زاڭ شىعىپ جاتىر, نەگە مۇنداي الاياقتارعا زاڭ جوق? ٶسەكتەن باسقا شارۋا جوق پا, نە بولىپ بارامىز?", - دەدٸ ول.
