Among Us ويىنىنان زاڭسىز كونتەنت تابىلعان جوق, دەپ حابارلايدى "ۇلت اقپارات" Stopfake رەسۋرسىنا سٸلتەمە جاساپ.
قازٸرگٸ ۋاقىتتا WhatsApp جەنە Telegram مەسسەندجەرلەرٸندە قازاقستاندىق پايدالانۋشىلار PC, Android جەنە iOS موبيلدٸ پلاتفورمالارىندا قولجەتٸمدٸ Among Us تانىمال كومپيۋتەرلٸك ويىنىنىڭ قاۋٸپتٸ ەكەندٸگٸ تۋرالى دىبىستىق حابارلامالار تاراتۋدا.
دىبىستىق حابارلاما اۆتورى اتا-انالاردان بالاسىنىڭ تەلەفونىندا وسى ويىننىڭ بار-جوعىن تەكسەرۋدٸ سۇرايدى. ولار ويىندا «قورقىنىشتى تاپسىرمالار بەرٸلەدٸ» جەنە «ٶز-ٶزٸنە قول سالۋعا ەكەلەدٸ» دەپ مەلٸمدەيدٸ.
بۇعان دەلەل رەتٸندە «34 مەكتەپتە ورىن العان وقيعانى» كەلتٸرەدٸ. دەل وسى Among Us ويىننىڭ سالدارىنان وقۋشى قىز اسىلىپ قالعان. «وعان تاپسىرما بەرٸلگەن».
وسىنداي دىبىستىق حابارلاما مازمۇنىنا قاراي اۆتورىن انىقتاۋ مٷمكٸن ەمەس. «جازاتايىم وقيعا» قاي قالادا جەنە قاي ەلدە بولعانى دا بەلگٸسٸز.
ناقتىراق ايتقاندا, بٸز بۇل دىبىستىق حابارلامانى رەسەيلٸك ويىنشىلاردىڭ بٸرٸنٸڭ YouTube ارناسىنان تاپتىق. سوعان قاراعاندا قاراشانىڭ سوڭىندا رەسەيدە جازىلىپ, تاراتىلا باستاعان دەۋگە بولادى. دەمەك, حابارلامادا ايتىلعان قايعىلى وقيعانىڭ (ەگەر ول ورىن العان بولسا) قازاقستانعا ەشقانداي قاتىسى جوق.
دەگەنمەن, بۇل دىبىستىق حابارلامالار قر بعم بالالاردىڭ قۇقىقتارىن قورعاۋ كوميتەتٸنە رەسمي ساۋال جولداۋىمىزعا تٷرتكٸ بولدى. قر اقپارات جەنە قوعامدىق دامۋ مينيسترلٸگٸ.
اقدم ٶز كەزەگٸندە, وسى ساۋالدىڭ شەڭبەرٸندە «Among Us» ويىنىندا زاڭسىز كونتەنتتٸڭ بار-جوعىن انىقتاۋ ماقساتىندا مونيتورينگ جٷرگٸزدٸ.
«ويىن تەلەفونعا Playmarket جەنە Appstore ارقىلى جٷكتەلەدٸ. ويىن بارىسىندا حابارلامالاردى اعىمداعى ويىننىڭ چاتىنا جٸبەرۋ ارقىلى نەمەسە دىبىستىق حابارلامالار الماسۋعا مٷمكٸندٸك بەرەتٸن discord قوسىمشاسىن تەلەفونعا جٷكتەۋ ارقىلى سٶيلەسۋگە بولادى. پايدالانۋشىلار اراسىنداعى بارلىق حات-حابارلار ويىننىڭ ٶزٸندە جٷرگٸزٸلەدٸ, ونى باسقا قاتىسۋشىلار كٶرە المايدى. بۇل رەتتە ويىنعا قاتىسۋشىلار اراسىنداعى ەڭگٸمەنٸڭ نە جايلى ەكەندٸگٸن انىقتاۋ مٷمكٸن ەمەس. وسىعان بايلانىستى مينيسترلٸك قانداي دا بٸر زاڭسىز كونتەنتتٸڭ, ونىڭ ٸشٸندە ويىنعا قاتىسۋشىلاردى سۋيتسيدكە يتەرمەلەۋ بەلگٸلەرٸنٸڭ بولۋى تۋرالى قورىتىندى جاساي المايدى. بۇل رەتتە مينيسترلٸك قازاقستان رەسپۋبليكاسىنىڭ زاڭناماسىنا سەيكەس, ەربٸر اتا-انا ٶز بالاسى ٷشٸن جەكە جاۋاپتى ەكەنٸن جەنە ٶز بالاسىنىڭ اقپاراتتىق كەڭٸستٸكتە نە ٸستەپ جاتقانىن, كٸممەن حات الماساتىنىن جەنە قاي تاقىرىپتا جازاتىنىن ٶزٸ تەكسەرۋٸ تيٸس ەكەنٸن اتاپ ٶتتٸ» دەلٸنگەن اقپارات جەنە قوعامدىق دامۋ مينيسترلٸگٸنٸڭ رەسمي حابارلاماسىندا.
Among Us ويىنىنا كەلەتٸن بولساق, ول 2018 جىلدىڭ ماۋسىم ايىندا شىققان. InnerSloth ستۋديياسى ەزٸرلەگەن ويىن ەكٸ جىل بويى قاراپايىم ويىندار قاتارىندا بولعان. بٸراق بيىل كٷزدە وعان Twitch-تە 2,8 ميلليون جازىلۋشىسى بار ەيگٸلٸ ستريممەر Sodapoppin نازار اۋداردى. وسىدان كەيٸن Among Us بٷكٸل ەلەمگە تانىمال بولدى. قىركٷيەك ايىندا ول Steam ساتۋ كەستەسٸندە بٸرٸنشٸ ورىنعا شىقتى.
Among Us – كوماندالىق ويىن, وعان بٸر ۋاقىتتا 4-10 ادام قاتىسادى. ول ساۋىق كەشتەرٸندە نەمەسە دوستار اراسىندا جيٸ وينالاتىن بەرٸنە بەلگٸلٸ «مافيياعا» ۇقسايدى. بٸراق Among Us-تا ٸس-ەرەكەت عارىش كەمەسٸندە بولادى. ويىنشىلار بٸرٸگٸپ, كەمە جٷيەسٸن ٸستەن شىعارعىسى كەلەتٸن «ساتقىندى» انىقتاۋى تيٸس نەمەسە كەيٸپكەردەردٸڭ بٸرٸن ٶلتٸرۋٸ كەرەك. ويىن كەيٸپكەرلەرٸ – كٸشكەنتاي تٷرلٸ-تٷستٸ ادامدار. ويىندى ەزٸرلەۋشٸلەردٸڭ ايتۋىنشا, ويىننىڭ ماعىناسى -«ەلەۋمەتتٸك دەدۋكتسييا».
New York Times گازەتٸ ٶز ماقالاسىندا ويىننىڭ تانىمالدىلىعىنىڭ ارتۋىن تالقىلاي كەلە, بۇعان پاندەمييا كەزٸندە مەجبٷرلٸ وقشاۋلاۋ سەبەپ بولدى دەپ جازادى.
ويىنشىلار اراسىندا كٶپ كەزدەسەتٸن, جاسٶسپٸرٸمدەر تٷرلٸ فورۋمداردا, توپتىق چاتتاردا حابار الماسادى جەنە تانىمال گەيمەرلەردٸڭ YouTube ارنالارىندا ٶز پٸكٸرلەرٸن قالدىرادى. ينتەرنەتتە وسى ويىنعا قاتىستى مەمدەر ٶتە كٶپ.
بٸز قانداي دا بولماسىن مەملەكەتتە Among Us ويىنى سالدارىنان جازاتايىم وقيعالاردىڭ نەمەسە باسقا دا ينتسيدەنتتەردٸڭ بولعانى تۋرالى راستالعان اقپاراتتى تابا المادىق.
