امەريكالىق ستۋدەنتتەر 280 دوللارعا ساتىپ الاتىن وقۋلىقتى قازاقستاندار تەگٸن وقيدى. بۇل تۋرالى بٷگٸن «جاڭا گۋمانيتارلىق بٸلٸم. قازاق تٸلٸندەگٸ 100 جاڭا وقۋلىق» جوباسى اياسىندا جارىق كٶرگەن وقۋلىقتاردى ەلباسى نۇرسۇلتان نازارباەۆقا تانىستىرۋ بارىسىندا ۇلتتىق اۋدارما بيۋروسىنىڭ اتقارۋشى ديرەكتورى راۋان كەنجەحانۇلى ايتتى, دەپ حابارلايدى قازاقپارات.
«بۇل دەڭگەيدەگٸ بٸر وقۋلىقتى قۇراستىرىپ, باسۋعا دايىنداۋ قۇنى 500 مىڭنان 3 ميلليون دوللارعا دەيٸن جەتەدٸ. سوندىقتان دا وقۋلىقتاردىڭ باعاسى ەدەتتە ٶتە جوعارى. مىسالى, بٸز اۋدارعان پروفەسسور مەنكيۋدٸڭ «ەكونوميكس» اتتى وقۋلىعىن امەريكالىق ستۋدەنتتەر 280 دوللارعا ساتىپ الادى. ونىڭ ٷستٸنە وقۋلىقتى ٶزگە تٸلگە اۋدارىپ, باسۋعا دا اۆتورلار قاتاڭ باقىلاۋ جاسايدى», - دەپ اتاپ ٶتتٸ ول.
ونىڭ ايتۋىنشا, اتالعان جايتتى ەسكەرە وتىرىپ اۋدارما جۇمىسىنا ەلٸمٸزدەگٸ ٸرگەلٸ وقۋ ورىندارى, گۋمانيتارلىق باعىتتاعى عىلىمي-زەرتتەۋ ورتالىقتارىنىڭ ماماندارىن كەڭٸنەن تارتۋعا كٷش سالىنعان. اۋدارمانى مەيلٸنشە ساپالى شىعارۋ ٷشٸن جۇمىسقا تەجٸريبەلٸ اۋدارماشىلار مەن جوعارى وقۋ ورىندارىنىڭ ۇستازدارى شاقىرىلىپ, عىلىمي رەداكتسييا جاساۋعا ەلٸمٸزدٸڭ بەلگٸلٸ عالىمدارى, ەدەبي رەداكتسيياعا قارىمدى قالامگەرلەر, بٸلٸكتٸ رەداكتورلار مەن باسپاگەرلەر تارتىلعان.
«قازٸر بۇل جۇمىسقا 200-گە تارتا مامان قاتىسۋدا. سونداي-اق, عىلىمي اۋدارماسى جولعا قويىلعان ەلدەردٸڭ تەجٸريبەسٸ مۇقييات زەرتتەلدٸ. ٸرگەلٸ اۋدارما تەحنولوگيياسىنىڭ بٸرٸ دٷنيەجٷزٸنٸڭ 181 مىڭنان اسا اۋدارماشىسى قولداناتىن ارنايى تۇعىرناما ۇسىلدى», - دەدٸ راۋان كەنجەحانۇلى.
ايتا كەتەيٸك, استاناداعى نازارباەۆ ورتالىعىندا «قازاق تٸلٸندەگٸ 100 جاڭا وقۋلىق»جوباسى اياسىندا اۋدارىلعان العاشقى كٸتاپتاردىڭ تانىستىرىلىمى ٶتٸپ جاتىر. سالتاناتتى شاراعا قر پرەزيدەنتٸ نۇرسۇلتان نازارباەۆ قاتىسۋدا.
جيىندا سٶز سٶيلەگەن ۇلتتىق اۋدارما بيۋروسىنىڭ اتقارۋشى ديرەكتورى راۋان كەنجەحانۇلى قازاق تٸلٸنە اۋدارىلعان 18 وقۋلىقتىڭ جالپى تارالىمى 47 ميلليوننان اساتىندىعىن ايتتى.
