قر بٸلٸم جەنە عىلىم ۆيتسە-مينيسترٸ شولپان كارينوۆا بيىلعى «التىن بەلگٸ» ٷمٸتكەرلەرٸ تاپسىراتىن ەمتيحاندارعا قاتىستى ٶزگەرٸستەر جايىندا مەلٸم ەتتٸ, دەپ حابارلايدى قازاقپارات.
«بيىل «التىن بەلگٸ» تٶسبەلگٸسٸن يەلەنۋ ەرەجەسٸنە ٶزگەرٸس ەنگٸزٸلدٸ. ونداعى ماقسات - اشىقتىق پەن ەدٸلدٸكتٸ قامتاماسىز ەتۋ. وقۋشىلار ەمتيحاندى 5 پەن بويىنشا تاپسىرادى. وسى ورايدا ەسكەرەتٸن جايت, ەمتيحان پەندەرٸ, تاپسىرمالاردىڭ مازمۇنى ٶزگەرگەن جوق. «التىن بەلگٸ» ەمتيحاندارى 5-11 سىنىپ ارالىعىنداعى وقۋ باعدارلاماسى اياسىندا ەزٸرلەنەدٸ. بيىلعى باستى ٶزگەرٸس ٷمٸتكەرلەر ماتەماتيكا پەنٸنەن ەمتيحاندى نازارباەۆ زيياتكەرلٸك مەكتەبٸ بازاسىندا تاپسىرادى. ياعني, اتالعان مەكتەپكە بارادى. وسى شارا اكادەمييالىق ادالدىقتى قامتاماسىز ەتۋ ٷشٸن قولعا الىنىپ وتىر. ٶيتكەنٸ وقۋشى ٶز مەكتەبٸندە ەمتيحان تاپسىرعاندا, وعان مۇعالٸمٸ كٶمەكتەسۋٸ مٷمكٸن», - دەدٸ شولپان كارينوۆا مينيسترلٸكتە ٶتكەن تٸكەلەي ەفير بارىسىندا.
ونىڭ ايتۋىنشا, نزم بازاسىندا ٶتەتٸن ەمتيحاننىڭ مازمۇنى مەن دەڭگەيٸ بويىنشا ٶزگەرٸس جوق. ەمتيحان تاپسىرماسى مەكتەپ باعدارلاماسىنا ساي ەزٸرلەنەدٸ.
«وقۋشى «التىن بەلگٸگە» ٷمٸتكەر بولۋ ٷشٸن 5-11 سىنىپ ارالىعىندا بارلىق توقساندىق باعالارى تەك «5» بولۋى تيٸس. سونىمەن قاتار, وقۋشى نەمەسە اتا-اناسىنىڭ شەشٸمٸمەن «التىن بەلگٸگە» ٷمٸتكەر بولۋدان باس تارتۋعا دا بولادى. تاڭداۋ وقۋشىنىڭ ٶز ەركٸندە. باس تارتقان جاعدايدا وقۋشى بارلىق ەمتيحاندى ٶز مەكتەبٸندە تاپسىرادى. سول سيياقتى «التىن بەلگٸدەن» باس تارتقان وقۋشى ٷزدٸك اتتەستات الا الادى», - دەيدٸ ول.
