«AMANAT» پارتيياسىنىڭ باعدارى جاڭا قازاقستان تۇجىرىمداماسىمەن ٷندەس بولۋى كەرەك. قر پارلامەنتٸ سەناتىنىڭ دەپۋتاتى بەيبٸت يساباەۆ وسىنداي پٸكٸر بٸلدٸردٸ, دەپ حابارلايدى قازاقپارات.
«AMANAT» پارتيياسىنىڭ بٷكٸل جۇمىسىن رەفورمالاۋ باستالدى. قوعامنىڭ ٶزگەرٸستەر مەن رەفورمالارعا دەگەن سۇرانىسىنىڭ ارتۋىنا بايلانىستى ساياسي رەفورمالاردىڭ اياسىندا پارتييا جۇمىسىن تٷبٸرٸمەن قايتادان قامتاماسىز ەتۋ مٸندەتٸ قويىلىپ وتىر. بٸرٸنشٸ كەزەكتە پارتييانىڭ باستاۋىش ۇيىمدارىنىڭ جەرگٸلٸكتٸ حالىقپەن بايلانىسى قايتا جولعا قويىلادى. قوعامدى, حالىقتى قانداي مەسەلەلەر تولعاندىرىپ وتىر? ورتالىق اپپارات پەن پارتييانىڭ وبلىستاعى بٶلٸمشەلەرٸنٸڭ اراسىندا جۇمىستى جانداندىرۋ كەرەك. «AMANAT» ٶكٸلدەرٸ بٷگٸنگٸ مەملەكەتتٸك يدەولوگييامىزدى قوعامعا تٷسٸندٸرٸپ, قوعام مەن پارتييانىڭ اراسىنداعى تٷسٸنٸستٸكتٸڭ التىن كٶپٸرٸ بولۋ كەرەك», - دەيدٸ سەنات دەپۋتاتى.
ونىڭ پايىمىنشا, «AMANAT» پارتيياسى جاڭا قازاقستاننىڭ ەكونوميكالىق تۇعىرناماسى نۇسقايتىن باعدارمەن ٷندەسٸپ العا جىلۋى كەرەك.
«ٶكٸنٸشكە قاراي, 30 جىلدىق تاريحىمىزدا ەكونوميكالىق, ەلەۋمەتتٸك, ساياسي دامۋىمىزدا ەلەۋلٸ جەتٸستٸكتەرٸمٸز بولۋىمەن قاتار, ايتارلىقتاي كەمشٸلٸكتەر دە بولدى. ونى جاسىرۋدىڭ قاجەتٸ جوق. مەملەكەت باسشىسى بۇعان دەيٸنگٸ جولداۋلارىندا, حالىققا قايىرىلۋىندا بۇل تۋرالى كەڭٸنەن ايتتى. وسى جٸبەرگەن كەمشٸلٸكتەردەن دۇرىس قورىتىندى شىعارىپ, دامۋدىڭ جاڭا, تيٸمدٸ, ۇتىمدى فورماتتارىن تابۋىمىز كەرەك.
ەكونوميكامىزدىڭ الدىندا تۇرعان ەڭ نەگٸزگٸ ماقسات – حالىقتىڭ ەل-اۋقاتىن, تۇرمىس جاعدايىن, تابىسىن ارتتىرۋ. جاڭا قازاقستاننىڭ ەكونوميكالىق تۇعىرناماسى وسىعان كەلٸپ سايادى. «AMANAT» پارتيياسى دا وسى باعدارمەن ٷندەسٸپ العا جىلجۋى كەرەك دەپ ەسەپتەيمٸن», - دەدٸ بەيبٸت يساباەۆ.
