الجيردە سەرسەنبٸ كٷنٸ اۋرۋحانانىڭ جاڭا تۋعان سەبيلەرگە ارنالعان پالاتاسى ٶرتكە ورانىپ, 8 سەبي كٶز جۇمدى, دەپ حابارلايدى CNN.
Ennahar جەكە تەلەۆيزييا ارناسىنىڭ مەلٸمەتٸنشە, ٶرت شىعىستاعى ەل-ۋەد (El-Oued) پروۆينتسيياسىنىڭ Al-Um Bashir bin Nasser Hospital اۋرۋحاناسىنان شىققان. سەبيلەردٸڭ مەيٸتٸ تٷگەلدەي ٶرتەنٸپ كەتتٸ. بۇل ولاردى تانۋدا قيىندىق تۋدىرىپ وتىر.
حالىقتى قورعاۋ مەسەلەسٸ جٶنٸندەگٸ ديرەكتوراتتىڭ مەلٸمەتٸنشە, جاڭا تۋعان سەبيلەر كٷيٸك شالىپ, تٷتٸنگە ۋلانعاننان كٶز جۇمعان.
11 سەبي, 37 ەيەل مەن 28 قىزمەتكەر قۇتقارىلدى. ٶرت جەرگٸلٸكتٸ ۋاقىت بويىنشا 3:52-دە شىققان. وقيعا ورنىنا ونداعان ٶرت سٶندٸرۋشٸ كەلدٸ.
الجيردٸڭ دەنساۋلىق ساقتاۋ مينيسترٸ ٶرتتٸڭ سەبەپتەرٸن شۇعىل تٷردە تەرگەۋدٸ تالاپ ەتٸپ وتىر. الدىن الا مەلٸمەتتەرگە سەيكەس, ٶرتكە ەلەكتر سىمدارىنىڭ قىسقا تۇيىقتالۋى سەبەپ بولعان.
كٶز جۇمعان بالالاردىڭ وتباسىلارى اۋرۋحانا عيماراتىنىڭ الدىنا جينالىپ, وقيعانى تەرگەۋدٸ تالاپ ەتۋدە.
