جىلدىڭ العاشقى توقسانىندا ەلٸمٸزدە انا مەن بالا ٶلٸمٸ كٷرت ازايعان. قر دەنساۋلىق ساقتاۋ مينيسترٸ اجار عينييات مۇنى كوروناۆيرۋس ينفەكتسيياسىنىڭ ەكپٸنٸ قايتقانىمەن بايلانىستىرىپ وتىر, دەپ حابارلايدى قازاقپارات.
«كوروناۆيرۋس ينفەكتسيياسىنان جٷكتٸ ەيەلدەر كٶز جۇمعان بولاتىن. ٶيتكەنٸ جٷكتٸ ەيەلدەردە كوروناۆيرۋس اۋىر ٶتكەن ەدٸ. ولاردىڭ فيزيولوگييالىق جاعدايى دا اۋرۋدىڭ كەڭ تارالىپ, جىلدام اسقىنۋىنا سەبەپ بولعانىن تٷسٸنٸپ وتىرسىزدار», - دەدٸ اجار عينييات سەنات وتىرىسىنان كەيٸن ٶتكەن بريفينگٸدە.
ايتۋىنشا, پاندەمييا كەزٸندە انا ٶلٸمٸ ەلەم بويىنشا 3-4 ەسە ارتقان. دٷنيەجٷزٸلٸك دەنساۋلىق ساقتاۋ ۇيىمىنىڭ دەرەگٸن كەلتٸرگەن مينيستر پاندەميياعا دەيٸن انا ٶلٸمٸ ٶتە از تٸركەلەتٸن ەلدەردٸڭ ٶزٸندە بۇل كٶرسەتكٸش 3-4 ەسە ٶسكەنٸن اتادى. ياعني, جالپى ەلەمدە انا ٶلٸمٸنٸڭ ارتۋى كوروناۆيرۋسپەن بايلانىستى.
«بۇل ۆيرۋس بولعاندىقتان بالاسىڭ با, جاسسىڭ با, كەرٸسٸڭ بە, جٷكتٸ اناسىڭ با – قارامادى. جاپ-جاس, دەنٸ ساۋ ادامدار دا كٶز جۇمىپ جاتتى. ال جٷكتٸ ەيەلدەردٸڭ فيزيولوگييالىق جاعدايى ينفەكتسييانىڭ تەز دامۋىنا ىقپال ەتٸپ, قايعىلى جاعدايلاردىڭ كٶبەيۋٸنە سەبەپشٸ بولدى. دٷنيەجٷزٸلٸك دەنساۋلىق ساقتاۋ ۇيىمى جٷرگٸزگەن بارلىق تالداۋلار ەلەمدە, سونىڭ ٸشٸندە قازاقستاندا دا بۇل كٶرسەتكٸش بىلتىر ٶسكەنٸن كٶرسەتەدٸ. قاڭتار ايىندا كوروناۆيرۋس ينفەكتسيياسىنىڭ بەسٸنشٸ تولقىنى بولعانىنا قاراماستان, بٸرٸنشٸ توقساندا بۇل كٶرسەتكٸش كٷرت تٶمەندەدٸ. انا ٶلٸمٸنٸڭ ٶسۋٸ كوروناۆيرۋس ينفەكتسيياسىمەن بايلانىستى», - دەدٸ مينيستر.
اجار عينييات بيىل بٸرٸنشٸ توقساندا قازاقستاندا انا ٶلٸمٸ كٷرت ازايعانىن اتاپ ٶتتٸ.
«بٸرٸنشٸ توقساندا اتىراۋ, پاۆلودار سيياقتى انا ٶلٸمٸنٸڭ كٶرسەتكٸشٸ جوعارى وبلىستاردا قايعىلى جايتتار تٸركەلدٸ. جالپى بۇل قايعىلى وقيعالار بوساندىرۋعا قاجەت جاڭا نەمەسە قىمبات تەحنيكانىڭ بولماۋىمەن بايلانىستى ەمەس. ٶلٸمنٸڭ نەگٸزگٸ سەبەپتەرٸنٸڭ بٸرٸ حالىقتىڭ دەنساۋلىعىنا جەنە پەريناتالدىق ورتالىقتاردا نەمەسە پەرزەنتحانالاردا ۋاقتىلى كٶمەك الۋعا نەمقۇرايلى قارايتىنىمەن بايلانىستى.
جىل سايىن ماقساتتى ترانسفەرتتەر ارقىلى, رەسپۋبليكالىق بيۋدجەت ارقىلى ەربٸر ٶڭٸرگە بەلگٸلٸ بٸر اقشا بٶلٸنەدٸ. بيىل مەديتسينالىق جابدىقتاردى ساتىپ الۋعا 50 ملرد تەڭگە جوسپارلانعان. ونىڭ ٸشٸندە بٸز بوساناتىن ەيەلدەرگە جەنە بالالار ۇيىمدارىنا باسىمدىق بەرەمٸز», - دەدٸ اجار عينييات.
ونىڭ مەلٸمەتٸنشە, سوڭعى ەكٸ جىلدا پەرزەنتحانالار مەن پەريناتالدىق ورتالىقتاردىڭ جابدىقتالۋى 80-90%-عا جەتكەن.
«ٶڭٸرلەر بۇل باعىتتا جۇمىس ٸستەپ جاتىر. بٸراق تەحنيكانىڭ اتى – تەحنيكا. تەۋلٸگٸنە 24 ساعات جۇمىس ٸستەيتٸن اپپاراتتار, ۋلترادىبىستىق زەرتتەۋ اپپاراتتارى جىل سايىن جاڭارتۋدى قاجەت ەتەدٸ» - دەدٸ مينيستر.
